(1) 舊年結婚一週年前冇耐，我誤會咗老公有第二個女人...
但我當時並冇將自己心裡面既疑問講出來，老公完全唔知道我心裡面有事!
事件蘊釀咗一段時間後，有一日我為咗依件事好唔開心，突然唔知點去面對老公! 所以我選擇逃避 - 我整日冇聽老公電話~ 不過手機 + 屋企電話不停咁響! 手機都可以較冇聲，但屋企個電話......於是我走咗出街，漫無目的咁周圍行~~~~
到我冷靜後想返屋企，喺屋企樓下見到老公架車 - 老公早咗成個鐘頭返來! (佢話係特登早走返來搵我...) 我喺屋企停車場唔敢返上去...手裡面既手機又不停咁震......終於我接咗老公電話!
老公知道我喺樓下，就9秒9跑落來搵我，一見到我就攬住我 + 喊得好悽涼
，問我發生咗乜事......(老公絕對唔係易喊既人來! 一向好硬淨~~~ 依件事之前，我只見老公喊過一次 - 拍拖時我地鬧分手~)我將自己心裡面既疑問講哂出來，老公同我一一解釋...老公同我講: HonHon~ 我並唔係隨便將介指帶係女人手上既果種人!!! 我選擇咗妳做我老婆，係因為我想同妳spend the rest of my life~ 所以我希望妳可以信我! 我想妳應承我 - 如果妳下次又懷疑我做衰野，妳要同我講，唔可以就咁走咗去就算!
老公伸出手指尾...勾手指 + 誤會冰釋後，我見到士多房 + boiler room 都比老公摷到亂哂!!!
手指勾就勾咗~ 不過之後我每次發脾氣or 有不滿時，仍然係粒聲唔出......
(2) 我 + 老公既手機一向都係同樣型號~ 我地對上既舊手機 (Samsung)，有一個Emergency Function: 遇到危險時e.g. 比人標參~
偷偷按側鍵3次，電話會送出求救訊息比你set 咗既人 + 自動轉為冇聲 - in case 有人打來都唔會比賊人發現!!!
我從來都冇用過依個Function~ 不過有一個風和日麗既星期六下午，我地冇出街~ 老公喺廳打機; 我就喺廚房醃晚餐既食物...突然我發現有樣材料冇哂，當時只係晏晝點零兩點鐘，於是......
我一去到Asda 見到好多special offers~ 睇吓睇吓...就係咁不知不覺越行越耐!!! 行行吓突然見到老公喘哂氣咁迎面跑過來......
原來我個電話喺手袋裡面，唔知點樣按咗側鍵3次~~~ 老公收到我既"救命sms"就跑落來拯救我! 佢話一路跑來時一路打比我 - 不過電話自動轉冇聲，所以我唔知道......
我見佢咁鬼緊張，加埋佢頭髮又亂 + 著住屋企既穿窿睡褲......我就笑到肚痛!
老公就好尷尬.......
大笑只係用來掩飾眼淺既我標緊出來既眼淚!
喺Asda 裡面我攬到老公好實......(3) 十幾歲就學人著3吋高踭鞋; 連返學趕巴士都係可以著高踭boots、高踭涼鞋...多年貪靚種下既惡果，認真和味......
因為枕住依幾年間唔中瞓到半夜，左腳腳肚會突然抽筋! 只係左腳~ 一年都有3幾次~~ 每次腳抽筋我都會痛到出唔到聲，我唯一會做既只係 - 大力拍醒正在熟睡既老公!!!
我記得頭一次拍醒老公，佢不停問我咩事...但我又痛到講唔到野~ 只係識指住隻腳 + 做手勢叫佢幫我捽; 訓練有素...而家我一拍老公，佢即時知道我又腳抽筋 + 自動幫我捽腳......
不過最難得既係 - 第二朝佢會記得我半夜腳抽筋! 會問我仲痛唔痛? 記得用熱水浸吓對腳喎.......
P.S. 本來我覺得，我腳抽筋 + 拍醒老公幫我捽腳係應份既! 不過我見forum 有人講過半夜唔小心整醒個老公，竟然會比老公即時扯幾巴.........
>>>>>>>>>>>>>>>>>>>>>>>>>>>>>>>>>>>>>>>>>>>>>> 我好多時都會問自己 - 我何德何能有個咁鬼正既老公????
- 我年紀大過老公4年...但老公會當我小朋友咁氹 + 縱容;
- 以前好多女仔追老公! 要靚女有靚女; 要大波有大波(依點一定冇我份!!
