蘋果雪耳煲海底椰; 柱侯茄子肉片; 清蒸黑立魚 & 火腿炒Spring Greens
早兩個星期見到泗和行有切片既乾海底椰賣，之前我完全未食過 + 唔知海底椰係乜東東~ 返到屋企上網睇睇，原來係用來煲湯既~ 而且網上既人都話海底椰湯好滋潤! 於是我又買包試試......
海底椰滋唔滋潤我就唔知~ 因為d海底椰片煲完同未煲之前都冇乜分別 - 一樣係咁硬! 湯渣應該係唔食得既......而且完全唔覺海底椰有味道~~ 不過個湯有蘋果、雪耳、蜜棗 + 無花果，咁就一定潤啦!
今晚餐飯我見到2個奇景......
(1) 我發現同蔬菜有仇既老公，原來好鍾意食茄子;
(2) 因為唔鍾意累骨，所以從來唔會自己夾魚既老公，竟然自己用筷子夾魚!!!! (我唔記得影低歷史性既一刻!!!!
條黑立係尋晚喺Sainbury's 見到好新鮮買既，不過要成£5.00~ 估唔到老公會咁鍾意喎!
蘋果雪耳煲海底椰食譜click here~
柱侯茄子肉片食譜click here~
我吾中意食茄子煮餸架..但係呢...燒烤時..燒既茄子我就食喎...你有機會黎澳門..我帶你去黑沙海灘食燒茄子吖...包你話好味架...
回覆刪除[版主回覆10/20/2008 16:51:00]等我攞本簿仔記住妳講過要請我食乜先! 葡國雞、豬扒包、燒茄子......(妳話"帶"我去黑沙灘食燒茄子...我當妳話請我食架嘞!!!)
2公婆好幸福喔!
回覆刪除[版主回覆10/20/2008 16:51:00]Thank you~
黑立 我都唔知係乜東東黎既? 唔通係你個邊先會有? 等我明天去街市問下先
回覆刪除[版主回覆10/20/2008 16:54:00]黑立咪係"立魚"囉! 好似黃腳立 / 紅立果d立魚呀~ 但我依條係黑立囉~~~~ 依度有既野，香港應該有!
你哩句好搞笑 >>>(我唔記得影低歷史性既一刻!!!! )
回覆刪除[版主回覆10/20/2008 16:54:00] 咁罕見既情況，仲唔係歷史性?
HKD80 條魚,好貴, 有平野嗎 ?
回覆刪除[版主回覆10/20/2008 17:00:00]唉~ 英國係咁架嘞! 乜鬼都貴又少選擇，全歐洲物價高數一數二; 稅率又高到似打劫，要納稅人養班唔做野既廢柴酒鬼 + 未婚媽媽......
我都唔知幾想返香港住!!!!!
肉碎煮茄子都好好送飯架,
回覆刪除[版主回覆10/20/2008 18:38:00]用肉碎煮我都試過煮"魚香茄子"~
http://hk.myblog.yahoo.com/veronicams_tsim/article?mid=2970