晏晝點零鐘，天色開始陰又刮大風...都預咗佢會落雨~~ 同V媽媽傾傾吓，突然聽到有野打落窗玻璃! 拉開窗簾一望 - 哇! 落好鬼大冰雹呀~~~~~~ 唔怪之咁鬼嘈! 冰雹打落窗玻璃既聲音，連V媽媽隔住個電話都聽到!!!
其實今年初春都落過吓冰雹，不過只係幾粒仔，唔及今日依次咁犀利~ 老公知道落冰雹，打電話返來叫我唔好出街...仲話收到風下星期可能會落雪!!!!! 唔怪之咁鬼凍啦!!!
不過有冇搞錯呀????? 10月都未過，連萬聖節都未到......洗唔洗咁快落雪呀??? 咁搞法幾時先得聖誕呀...........
我係尼到仲著住短褲同短袖衫...你個到已經咁凍呀....真誇張
回覆刪除[版主回覆10/26/2008 00:48:00]係囉~ V媽媽話佢瞓覺時仲要開冷氣!
冰雹~咁犀利!
回覆刪除[版主回覆10/26/2008 00:24:00]凍死人~~~~~~~
現在英國嘅天氣真係勁反常!
回覆刪除[版主回覆10/26/2008 00:24:00]直頭係發哂神經!
我好耐未睇過落雹了 記得上一次見 係讀緊F.2 Long Long TIME AGO~
回覆刪除[版主回覆10/26/2008 00:23:00]我唔係好想見到落雹........
咁大個女都未見過落雹....成日覺得落雹係不詳既事(好似6月飛霜....)
回覆刪除八婆仔ING......
[版主回覆10/26/2008 00:53:00]唔係八婆仔呀! V媽媽都係咁講!!! 所以英國經濟咁囉......
我都見過落雹(好似係前年)，嗰日個天突然黑晒，之後"拍""拍"聲，原來啲冰雹彈入露台，仲撞到露台個玻璃窗，真係嚇鬼C，啲冰雹仲要好鬼大粒，幾驚打爛玻璃
回覆刪除[版主回覆10/27/2008 04:40:00]係前年定係沙士果年呢?
因為V媽媽都同我講過香港落冰雹~ 有次佢喺舖頭落雹，粒粒好似波子咁大粒!!! 佢初時仲以為樓上有個發瘟掟冰落街.......睇真d先知係落雹~~~~
而家d天氣真係好恐怖呀...連香港都落雹呀..個世界真係變la..
回覆刪除不過我就冇見過囉.
[版主回覆10/27/2008 04:42:00]全世界都係咁.....我十幾年前來英國時，夏天邊有咁熱架????
唔係sars嗰年, 應該係06年, 我個囝都出咗世架啦, 當時我個印傭仲好鬼驚, 猛問我點解個天有咁多冰粒跌落黎
回覆刪除[版主回覆10/27/2008 18:38:00]我唸印尼應該冇試過落雹......
我讀緊 poly 果陣, 有一日放學都遇到落雹~~仲鬼咁大粒, 馬路上d 車都比d 雹打到 "咯咯"聲..
回覆刪除[版主回覆10/27/2008 18:40:00]我老公話勁起上來真係會打穿車擋風玻璃架!!!
咁即係有排都仲未可以請你食豬扒飽囉...唉....
回覆刪除[版主回覆10/28/2008 19:20:00]係呀! 不過如果妳再係咁偷懶唔update blog，積埋積埋一次過，到我返來時可以擦餐勁!!!