枸杞豬潤肉片湯; 黑椒豬扒; 清蒸鱸魚 & 蒜茸菠菜
有見上星期五老公對條黑立既反應良好...星期日去Morrisons 買野，又見到鱸魚好靚~ 於是決定再下一城! 老公反應都好好~ 話好好食! 不過當我問佢: 上次條黑立好味d，定依條鱸魚好味d呀? 佢竟然話: 唔記得果條係咩味!
問親老公想食乜，佢都係話豬扒! 連我問佢"下次焗個咩蛋糕好呢?"，佢都話焗個"豬扒蛋糕"........(發神經!
) 尋日去Asda 買餸，豬扒大減價 - £10 有3 pack! 咁就整豬扒啦~~~奇蹟又再度出現!!!
我滾緊湯時老公問我係乜湯...我已經特登唔講湯裡面有豬潤......怕老公預先有"陰影"~~~~ 點知開飯時我叫佢裝湯，佢問我:有organ 架? 我話佢知有少少豬潤~ 佢即刻攞個湯殼去聞!!! (真係想攞個湯殼扑死佢!!!!!)
老公習慣食緊飯時掂都唔掂碗湯~ 食完飯先一次過飲~ 尋晚就更加啦!!! 之但係...佢食完飯後，一副等待行刑既衰樣咁去"黏吓黏吓"碗湯......突然間佢竟然話碗湯好好味! 佢話完全飲唔到有內臟味道~~~~ 我問佢鍾唔鍾意，佢竟然話鍾意!!!
由此可見~ 其實老公既飲食習慣係可以改既~ 只係99就慣哂佢地 - 佢地唔鍾意食 / 唔想食 / 唔想試.....就一律唔煮! (唉~~~~)
枸杞豬潤肉片湯食譜click here~
黑椒豬扒(參考食譜)click here~
豬扒蛋糕????????哈哈！比佢笑死
回覆刪除整左話我知！
[版主回覆10/22/2008 01:20:00]佢係豬扒怪魔來架嘛!
我個蝦子餅係少少魚都唔食...所以餐餐都係肉肉肉....
回覆刪除[版主回覆10/22/2008 01:22:00]其實我老公之前有好多野試都未試過就話唔食~ 都係因為我99太縱佢地! 不過佢唔食我都要食! 所以我會照煮~~~ heehee!!!
而家令到老公食魚; 我希望遲吓可以令佢食菜~~~~~
飲食習慣真係好易變架,
回覆刪除未識我老公前,我唔鍾意食飯/甜野/麵包,總之易肥既野都唔食,
一齊之後全部都鍾意食,唔知係咪因為有人要左,可以放肆咁食,
[版主回覆10/22/2008 17:37:00]我又唔覺得飲食習慣容易改變喎......
我由細到大都唔鍾意食甜野~ 我連水果汽水朱古力雪糕.....我全部都唔啱; 反而老公就好鍾意甜品汽水~ 我地一齊9年，我都冇變過 - 仍然係唔鍾意甜食! 學整都只係整比老公食~~~
我間中都會發精經想食甜品...但通常咬幾啖我又回復返唔想食架嘞! 始終都係唔會愛上甜食.......
其實...我都好怕食豬膶...
回覆刪除[版主回覆10/22/2008 17:44:00]我好鍾意架! 由細到大都鍾意~ 凡內臟 / 高膽固醇既都啱我!!!
我老公其實到而家都唔食豬潤架 (仲好~ 唔洗同我爭食!)，不過佢覺得個湯好味 + 會飲多d就夠嘞!
I'm long time did not eat 豬潤 la. I like to eat 豬潤 rice soup. Yummy. Can you tell me 豬潤 in English?
回覆刪除[版主回覆10/23/2008 19:27:00]豬潤英文係pig's liver~
also pig's liver is a very good source of iron!
係呀 太過揀飲擇食唔好架 加上係有益既野丫麻 我而家都唔理三七廿一 整左先算 有益既野 由其係湯水 點都要迫我家大少飲 話知佢當飲涼茶丫 琴日仲好笑 我煲花旗參 佢至鬼怕 (呢個湯 冇得呃佢飲 因為一飲就知係乜) 咁我話 你呢排又唔夠訓 又熱氣 有益呀 呢個湯 你點都要同我飲2碗呀 跟住佢話好呀 (可唔可以比2粒"二寶菓汁糖"我送湯呀) 成三十歲人 比佢激死我
回覆刪除[版主回覆10/23/2008 19:32:00]佢真係當藥咁來飲喎!
花旗蔘我老公完全冇問題~ 佢最怕係內臟湯既啫! 不過我唸今次係枸杞既香味，加埋仲有我落咗薑汁、胡椒粉 + 紹酒三重辟腥咁醃豬潤啦~~~
我好認同你嗰句,人有時唔係唔鍾意食嗰樣嘢,都要睇係邊個整,同整得好唔好味嘅啫!
回覆刪除我煲啲乜乜物物俾我bf飲嗰陣,佢成日都問我係咩嚟嘅?? 而我嘅答案永遠得一個,就係>>>" 毒 藥 " ,跟住佢就唔會再問,知道一定要飲!
[版主回覆10/23/2008 19:39:00]我唔知係咪因為我整既關係~ 不過我就知 - 有好多我老公所謂"唔鍾意食"既野，其實佢根本完全冇試過 / 唔想試!
- 但唔試過又點知自己唔鍾意呢?
- 一早對某種食物心存偏見~ 迫到佢試時，已經有陰影，認定依樣野唔好食or 好核突.....
所以我而家特登佢返到來先開始煮飯~ 佢放工時好肚餓，肚餓咪想食野囉 - 肚餓係最好既調味品! 咁我煮一d平時佢唔多吼既食物，佢會比較樂於嘗試!
I believe we just have cow liver in here.
回覆刪除[版主回覆10/23/2008 22:05:00]really? that's odd~ have you tried the butcher?