柱侯茄子肉片

依個好似係方太烹飪書既食譜~ 不過經我改良過...as usual!

1. 柳梅肉切片，用胡椒粉、生抽、紹酒、糖、麻油和粟粉醃好。

2. 茄子1個切粗條，用油炒至略腍盛起。

3. 燒熱油鑊下豬肉片炒熟和灒酒，盛起備用。

4. 再燒熱油鑊爆香蒜茸，下柱侯醬約2湯匙炒香，茄子回鑊後，用糖、胡椒粉和麻油調味，再加入清水1/2 杯兜勻煮滾。

5. 豬肉片回鑊兜勻，煮至所有材料入味和汁液開始稠，灑上蔥花即成。

P.S. 英國茄子比較圓，所以用1個就夠; 若係長身既中國茄子，可能要用2條~