豉椒炒蜆

1. 我用既係急凍蜆~ 若用生猛活蜆既話，買返來既蜆要用鹽水養數小時讓蜆吐沙; 另外喺水中放入金屬物品，亦會幫助蜆吐出沙粒!

2. 蜆吐沙後撈起備用; 蒜頭和豆豉適量剁碎; 紅辣椒數隻切片。(份量視乎自己口味~)

3. 油鑊爆香蒜茸和豆豉茸，下蜆兜炒片刻，蓋上蓋焗數分鐘，間中左右搖鑊讓蜆煮得比較均勻。

4. 蜆熟後開口，棄掉沒有開口的死蜆，用糖調味和加入紅辣椒片兜勻上碟即成。