); 要青春後生有青春後生; 本地法國日本馬拉香港大陸...咩國藉都有! 甚至我同咗老公拍拖，一樣有好多女仔都係當我死or 透明!
有人曾經當住我面問我: 妳估如果我搶妳男友...搶唔搶到吖嗱???
(當時仲未係老公~)
自問自己並唔係老公最好既選擇......
- 我以前做過好多傷害得老公好深既事...惡毒傷害既說話更加係無數...但老公可以既往不究，仲越來越鍚我......
>>>>>>>>>>>>>>>>>>>>>>>>>>>>>>>>>>>>>>>>>>>>>>>
Hon~~~~ 如果做人老公滿分有10分，我一定會比你11分;
"P.S. 本來我覺得，我腳抽筋 + 拍醒老公幫我捽腳係應份既! 不過我見forum 有人講過半夜唔小心整醒個老公，竟然會比老公即時扯幾巴......... "
回覆刪除有啲咁嘅事???喺邊度??幾時??點解??個男人係咪有躁狂症????
睇你寫嘅嘢,如果我係你老公都唔知好嬲定好笑??不過我就覺得好温馨惹笑!
唉,你就好,你老公咁後生都咁成熟識諗,我嗰件就大我成八年都仲要我教返佢做人轉頭咁滯!!
[版主回覆10/28/2008 18:18:00]好似係上星期之嘛! 喺夫婦板~ 好似係人地回一個講離婚既topic !! 佢仲話個老公第二朝好似完全冇事發生過添! 我都O哂咀!!! 我真係好唔明依d男人 - 如果咁對個老婆，點解當初仲要娶佢???????
哈哈~~ 我成日串老公話佢有第2個女人，佢都會話 - 未死過呀? 妳一個仲唔夠呀???
"P.S. 本來我覺得，我腳抽筋 + 拍醒老公幫我捽腳係應份既! 不過我見forum 有人講過半夜唔小心整醒個老公，竟然會比老公即時扯幾巴......... 咁衰都有!! 如果係咁..我一定晚晚扮夢遊, 每晚都星佢幾巴扮訓返, 打足一個月先順返條氣呀
回覆刪除[版主回覆10/28/2008 18:27:00]咁做既話......個老公會唔會星得佢仲金呢????
我睇到依段 ~~
回覆刪除老公: (面霎時轉紅~) 打咗成日電話比妳，屋企手提都冇人聽.....返到來又唔見妳......我怕有人入屋打劫....殺死咗妳收埋喺士多房..........
忍唔住吱一聲笑出黎 , 真係好好笑, 不過可以睇得出你老公真係好錫你, 可以想像到佢當時幾咁擔心你
其實你老公都好叻, 臨危不亂, 因為仲識諗到你會唔會比人收埋係士多房
[版主回覆10/28/2008 18:29:00]如果真係咁臨危不亂...就唔會摷到士多房亂哂啦~~ 應該會摷得好"整齊"!!
有人竟然吾知醜係你面前講同你爭男朋友...佢真係買板吾知"定"...
回覆刪除[版主回覆10/28/2008 18:30:00]果個人仲係我朋友來架! 佢扮哂講笑咁問我....吹脹!
Sorry, 快手按錯keyboard, 請不要誤會我打了 f 字呀........., 其實十分喜歡你的blog, 好真摰, cooking 好好味呀. 一直追看中.
回覆刪除[版主回覆10/28/2008 18:32:00] 唔洗擔心 + 唔洗sorry!
多謝哂捧場~~~~
唉...如果我老公有你0個個一半就好喇... 你真係好幸福呀~祝福你
回覆刪除[版主回覆10/28/2008 18:36:00]多謝妳既祝福! 大家咁話~~~~
好 sweet 呀, 我同同事睇到事件 2 都笑到標哂眼水..哈哈..你老公真係好緊張你呢..你就係咁2 都收少少脾氣啦..哈哈~~
回覆刪除[版主回覆10/28/2008 18:40:00]其實我都進步緊架嘞 - 以前我可以幾粒鐘一句野都唔講; 而家都係一粒鐘度啫!
真係好鬼Sweet..............呀!有時我隻腳都會抽筋,但叫老公替我捽腳就難啦!我覺得你老公對你真係體貼,又細心,又咁鍚你。好似愛情小說個啲男主角咁!十分完美男人。如果我老公有你個個一半就好喇!真係伶人羨慕。
回覆刪除[版主回覆10/28/2008 18:45:00]多謝哂!
