1. 翠玉瓜1條洗淨切片; 貴妃貝或鮑貝1罐，隔去湯汁備用。
2. 油鑊爆香薑絲和蒜茸，下翠玉瓜片炒至半熟，將翠玉瓜片撥在一旁。
3. 鑊的空位下XO醬炒一會至香，再和一旁的翠玉瓜片一同炒勻。
4. 最後下貴妃貝 / 鮑貝兜勻炒數分鐘既成。
NOTE
- 食譜係我無意中睇到"村<飲飲食食事件簿>"而得來既~ 不過我就將材料 + 煮法略略改過;
- 我用既並唔係香港果種翠玉瓜，因為我買唔到! 所以我用咗翠玉瓜既親戚 - 意大利黃瓜 (Courgette)~ 翠玉瓜 + 意大利黃瓜外型相似，但意大利黃瓜表皮比翠玉瓜深綠色，不過兩者均屬葫蘆科南瓜屬;
- 炒過既XO醬會比較香~~~~~
lee個餸好味呀..我都係用xo醬黎炒ga..但係呢你有冇試過d翠玉瓜唔係要黎炒呀?我諗緊除左炒之外仲可以點整.
回覆刪除[版主回覆10/23/2008 19:14:00]其實我係冇試過真正既翠玉瓜(香港果種)架! 不過我上網知道意大利黃瓜係差唔多既~ 所以先試吓!
西人就用來焗; 我唸中式用來蒜茸蒸都應該會幾好食! 我仲有兩條喺度，等我今晚or 聽晚試試~~~~
個樣好似喎～
回覆刪除[版主回覆10/24/2008 17:18:00]少少似啦! 鮑貝大粒d + 圓身d; 但貴妃貝長d幼d......
個樣好似喎～
回覆刪除昨晚我都煮鮑貝,不過香港D野真係愈來愈貴了,之前買開三十幾,一加去到$43,昨晚去買竟賣$48.5......HELP)))))))))))))))))
回覆刪除[版主回覆10/24/2008 17:20:00]吓~~~~~~ 妳喺邊度買鮑貝架??? 我老公4月返來時，我見到佢買返來果2罐貴妃貝都要$50罐!!!!!!! (定係貴妃貝貴過鮑貝??? )
我係大昌涷肉買架,我唔知貴妃貝係咪貴過上湯鮑貝,我只知加幅好大咋,其實有幾隻牌子架,我買既係中價貨,可能妳老公識貨,買好野......
回覆刪除[版主回覆10/26/2008 01:19:00]我老公中文字都唔識個~ 佢鬼知好唔好野咩? V媽媽帶佢去裕記買既......
貴妃貝同鮑貝係吾係同一樣野黎架?
回覆刪除[版主回覆10/26/2008 01:17:00]唔同架! 貴妃貝應該係類似蟶子之類; 鮑貝就應該係大蜆 / 大蚌......我覺得鮑貝好食d!
我未食過貴妃貝..多數係食鮑貝...貴妃貝都係第一次聽尼個名..真係大鄉理....
回覆刪除[版主回覆11/02/2008 04:21:00]我都係第一次食貴妃貝咋! 不過鮑貝好味d~~~