夫復何求~ (10月27日)

啱啱喊完......不過係開心感動既眼淚~~~~~~

今次金融風暴，V媽媽損失都幾慘重~ 而某大銀行某位職員，對V媽媽講咗一番不付責任既說話...上星期五仲竟然大庭廣眾，用離哂大譜既無禮態度同V媽媽講野! 厚道既V媽媽念住而家咁既時世，唔想依個時候打爛人家飯碗......所以並無即時投訴對方~~~

V媽媽身為依間銀行既VIP，竟然都會比職員用咁既態度對待~ 佢條氣點會順吖? (我聽到果位職員既言行都O哂咀!!!) 一肚氣既V媽媽心理付擔百上加斤 + 無從發洩...唯有打比我呻!

阿姨、姨丈 + 老公 - 全部都喺銀行在職，每個人既專業意見，都係勸V媽媽一定要投訴依位無禮職員! V媽媽都好聽話 + 行動好快手~~~ 投訴已受理 + 成功換人跟進V媽媽既其他投資......

雖然V媽媽睇錢銀睇得好開，但畢竟V媽媽心情唔算靚~~~~~


早幾日V媽媽打電話比我時，佢竟然紆尊降貴問我: 阿妹(V媽媽對我既暱稱)~ 妳幾時返來呀?????? 我好掛住妳呀~~~~~~~

我聽到心一疼.......我都好掛住V媽媽 + V爸爸~ (不過我打死都唔會正正經經咁講出口話掛住佢地......)，我都好想快d返香港!!! 但我個passport 真係未攞返嘛........
(音訊全無~ 我日日咀咒入境處!!!)

一向V媽媽同我傾計既所有野，我都會一一同老公講返~ 頭先老公放lunch 打比我......

 老公: HonHon~ 我啱啱打比妳媽咪傾計來...所以佢一陣可能會打比妳架!

 我: 咩樹呀??? 又係銀行投訴d野?

 老公: 唔係~ 不過d護照咁耐都未有聲氣，我地可能11月都未必返到香港; 咁一到12月我銀行會好忙又行唔開(老公每年聖誕前後都好鬼忙!); 我見妳媽咪依排有d唔開心，佢又咁掛住妳......我咪同佢講 - 如果我地11月趕唔切返香港，我出錢請佢過來! 反正我今年仲有好多假剩...佢唔鍾意蘇格蘭，咁我地可以渣車陪佢去第二度玩.........

 我感動到無言~ 完全唔知講咩野好! 因為事前老公完全冇同我提及過佢有咁既打算! 老公話我知，並唔係想邀功! 只因為我真係一d都唔知 - 所以如果V媽媽同我講，我會一頭霧水......

 老公: 妳媽咪好開心...不過佢話唔放心舖頭行唔開喎! 所以如果佢打電話比妳，妳就試吓convince 佢過來啦! 當然最好係我地趕到11月返去啦~ 不過我係講真架 - 如果趕唔切11 月返去，就請妳媽咪過來......

 我: 嗦嗦~~~ (索鼻水聲) 咁V爸爸呢???? (我玩野地問! 因為V爸爸 + V媽媽唔可以兩個人一齊放假既! 我結婚時係例外~)

 老公: 咁咪妳媽咪過來一星期; 跟住妳爹哋過來一星期囉......

 我: HonHon~ 我唔知講咩野好......我好appreciate....... (註: 我 + 老公係唔會嗌對方做老公老婆既! 我地一向都係稱呼對方做"Hon"~ 佢又係Hon，我又係Hon!)

 老公: 傻妹~ 我知妳都好掛住妳媽咪 (唉~ V爸爸經常被忽略...)，所以其實我係想妳開心~ 唔講咁耐嘞...我要做野嘞! 總之妳媽咪打比妳，妳就氹吓佢過來啦! 佢推妳既話，妳就叫佢唸吓先決定啦......
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

收線後我心情久久未平伏......

V媽媽已打咗電話比我! 佢以為係我 + 老公一齊提出既主意~ 其實我預咗V媽媽唔會來! 因為(1) 佢好怕搭長途機; (2) 佢唔鍾意蘇格蘭; (3) 雖然老公提議同佢去倫敦玩~ 但V媽媽之前都去過倫敦......+ 佢唔鍾意倫敦!!!

雖然我預咗V媽媽唔會接受老公既建議...不過老公依份心意，令我好感動!

 我覺得我絕對冇嫁錯老公~~~