依對珍珠鑽石耳環係結婚前，老公送比我用來襯婚紗既禮物，婚禮之後我都好少帶，因為有少少隆重~ 平時冇乜衫襯到......
老公後來發現原來依對耳環有條matching 吊咀頸鍊襯埋1set，所以買咗送比我! (個吊咀珍珠 + 鑽石都大粒少少~) 不過我未試過成set 咁帶，但條頸鍊平時都襯到衫，所以我間唔中會帶吓條頸鍊~ 上星期五同老公出街飯，我就換咗依條頸鍊來帶嘞......
由星期五晚至尋日，我完全忘記咗我帶住粒珠~ 我都係衰架嘞 - 因為我一早知道唔應該帶住珍珠沖涼!!!!! 平時帶住單粒鑽石吊咀，沖涼時唔洗除; 依幾日日日沖涼時都醒起，醒起時先唸住 - 沖完涼先除啦...但沖完又冇咗回事........
終於出事嘞! 尋晚沖沖吓涼摸吓粒珠...
冇咗既!!??! 只剩返鑽石果部份! 
>>>>>>>>>>>>>>>>>>>>>>>>>>>>>>>>>>>>>>>>>>>>>
珠珠~~~~ 我知錯嘞!!!! 妳原諒我啦~~ 我保証我以後一定唔會再帶住妳來沖涼!!!! 妳快d返來啦~~~~~
希望妳粒珠珠早日回家啦!!!
回覆刪除[版主回覆10/09/2008 22:11:00]我都想佢快d返來......
希望你怏啲搵返啦~!會唔會訓覺時甩左呀~可能喺張床度架!
回覆刪除[版主回覆10/10/2008 01:14:00]已經搵過床...不過冇~ 而家屋企又亂，周圍都係衫(我換緊季執衫!) 希望執好衫後會搵到啦!!!
不過老公話 - 唔係成條鍊跌咗...仲有鑽石果part，應該可以去返珠寶店配返粒珠~~~
乜咁慘呀.........陰公........真係唔知講乜好......不過我以前都試過戴住條金手鏈幾時唔見咗都唔知.....[係我個ex送嘅,有成半兩重],我家姐又試過用紙巾包條鑽石吊咀頸鏈跟住執屋嗰陣當圾垃掉咗......[係我姐夫送嘅唔知乜鬼紀念禮物],我兩姐妹嘅超失魂事件,唔知可唔可以安慰到你呢.....??
回覆刪除不過你老公都會補償返俾你,我諗你都係節哀順變罷啦,有時啲嘢,你愈係去揾就愈係揾唔到,你唔揾佢又會自己走返出嚟!
[版主回覆10/10/2008 01:26:00]老公話就算搵唔到，都應該可以配返粒珠! 因為我唔係成條鍊跌咗......
妳完全安慰唔到我~~ 妳只係勾起我更多慘痛回憶!!! 因為我都幾失魂! 同咗老公一齊咁耐，我已唔見咗3條頸巾: 條條係貴野來! 仲要唔見既一條貴過一條 - 第一條pashmina; 第二條Burberry cashmere; 第三條LV cashmere.......仲有Cross 金筆2枝~~~
不過珠寶首飾我一向好小心! 今次完全因為我懶 + 冇記性.....
呢2日唔好出街啦 慢慢細心搵下啦 要配返都唔難既不過 唔好唔開心啦
回覆刪除[版主回覆10/10/2008 05:52:00]佢若要走我都留佢唔住......我唯有比d時間佢冷靜吓先啦!!
Oh, poor you......the design of that pearl is really easy to go detach.........could be when you change clothes?? 咁你記住'fing'吓D衫至好摺/give out嘞.
回覆刪除[版主回覆10/11/2008 09:37:00]sure~~~~
慘囉慘囉 .... 阿珠 阿珠...好出返來啦 , V女等緊你吖 ....
回覆刪除[版主回覆10/11/2008 09:38:00]唔該幫手叫埋我以前唔見咗既所有物品返來吖!!!
唉呀...真係好肉赤呀!!!希望珠珠快d返黎啦.........乖珠珠!!
回覆刪除我都試過沖涼扯甩左條鍊,好彩即時發覺咋..........我既習慣都係唔除鍊沖涼架.....因為覺得麻煩.....第日又要帶番.......
唔好甘傷心,珠珠會返黎既......同埋,你老公應承左買番俾你.....都好d啦....係咪?!
[版主回覆10/11/2008 09:39:00]係唔見咗既都冇計...不過起碼我都仲有少少渣拿~~~~
你試下搵陳慧琳o個首"lucky day"黎播下啦, 佢岩岩結完婚應該會旺d既
回覆刪除[版主回覆10/11/2008 09:39:00]新歌來架?
i hope the pearl did not get washed away in the shower!
回覆刪除[版主回覆10/11/2008 09:42:00]i take bath ga~ so that's a big possibility......
你老公真係好鍚你喎....幸福 ing.....
回覆刪除[版主回覆10/11/2008 09:35:00]thanks! 如果妳讚佢第二樣我未必敢認...不過妳話佢好鍚我 - 我一定會認!
只係唔見左粒珠，可以配返架嘛，唔好咁唔開心啦！
回覆刪除[版主回覆10/13/2008 22:26:00]多謝~ 呻完冇事啦!
依..羨慕死人咩.....
回覆刪除[版主回覆10/13/2008 22:32:00](Empty)