其實個個人都唔同~ 所以可能係表達方法唔同啫! btw, 有時我抽筋完，第二朝起身隻腳仲有少少戚，用熱水浸一陣真係會好好多架! 妳都試吓吖~~~
其實你都好難得架, 好少有人在幸運既時候知道自己幸福, 反而大多數人都係身在福中不知福, 所以你hon hon娶到你佢都好幸福喇~~
回覆刪除[版主回覆10/28/2008 19:58:00]多謝! 不過我唸 - 識唔識去珍惜自己擁有既野，都係要去學習! 好似我咁，我都係從以前既經歷去學習珍惜~~~
而家咁細心 好可愛的男人 真的絕種了 (你真幸運 咁都比你遇到 )
回覆刪除[版主回覆10/29/2008 18:02:00]如果第日我有仔既話，我希望可以教到個仔好似老公咁可愛! 咁依種男人咪唔洗絕種囉!
真係好SWEET SWEET!一路睇一路笑，你地恩愛得嚟居然有咁多笑料^^
回覆刪除希望我晴晴穆時都會搵到個咁好嘅老公！
[版主回覆10/29/2008 18:06:00]哈哈~~~~ 可能老公見我咁幼稚，投我所好!
咁我祝晴晴第日搵個好老公 + 肥仔又搵個好老婆~ 4個一齊孝順妳~~~~
每個人都喜歡 GOOD MAN ,所以他得人鍾愛, 而你的優點, 就只有他鍾愛,
回覆刪除祝福你們有好好, 克美的結局
[版主回覆10/29/2008 18:08:00]多謝妳既祝福!
希望天下間所有夫妻都識得互相欣賞啦~~~
每個人都喜歡 GOOD MAN ,所以他得人鍾愛, 而你的優點, 就只有他鍾愛,
回覆刪除祝福你們有好好, 克美的結局
OMG, so sweet........
回覆刪除Do you still know any other people like him? Please do introduce to me!!
[版主回覆10/29/2008 18:51:00]haha~~~~ unfortunately no woh!
i'll keep my eyes open for you ok?
睇你打既呢篇BLOG, 一路睇..一路微笑..SO SWEET......
回覆刪除[版主回覆10/30/2008 16:29:00]係咁 笑? 定係咁 笑?? 定還是係咁 笑????
祝福你們有好好, 完美的結局
回覆刪除[版主回覆10/30/2008 16:30:00]多謝! 大家咁話~
你何德何能有o甘既老公?
回覆刪除一句講o西: "好命lor!!!"
[版主回覆10/30/2008 16:32:00]又或者係佢上一世欠鬼咗我既!
好幸福呀~ ~ ~
回覆刪除[版主回覆10/30/2008 16:33:00]多謝~~~
我覺得只要你老公love你咪得,哩個已經係一個最無敵嘅理由!!
回覆刪除[版主回覆10/31/2008 00:40:00](Empty)
係咁笑呀....
回覆刪除你老公真係好愛你呀, 真係值11分, 本身我都覺得我老公對我好好, 但睇完你老公對你後, 我覺得我老公差好多班。
回覆刪除[版主回覆01/30/2009 18:24:00]多謝! 我都覺得自己好幸福 + 幸運有個咁好既老公~
不過妳唔好咁比較啦~ 個個人性格背景都唔相同嘛，所以表達感情方法都唔同! 只要妳覺得老公好鍚妳就得啦~ 係咪?
" 我好多時都會問自己 - 我何德何能有個咁鬼正既老公????" 呢一句, 我都成日問自己架~~ 自問又肥又醜樣, 學識又唔高, 又幫唔到佢d乜野, 仲成日好似細路女咁嗲佢買野, 洗佢d錢! 但佢一樣好愛我鍚我, 冇晒我乎, 仲好enjoy被我鬧我被我咬.... 我都好想講句, 我何德何能有個咁鍚我既老公呀??
回覆刪除[版主回覆06/04/2009 17:30:00]妳老公咁鍚妳，妳仲捨得鬧佢咬佢既?
妳唔好成日咁話自己啦......其實老公鍚自己已經足夠~ 當中係咩原因都唔重要! 只要好好享受有人咁愛鍚自己~~
so sweet... 如果我 男朋友 有MR T一半就好喇~~ 近來學整你食譜的麵包 ，但係有D失敗 ( 希望下次會成功啦 ) btw謝謝你分享 食譜
回覆刪除[版主回覆08/22/2011 07:14:00]Thanks Pinky! 每個人都係獨一無二，個個人性格都唔同架嘛，唔可以咁比較既~
其實整麵包唔難架! 試多幾次練習多d就會掌握到技巧架嘞! 加油啊!