臨急臨忙既Halloween DIY (10月31日)
老公臨收工時收到老友伴郎Jeff 電話 - 搵老公出去飲酒~ 我地就來返香港，老公將會錯過Jeff 細佬CJ 既生日，所以決定出去! 咁即慶...老公一d準備都冇! 去到超市，幾乎所有Halloween costumes 都收鬼哂，改放聖誕節用品，所以臨時臨急求其買咗d道具DIY......
我已經長大...and 得佢地成班麻甩佬出去~ 我緊係冇佢地咁好氣! 老公造型由我一手包辦~ 不過我完全係義務性質......
首先買咗件麻甩佬背心...再加幾枝假血漿~ 幫老公做咗件麻甩佬血衣....(隻血掌印咁鬼細隻 - 緊係我隻玉手來啦!)
至於配飾...老公非常有創意地用咗雞骨 - KFC!!!!! (飯都唔洗煮~~~) 出動埋我整公仔屋既私伙工具 - 手動轉......
另外買咗對怪獸手套，剪鬼咗d手指落來...再加埋我用廣告彩既上色技巧......
串成咗一條好有"Ed Gein" feel 既變態頸鍊! (註: Ed Gein 係50年代，美國一個出名變態連環殺手! 好用死屍身體各部份來做手作仔e.g. 皮帶、傢具......)
再喺老公塊面搽d假血漿...只用咗個零鐘頭，老公就變身成為一個變態狂魔~~~
老公另外買咗個假手扣 - 話鎖住我帶埋我出去扮"受害者"......我睬佢都傻!!!
回覆刪除Happy Halloween ~~~
[版主回覆11/02/2008 04:17:00]妳隻兔個樣好無奈.....
Happy Halloween~~~
用雞骨?? 我覺得你老公最後嘅提議幾好....
回覆刪除[版主回覆11/02/2008 04:15:00]佢老友咁鬼short notice! 超市乜鬼都收哂...淨手指又太齋~ 用雞骨都係佢唸既!
我又冇衫著~ 真係睬佢都傻呀!
攪到個靚仔老公 成個變態魔王咁
回覆刪除[版主回覆11/02/2008 04:12:00]搞到佢成個靚仔既變態魔王!
你老公個樣都吾恐怖既..似搞笑多啲喎
回覆刪除[版主回覆11/02/2008 04:11:00]叫佢扮個恐怖樣...佢話唔識扮喎.....
勁呀~
回覆刪除[版主回覆11/02/2008 04:10:00]毫無準備下又咁趕...都就算係咁咯!
呢個造形好得呀!
回覆刪除不過如果真係加埋你扮受害者
[版主回覆11/02/2008 17:45:00]個零鐘頭搞掂...算係咁咯!
如果有多少少時間...或者我都會考慮客串受害者~~~
佩服!佩服!
回覆刪除[版主回覆11/02/2008 18:40:00]失禮~ 失禮~
回覆刪除佢笑住個樣真係好攪笑～
[版主回覆11/03/2008 19:05:00]依個係佢至愛既pose~~~~
二少呢個做型,確係睇得出佢又點兒趕時間喎
回覆刪除[版主回覆11/03/2008 23:28:00]粗粗地頂住檔啫~ 佢10點幾出去...未夠1點就返來咯! (佢話掛住我喎!) 出得去果幾粒鐘...嘥料~~~~~