早幾日同老公一齊睇緊YouTube，無意中睇到有一個video，背景音樂用咗一首編曲超搞笑既"The Imperial March" - Star Wars 星球大戰既主題音樂~~~~
我唔係nerd + 唔係Star Wars fans~ 而且一套Star Wars 戲都冇睇過! 完全對Star Wars 一d興趣都冇!!!! 不過星球大戰主題音樂 - "The Imperial March" 其實由細聽到大，就算唔鍾意星球大戰 / 唔知音樂名既人，都一定聽過依首音樂~ 一定會認得!
依首就係原裝正版既"The Imperial March"......大家應該好熟識~~~
但係我喺YouTube 聽到既新版本係咁既......
新版本既Imperial March，係由日本一隊4個男人既怪樂隊演奏既! 我搵過佢地其他既音樂來聽，佢地大部份既音樂感覺都好卡通 + 滑稽~~~ 我第一次聽到佢地既星球大戰，我笑到標眼淚!!!
同一首音樂旋律，只係用咗唔同樂器去演奏，出來效果竟然有咁大分別!!! (上面第一張相就係佢地CD 既封面~ 一樣咁搞笑! 
)佢地既音樂之所以咁滑稽 + 會令人發笑，係因為佢地用咗牧童笛、banjos (五弦琴)、ukulele (四弦琴)......依一類咁既簡單樂器~ 尤其係牧童笛!!! 不過如果我冇發現咗Kuricorder Quartet 既存在，我都唔知世界上原來有人可以吹牧童笛吹到咁出神入化~~~~
不過順帶一提 - 雖然Kuricorder Quartet 擅長滑稽音樂~ 但佢地都有為電影卡通片編曲製作音樂架 - 唔搞笑果隻!!!
Kuricorder Quartet 既Imperial March 實在太可愛嘞~~~ 雖然我唔鍾意Star Wars，不過我今日轉咗佢做手提電話新ringtone~
咁就日日電話響都覺得好好笑嘞!! 
聽到中間又真係好得意喎....
回覆刪除[版主回覆10/26/2008 00:51:00]而家我每次電話響，我又笑~ 老公又笑!
而家心情好差 不過睇左你blog 識笑返~
回覆刪除[版主回覆10/26/2008 00:50:00]做咩心情唔靚呀? 唔好唔靚啦~~~~
聽多2次依首音樂...包妳心情即係靚返哂!
騎呢又唔講得,因為又聽得出唔係一般人可以吹奏得出,不過又好灰諧趣緻,有一種好輕鬆愉快嘅感覺喺首曲度~~
回覆刪除[版主回覆10/26/2008 06:59:00]唔係騎呢呀~ 只係同原曲好大分別! 係可愛就真~~~~ 騎呢係佢地個樣啫!