2008年10月10日星期五

Nando's 既燒雞肝 (10月9日)



尋晚(10月9日)本來應該煮飯既,不過晏晝無意中睇到一位英國blog 友一篇講Nando's 既blog,發現而家Nando's 竟然有我最愛既燒雞肝食!!!! (最上面依碟就係嘞~~~ )


我 + 老公成日都去Nando's~ (我之前都喺blog 講過!),我地叫Nando's 既peri peri chicken 做"辣辣雞"......

其實我上次去Nando's 既時候,佢地已經改咗餐牌 - 餐牌上已加咗燒雞肝! 不過當時我冇留意到,直至尋日睇到依位英國blog 友提起~~~~~~

本來都唸住煮飯~ 但自從睇完blog 友既blog,我一路做家務...腦海不停浮現燒雞肝既倩影!!!! can't get it out of my head~~~~~~
 老公放工時打電話返來,我就同佢講想去食"辣辣雞"...所以唔煮飯!
老公返來後,我地就去咗Glasgow Fort 既Nando's~ 去過咁多次Nando's,今次等得最耐! 原因係 - 雞肝係有客order 先新鮮整! 所以要等15分鐘左右~ 我唸係因為始終西方人,尤其英國人唔多鍾意食內臟......

不過等咁耐都係值得既!!!! 因為真係超級好味道!!!!!!
 老公本來唔食內臟,不過自從識咗我之後,佢見我成日order chicken liver pate,佢都因為好奇食埋一份! 佢都覺得幾好味~ 但就冇我咁crazy~~~~ 雞肝佢仲接受到...其他內臟佢就唔制嘞!
除咗燒雞肝之外,我地仲order 咗我地既例牌野........


 我既 - 半隻"辣辣雞" + spicy rice + 燒粟米1條~

 老公既 - 半隻"辣辣雞", 薯條 + 蒜茸包~

 5隻辣辣雞翼兩份分......

 不過唔知點解尋晚冇我最鍾意既Extra Hot Peri Peri Sauce? 最辣既都係得Hot......Garlic + Wild Herb 係老公食既~~~~


 去街食飯時叫可樂...但汽水裡面既汽成日整到枝飲管浮起來~ 好鬼麻煩!!! 聰明既老公唸到依個方法 - 箭咀果度重d可以勾住,令

飲管唔會再彈起!!! 不過就唔係好環保囉.......

4 則留言:

  1. 膽固醇係高D 我都好鐘意食燒雞肝 不過係港式呢~
    [版主回覆10/13/2008 21:11:00]我就上至法式血淋淋既......下至燒到熟哂......總之係雞肝就鍾意!!!

    回覆刪除
  2. For 燒雞肝, I super love those in siu lap shops ~~ yummy ~~
    [版主回覆10/13/2008 21:12:00]as long as it's chicken liver...no matter what kind of cooking!

    回覆刪除
  3. 膽固醇另計,  但有吃完全碟雞肝嗎 ?? 好多播??
    我也試, 飲管彈起 , 好煩!!! 不過是兩枝連在一起后, 一齊 "彈起 " , 激死
    [版主回覆10/20/2008 18:25:00]食得哂! 連雞都食哂~ 我地2個好大食架!
     
    碟雞肝老公只食咗1舊,(佢會試~ 但基本上佢係完全唔食內臟既!),其他我一個人食哂! 好鬼正~~~~
     
    咁妳下次試吓依個飲管方法吖!

    回覆刪除
  4. 咩HK都有Nando's咩?? 我都好耐冇食啦,好掛住佢呀!!
    [版主回覆12/30/2010 11:44:00]香港係無既~ 我之前睇錯咗! 我會改返網誌內容~
     
     

    回覆刪除

Related Posts Plugin for WordPress, Blogger...