南乳炆牛腩

依個係我99既食譜~ 唔用柱侯醬，另有一番滋味~~~

1. 牛腩原塊飛水10分鐘左右，取出瀝乾切大件 + 拌以少許胡椒粉、生抽和紹酒醃一會。

2. 爆香薑數片和拍碎蒜頭數粒，加入已搞成泥狀的南乳略炒後，加入牛腩、八角和果皮，兜勻炒至牛腩變色。

3. 加水至覆蓋牛腩面，放入冰糖和切大塊的紅蘿蔔，一同兜勻煮滾。

4. 滾後轉小火炆2小時至牛腩肉稔，灑上蔥花即成。