2008年10月19日星期日

Perfect Day Part 2 - 心頭好 Le Creuset (10月18日)


一路都好好奇 - 點解咁多人咁"恨"買Le Creuset 既廚具??  我覺得Le Creuset 既產品又貴又好鬼死重! 一個煲攞到手都斷咁滯......而且又唔係話特別靚仔~ 再講我認為一定有其他廚具可以代替Le Creuset......所以一直以來對依個牌子興趣不大!

不過間唔中喺forum 就見人討論; 加上睇電視煮餸節目,好多名人廚師都會成套成套Le Creuset 咁......令我開始有d心郁郁~~~ (冇錯~ 我都幾膚淺......!!)

上網睇過Le Creuset 既資料~ 不外乎有幾襟用、保溫 + 製造過程點巴閉法......本身我都唸住買個casserole,見佢地講到自己咁襟用,就即管買個來試試!

 不過喺shop 睇過佢地既cast iron 系列,真係重到頂唔順! 所以都係買個stoneware 系列啦~~~

 其實上星期已經睇中咗依個最大size - 21cm,不過果間shop 只得白色! 我心水一直都係黑色,白色只係第二選擇,所以上星期唯有忍手唔買住...尋日(10月18日)真係比我買到黑色喎!! 呵呵~~~



5 則留言:

  1. 我見識小 唔知係乜東東黎 係唔係類似"砂鍋"架?
    [版主回覆10/21/2008 17:26:00]依個係stoneware 所以唔放得上火煲野架,係放入焗爐用既! 不過依個牌子所有產品都好鬼貴 (唔知點解!)
     
    佢地話stoneware 系列,製作過程用攝氏2千幾度去燒製產品,所以襟用不易碎 / 崩喎......

    回覆刪除
  2. 哩啲石煲,我喺香港"宜家"見過,見佢個樣有啲奇特,就攞嚟睇吓,點知重到我拎唔到,但係電磁爐好似用唔到,不過就算用到都好,咁鬼貴,我都係唔會買,我唔識牌子,只係見到有幾個石器時代咁嘅鍋具就好奇睇吓!!
    [版主回覆10/22/2008 18:08:00]妳喺宜家見到果隻其實係cast iron 來架~ 英國宜家都有得賣! Le Creuset cast iron 系列就係咁死重架嘞! 不過cast iron 可以直接放喺爐上煲 + 放入焗爐又得; 而我依隻stoneware 唔可以直接放爐火,只可放入焗爐囉! 但輕好多~~~

    回覆刪除
  3. 個煲好靚....不過吾放得係火上面就吾係咁岩我
    [版主回覆10/26/2008 01:14:00]我都係用來入焗爐整西餐既啫!

    回覆刪除
  4. 之前係BK好多人都話 Le Creuset 正, 飲食男女又介紹過, 原本我都心思思想買番個, 但係去過"捧"起過實物, 即時放棄咗個念頭, 因為冇野係裡面我都係勉強"捧"到佢上黎咋
    [版主回覆10/27/2008 04:33:00]妳講緊果隻應該係cast iron~
     
    咪就係囉! 有冇必要咁鬼重呀????  真係用來煮野就唔得佢死呀真係!!!!
     
    不過我依個stoneware 重量正常好多......
     
     

    回覆刪除
  5. 但係我係香港未見過你依隻cast iron
    [版主回覆10/27/2008 18:52:00]我依隻係stoneware 唔係cast iron~ stoneware 好似陶器咁打得爛架!
     
    攞到手斷重到死果隻,就係妳見到果隻cast iron 嘞!

    回覆刪除

Related Posts Plugin for WordPress, Blogger...