二人世界之預早慶祝布婚週年Dinner - 10月10日

燒鴨胸配紅酒覆盆子汁 (Roast Duck Breast with Red Wine & Raspberry Sauce)

依個燒鴨胸我已經N年冇整過...今日(10月10日) 特別為咗"孖T結婚2週年前夕"依個特別日子，再來煮佢一煮!


雖然咁耐冇整過，但出來效果令我真正感到 - 我既烹飪技術真係進步咗!!!  印象中我只整過依個菜3、4次...不過每次都燒得太熟......而今次竟然燒到完美既粉紅色!!!

(食譜後補~~~)

除咗舊菜重煮(翻啅!?!?? ) 有進步之外，我仲襯依個特別日子，越級挑戰自己"第2 cake"! 點解係"第2 cake" 呢? 因為N年前我焗過1個未熟得透 + 中間有個大姑窿既生日蛋糕比老公......果個真係唔見得人! 唸返起都覺得羞恥~~~~~

從來少食甜野既我，學整甜品蛋糕都係為咗老公! 哇~~~~ 唔整過蛋糕都唔知原來咁鬼難! 唸點樣裝飾個蛋糕仲難!!!! 因為冇計劃過點裝飾個蛋糕，所以買咗一大堆野e.g. 寫字用既朱古力、朱古力針、銀色糖波波.....今次全部都冇用到!

 由於太鬼難! 依個唔係好滿意~~ 整整吓就連字都唔鬼寫，求其攞d生果蓋住算數! 不過我唔會放棄既!! 下次再來過~~~~~

個蛋糕整就整好咗，不過未食! 因為食完個鴨胸已經好飽~~~ 所以留返聽日去街食完飯先食!

>>>>>>>>>>>>>>>>>>>>>>>>>>>>>>>>>>>>>>>>>>>>>

本來個蛋糕係想比老公一個驚喜~ 但今日我焗緊蛋糕時，老公打電話返來，本來就冇乜特別，因為佢日日都打好多次電話比我問我做緊乜~ 不過我喺電話度聽到車聲......

 我: 喂~ 你唔係玩早收返緊來屋企吓哇????

 老公: 唔係~ 點解咁問???

 我: 我聽到車聲喎~ 你渣緊車喎!!!

 老公: 我去緊第2間branch 呀!! (* 老公管理3間branch~ 成日要3間來回!)

 我: OIC! 咁你小心渣車咯喎~~ (我不虞有詐......)

 約15分鐘後，我就聽到開門聲 + 老公渣住大札花返到! (我第一次見紫色馬蹄蘭~~~)

就咁比佢破壞咗我既計劃......