得個樣但尚未成功既雜果忌廉蛋糕

上星期五(10月9日)我突破咗自己 - 焗咗個雜果忌廉蛋糕慶祝結婚2週年~ 不過依個蛋糕並唔成功! 因為......


(1) 我用錯忌廉!

我想做既係港式好light 既忌廉蛋糕~ (西方人果種蛋糕好厚重!) 不過網上既港式忌廉蛋糕食譜全部係中文，所以我一路以為做忌廉蛋糕用既係whipped cream! 咁我就唸住買whipping cream 返來自己打......但係星期五果日Asda 一盒whipping cream 都冇!

 所以我買咗枝現成唧筒裝Whipped 甜忌廉......
我一路唧忌廉出來鋪蛋糕，一路都覺得好奇怪 - 點解天氣咁凍，忌廉都會咁快溶既??? 最上面完成品張相係剛剛完成時影既! 但周圍既忌廉唧花已經溶溶地......

 到咗星期六晚我地去街食完飯，周圍既忌廉已經塌哂!!!!!!!
老公話應該係Asda 既枝裝忌廉太cheap......不過我就覺得另有原因! 於是我就努力搵出錯喺邊度......

原來我用既唧筒裝Whipped 甜忌廉，只係用於食甜品前先唧出來伴食! 而Whipping Cream 係唔完全唔適合用來做忌廉蛋糕!!! 做忌廉蛋糕應該用Double cream 加糖來打發~~~

(2) N年前雖然焗過生日蛋糕比老公，我當時用西人Sponge Cake 食譜~ 不過據我估計，應該係放入焗爐時放得太高，所以焗到外面熟哂 + 好深色，但裡面就唔熟! 而且熟既部份亦唔海綿~ 蛋糕質地好實，完全唔鬆軟.......

 依個就係當年我做比老公既生日蛋糕......

 (時為2000年~) 底果層蛋糕中間有個大姑窿(因為唔熟)......
之後我就只焗過細隻既杯仔蛋糕，冇再焗成個大蛋糕嘞~~~~~ 直至上星期五......

 由於第1次既失敗，今次只係第2次焗......所以我去超市買材料時，買定一包現成蛋糕粉 - 以備真係衰咗時，都仲有時間快手焗過個!
今次我上網搵咗個中文海綿蛋糕食譜......不過都係衰咗! 而且完全唔知錯喺邊度!!! 我已經跟足材料份量溫度時間......所以最終都要用咗包現成蛋糕粉~~~~~

雖然我焗蛋糕唔掂，但我仍然記得2000年用西人食譜焗既大姑窿蛋糕，材料溝出來時，質地應該係好似雞蛋仔既粉漿咁杰; 但依個網上中文食譜，材料溝出來就好稀! 我唸就係因為依個原因，所以蛋糕唔發......

反而包現成蛋糕粉好有驚喜! 材料溝出來質地正常地杰 + 焗出既蛋糕好海綿~~~

 不過我希望下次可以連蛋糕都係自己一手一腳焗出來，所以我買咗唔同超市出品既現成蛋糕粉，慢慢研究佢地用既配方...務求有一日可以親手焗出個鬆軟又好味既海綿蛋糕!!
雖然我既第2 Cake 仍然係唔成功...但其實味道口感，都好似港式忌廉蛋糕!  

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

 為咗加強自己焗蛋糕既恒心，我買咗一大堆焗蛋糕材料 + 用具!

 有咗依個切蛋糕器，就唔會切到一邊厚一邊薄!

 依個用來刮出蛋糕周圍忌廉既紋路~

 上星期五用既大心型蛋糕模~ weekend 見到有細size，所以買埋佢!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

 之前特別為咗結婚週年，喺Lakeland 買咗隻新出既"彩色火焰蠟燭"~ 
 

 不過燒出來效果就唔及個包裝咁明顯嘞......而且燒得仲快過炮仗!!!!! £2.99~ 6個色得12枝...真搵笨!!!