一路都好好奇 - 點解咁多人咁"恨"買Le Creuset 既廚具??
我覺得Le Creuset 既產品又貴又好鬼死重! 一個煲攞到手都斷咁滯......而且又唔係話特別靚仔~ 再講我認為一定有其他廚具可以代替Le Creuset......所以一直以來對依個牌子興趣不大!不過間唔中喺forum 就見人討論; 加上睇電視煮餸節目，好多名人廚師都會成套成套Le Creuset 咁......令我開始有d心郁郁~~~ (冇錯~ 我都幾膚淺......!!)
上網睇過Le Creuset 既資料~ 不外乎有幾襟用、保溫 + 製造過程點巴閉法......本身我都唸住買個casserole，見佢地講到自己咁襟用，就即管買個來試試!
我見識小 唔知係乜東東黎 係唔係類似"砂鍋"架?
回覆刪除[版主回覆10/21/2008 17:26:00]依個係stoneware 所以唔放得上火煲野架，係放入焗爐用既! 不過依個牌子所有產品都好鬼貴 (唔知點解!)
佢地話stoneware 系列，製作過程用攝氏2千幾度去燒製產品，所以襟用不易碎 / 崩喎......
哩啲石煲,我喺香港"宜家"見過,見佢個樣有啲奇特,就攞嚟睇吓,點知重到我拎唔到,但係電磁爐好似用唔到,不過就算用到都好,咁鬼貴,我都係唔會買,我唔識牌子,只係見到有幾個石器時代咁嘅鍋具就好奇睇吓!!
回覆刪除[版主回覆10/22/2008 18:08:00]妳喺宜家見到果隻其實係cast iron 來架~ 英國宜家都有得賣! Le Creuset cast iron 系列就係咁死重架嘞! 不過cast iron 可以直接放喺爐上煲 + 放入焗爐又得; 而我依隻stoneware 唔可以直接放爐火，只可放入焗爐囉! 但輕好多~~~
個煲好靚....不過吾放得係火上面就吾係咁岩我
回覆刪除[版主回覆10/26/2008 01:14:00]我都係用來入焗爐整西餐既啫!
之前係BK好多人都話 Le Creuset 正, 飲食男女又介紹過, 原本我都心思思想買番個, 但係去過"捧"起過實物, 即時放棄咗個念頭, 因為冇野係裡面我都係勉強"捧"到佢上黎咋
回覆刪除[版主回覆10/27/2008 04:33:00]妳講緊果隻應該係cast iron~
咪就係囉! 有冇必要咁鬼重呀???? 真係用來煮野就唔得佢死呀真係!!!!
不過我依個stoneware 重量正常好多......
但係我係香港未見過你依隻cast iron
回覆刪除[版主回覆10/27/2008 18:52:00]我依隻係stoneware 唔係cast iron~ stoneware 好似陶器咁打得爛架!
攞到手斷重到死果隻，就係妳見到果隻cast iron 嘞!