自製蛋撻 (聖安娜蛋撻)

 1. 已放室溫至軟的牛油90克，加入糖粉40克快速打勻2至3分鐘至發白。

 2. 加入打勻雞蛋12克(約1湯匙 / 15ml)和淡奶8克(約2茶匙 / 10ml)，拌勻至完全融入牛油中。

 3. 用密筲簊篩入低筋麵粉170克，拌入牛油中。

 4. 搓成麵糰後放入雪櫃冷藏約1小時。

 5. 1小時後取出麵糰，用麵粉棒壓成約6mm 厚，用曲奇餅模吸出圓片。

 6. 將撻皮放入蛋撻模中央，由底部開始按壓，注意撻皮厚度要平均。並將蛋撻模排在焗盤上。

 7. 先將熱水210克(約220ml)拌入幼砂糖80克拌勻至砂糖完全溶於水中。待糖水涼後，加入雞蛋160克(約4隻)和淡奶50克(約60ml)拌勻。

8. 蛋漿用隔篩過濾好後，注入撻底至約9成滿。

9. 預熱焗爐250C，焗約15分鐘至熟透即成。容易取出蛋撻方法click here~

 完成品~ (味道同聖安娜出品好相似! 不過我冇聖安娜經典既橢圓形蛋撻模...有邊位知道邊度有得賣既話，唔該單聲~ Thanks! )

P.S. 原來既食譜所有材料份量單位均為"克" - 液體材料既單位都係克! 由於每種物質密度並不相同e.g. 水 + 淡奶密度唔相同; 加上重量 + 容量單位唔可以直接對換~ 所以藍字既份量係經我自己量度後得出來既約數!