心思思想買電蒸籠好耐! 不過一直睇唔啱價錢、牌子、size + 款~~~ 超市有好多幾英鎊有交易，但個樣完全唔掂....心水一直都係Tefal，但佢有好多款式太鬼大隻......
尋日(10月1日)見咁好太陽，於是無聊落街行吓，個零鐘頭就大有收穫! 除咗買咗件新衫 + 些少化妝日用品之外，仲比我搵到心水既電蒸籠!!!
仲有就係 - 個電蒸籠係用老公銀行攞返來既禮券買既~ 完全唔洗錢!!! 哈哈~~~~~
2008年10月2日星期四
廚房新玩具 - Tefal 電蒸籠 (10月1日)
心思思想買電蒸籠好耐! 不過一直睇唔啱價錢、牌子、size + 款~~~ 超市有好多幾英鎊有交易，但個樣完全唔掂....心水一直都係Tefal，但佢有好多款式太鬼大隻......
尋日(10月1日)見咁好太陽，於是無聊落街行吓，個零鐘頭就大有收穫! 除咗買咗件新衫 + 些少化妝日用品之外，仲比我搵到心水既電蒸籠!!!
仲有就係 - 個電蒸籠係用老公銀行攞返來既禮券買既~ 完全唔洗錢!!! 哈哈~~~~~
訂閱：
發佈留言 (Atom)
我每次行電器舖都會搞吓尼部機架...但我覺得太細...一隻碟都放吾落...所以我係吾會買...
回覆刪除你吾洗錢咁就攞返屋企都無所謂啦....
[版主回覆10/03/2008 17:39:00]我依個放得落蒸水蛋個碟! 可以用來蒸返熱隔夜餸...又可以買急凍點心蒸來食......我就好有用嘞!
真係好抵喎～蒸蘿蔔糕最啱用～
回覆刪除[版主回覆10/03/2008 17:41:00]係呀係呀~ 有時想食酒樓點心但又唔想去飲茶...最好就係用來蒸急凍點心!!! 依個星期去入d貨先~~~
yes ar ~~ 仲可以一蒸蒸3底, best buy !!!
回覆刪除[版主回覆10/03/2008 17:42:00]係呀~ 可以一次過用哂三格...只用一格又得! 我最鍾意係佢可以慳位既設計!!!
嘩~$200唔駛,又確係抵喎,仲可以由三層疊做一層,咁就慳好多位啦
回覆刪除[版主回覆10/05/2008 08:29:00]好彩我揼吓波鐘先出手買啫~ 咁先比我撞啱佢減價!
唉...我都有一部呢d蒸籠, 蒸左2-3次野就死埋左一邊, 希望你位新寵唔會有俾女皇陛下你打入冷宮既一日啦
回覆刪除[版主回覆10/06/2008 20:29:00]冇咁快入冷宮! 仲相當得 寵添~~ 星期六晚先用來蒸點心做晚餐，老公都話依個係好野來!
平時我又可以用來蒸返熱隔夜餸做lunch~ 唔洗吓吓用微波爐...微波爐好易叮乾野!!!
我係咪太掛住你呢??之前我都一直諗住同你講買邊隻電蒸籠好,點知你已經買咗,仲係同我嘅同一款,不過唔知點解就算同款嘅香港嘅硬係冇咁靚仔?? ,同埋好似你嗰個嘅容量大啲,你哋嗰樹有冇Morphy Richards哩個牌子?
回覆刪除[版主回覆10/08/2008 17:57:00]哈哈~ 心靈咁鬼相通?
其實妳個唔係同款來架~ 妳果個新款過我個架! 我都見過妳依個~ 至於容量就一樣! 不過我就唔記得幾錢......
依度有Morphy Richards~ 都幾大牌子架! 佢d野都幾好用 + 靚仔~ 不過我都少用依個牌子! 以前買過一個飯煲，但就唔係幾好用 - 煮緊飯時d蒸氣水彈到飯煲周圍濕鬼唒!!!
原來係唔同型號嘅,不過都係你嗰個好啲,你嗰個應該係兩邊邊位唔係直線,咁擺碟會方便啲!
回覆刪除哩個你有冇見過? 我買咗tefal之後喺.mega box嘅B&Q,見到哩個又有啲想送咗個tefal俾人, 雖然morphy richards冇tefal咁靚仔,但係佢唔駛伸手入蒸籠先攞到碟餸出嚟嘅設計真係好user friendly,而且佢中間條蒸氣柱可以拆出嚟,咁就可以有更多位,不過都係算啦,哩個貴過我嗰個成三佰蚊,都係冇得比架la,同埋聽你講完之後...我對哩個牌子唔係幾有信心~~
[版主回覆10/08/2008 20:33:00]哇~~~~~ 依隻超靚仔呀!!!! 我冇見過喎! 但係......
- 好似好大隻~ 我就係唔想要太大隻;
- 好似唔可以三個叠埋一個...唔夠慳位;
- 靚還靚~ 始終Tefal 應該好過Morphy Richards!
佢中間柱位既設計有好有唔好! 唔好既緊係嘥位啦~ 不過可以拆; 但妳有冇留意到，如果三層一齊用，通常最上出面果層冇咁熱，要蒸耐d? 所以有條柱溫度應該會蒸得均勻好多!
但真係好靚仔! 我都流哂口水~ 不過我地都係算吧啦......
讀得書多果然唔同,啲分析力咁鬼快又有條理,條蒸氣柱嘅作用你咁快就諗到, 我就冇太留意哩一點,只係諗過咁樣啲熱力會快啲到頂,不過哩個Morphy Richards又唔係大過Tefal好多,又一定唔算細,但係呢...哩個都可以叠起收埋,而每層嘅底盤係可以獨立抽出嚟,即係只要拎開個外圍就可以起碟餸出嚟,唔駛伸隻手入去拎....,之不過盛惠港幣六佰大元~~
回覆刪除我都留意到蒸嘢嗰陣如果用晒三層,咁最上面嗰層係要耐啲,Tefal本說明書都係咁講,同埋如果蒸有冰嘅嘢就真係要好耐吓,最初我又係買啲燒賣,叉燒包返嚟蒸,都冇乜問題,但係有次蒸包點心糯米雞蒸咗我成個鐘咁滯.[因為我之前擺咗落冰格],諗住求求其唔駛煮快啲有得食,點知餓到我發癲~~
前兩日我又試吓由生米蒸成熟飯要幾耐??[我一買親啲新嘢就係會係咁試係咁玩 ,連我隻6都忍唔住問我係咪好好玩?! ]咁就比原來嘅時間短咗三分一,不過就冇乜飯味,啲香味可能隨住蒸氣散失咗,又會比較腍,不過一個人食就唔駛用電飯煲,你都知用一般家庭式電飯煲,唔煲得太少飯!
[版主回覆10/10/2008 06:30:00]OIC~ 果個原來都可以叠埋既!
咦~ 乜原來蒸飯仲快熟過用飯煲煮架???? 我真係未試過......個野買咗返來，我係咁二立過吓本說明書咋~ 都冇點樣仔細睇~~~
妳不如買個迷你電飯煲啦! 一至兩個人都用得，可煮1-3杯米~ 我屋企平時都係用緊依種迷你電飯煲! 不過唔係Panasonic~ (我都有兩個大飯煲，不過有朋友來食飯時先用~)
UK has Woolworths too?! So is Woolworths a UK chain or Australia chain? i think more like uk.. I think a steamer is very useful ar..but i'm still a student so i'll have to settle with whatever i have..i do it the ancient way..steam rack and pot.. Your steamer is really very worth it wor..it just makes us happy right? each time we snag a good deal..
回覆刪除[版主回覆05/13/2009 06:09:00]not anymore~ all Woolworths closed down recently. everytime i want to buy something, i always try to find the best deal~~~~
HI美女, 你仲有無玩呢個蒸籠? 打算買一個不過想問下用家意見. THANKS
回覆刪除[版主回覆04/11/2011 04:29:00]Hi Ka~ 雖然部電蒸籠少用咗，不過間中都會用吓架!
個人覺得幾好用! 我多數用來蒸中式點心，或翻熱食物~ 買啦~ 買啦!
心思思想架啦 (ARGOS最平, 但都要三十幾), 我想問下個3個透明盤係膠定係玻璃?
回覆刪除[版主回覆04/12/2011 01:48:00]如果有牌子既話三十幾已算好平架嘞，我依部筍野係因為果時Woolworths 執笠先咁平架咋!
如果妳唔洗有牌子，咁Tesco Asda 自家出品分分鐘十幾都有交易~
透明盆係膠來架~ 如果係玻璃的話，應該已經比我打爛咗十世咯!