Amsterdam Mini Cruise - 北海日出 (2015年10月1日)

前一日錯過咗日出，今次唔可以再錯過!
喺房窗門見到天變成深藍色，即刻彈起身換衫上甲板搵個靚位~~~~~
清晨5點幾，甲板上好少人........

自製紅麴醬(紅糟)

台灣有一種叫做紅麴醬(或紅糟)既醬料，
用來煮什麼紅糟肉、紅糟排骨、紅糟雞腿、紅糟炒飯...顏色鮮艷仲好似好好味!
而且聽講紅麴好有益，一直都好想試吓，可惜從來無見過中超有紅麴醬賣......
後來發現製作紅糟既材料 + 方法原來好簡單，即刻買齊材料開工~ ^^

沙茶菠菜炒羊肉

簡單快手，非常惹味好送飯又營養豐富既一道菜~ ^^

Amsterdam Mini Cruise - 11年後舊地重遊 (2015年9月30日)

喺郵輪上渡過咗大約17小時，郵輪到達到Amsterdam~ 海關超hea 過關超快，
過完關直接出去搭郵輪公司安排好既旅遊巴出Amsterdam 市中心......

10月份慳家檔案 (超級...超級長!!)

又好耐無紀錄過我最近點慳家，又係時間update 一下! ^^
雖然廚房叫做樣樣都有，不過廚具無限可能性總有辦法令人花錢.........

有一d shop 你日日去會空手而回，但隔耐d 去一次就會"賴野"! XDDD

薑蔥白灼鮮魷

原汁原味白灼原隻韓國急凍大魷魚，
只以蔥絲、薑絲、熟油 + 生抽帶出魷魚既鮮甜味! Yum~

Miele 食譜: 花膠燉鮮奶

雖然只係10月尾，但剛過去既weekend 英國啱啱轉咗冬令時間(較慢1小時)，
未夠6pm 個天已經全黑，已經開始感覺到寒意~~~~~
依個時候最啱食依個香噴噴甜品，食完成身暖笠笠，高骨膠原蛋白，滋補養顏~ ^^

來自德國的香噴噴禮物 (2015年10月13日)

早排中秋節，住喺德國既blog友MJ 話已經好多年無食過月餅，
問阿V可唔可以賣d月餅比佢?
難得有人信任阿V唔嫌棄，反正都係整開，當然無問題啦! ^^
不過手作月餅都唔值錢，當然我唔會收錢啦~

姬松茸雲耳紅棗炆滑雞

好多人只會用姬松茸來煲湯，但其實帶濃郁香氣既姬松茸用來煮餸一樣有益又好味架!

木樨肉

早前喺Glasgow 一間中菜快餐店餐牌上睇到木須肉一菜，
見材料非常普通(餐牌上有相)，好奇點解會有個咁既名? 
於是下上網查一下...原來木須肉正寫應為木樨肉，係一道山東家常菜~

木樨即係桂花，相傳依道菜傳入北京後，北京多太監，
佢地大都介意"雞蛋"二字(因為自己無咗 LOL)，
所以凡以雞蛋入饌既菜式都改稱"桂花"~

而最初食譜原形材料為豬肉、 雞蛋、黑木耳 + 玉蘭片(即春筍)，
但由於北京缺乏竹筍，所以後來慢慢被青瓜片取代~

美國 - 美式煙肉窩夫早餐

只要有一部窩夫機，15分鐘就可以依個地道美式早餐! ^^

Amsterdam Mini Cruise - 北海日落 (2015年9月29日)

邊個話去旅行一定要搭飛機架? 今次我地搭郵輪! ^^
2星期前同Mr.T 搭依隻郵輪去咗Amsterdam，
原本依個short trip 係打算9月9日拍拖週年時去既，
但餐館有位員工臨時有事要入院做手術，所以推到9月尾先出發.......

台灣 - 珍珠奶茶 (附自製黑糖珍珠粉圓 + 燜燒罐煮粉圓方法)

早於阿V來英國之前，台式奶茶店喺香港已經開到成行成市，
不過以前阿V一直只飲茉香綠茶少甜走珍珠......
直至3年前倫敦台灣小食節，我先第一次飲有珍珠既珍珠奶茶~ =P
近幾年Glasgow 珍珠奶茶店越開越多，但大部份都係迎合洋人口味偏勁甜，
最啱阿V口味果間老闆係正宗台灣人，不過逢星期日休息.......
要隨時想飲都有得飲，最好就係自己沖! (廢話!!)

簡易擔擔麵

好多食物英國未必食得到，就算食得到都未必好味 / 未必啱自己口味~
想啱自己口味當然最好自己煮，不過下下乜都自己煮，
若每種材料調味料都渣正來做，必定堆到廚房爆哂棚!
有時用方便醬料都好好味架~ ^^

極光星空瓶

講起極光，好多人都只會唸起冰島、芬蘭、挪威、阿拉斯加......
但其實英國都可以睇到極光架，尤其係蘇格蘭 + 高地!
而且英國極光靚既程度，比起其他出名極光勝地有過之而無不及呢~ ^^

日本 - 相撲火鍋 Chanko Nabe

顧名思義係日本相撲手食既火鍋! ^^就咁睇相材料同普通火鍋完全無分別......
(事實上都係自己鍾意食乜就落乜，反正我又唔係相撲手! 呵呵~~~)
傳統正宗既相撲火鍋材料主要係蔬菜、豆腐 + 雞肉，
並唔會有四腿著地既肉類e.g. 豬牛，原因係相撲比賽中相撲手雙手著地就輸，
時移世易，而家唔會再拘泥依d舊傳統，所以相撲手火鍋都好常見雞以外既肉類~
而相撲火鍋有一個好重要又好好味既關鍵，少咗佢就會完全失色.......
佢就係 - 雞~~ 肉~~~ 丸~~~~~~~

超級月全食 Supermoon Lunar Eclipse (2015年9月28日)

大家尋晚有無欣賞超級血月呀?
超級月全食 = 超級月亮 + 月全食(血月)~
兩個天文現象同時發生非常難得，對上一次係33年前(1982年)，
而下一次要等到2033年，今年既超級血月仲適逢中秋佳節，
就算阿V眼瞓都要頂硬上親眼一睹! ^^

超級月亮中秋節2015 (附食譜)

今日係中秋節...由於時差關係，蘇格蘭仍然係9月27號呢~
而且而家只係傍晚，仍然未天黑，未見到中秋月亮........
(依張月亮相喺尋日迎月夜影架! ^^)

孖T拍拖16年: 由朝玩到晚 (2015年9月9日)

2星期前(9月9日)係我同Mr.T 拍拖16週年紀念，
最近一直太忙整月餅未有時間update........ =P

繼蛇蟲鼠蟻...蜂蛹蠍子和味龍...之後

好多人都知道阿V + Mr.T 鍾意試另類食物 (當然一定要合法既!)
蛇、蜂蛹(昆蟲即係蟲啦)、鼠依d一早已試過 (網誌); 
之後又試咗蠍子、和味龍、竹蟲 (網誌)......

供過於求 (2015年9月21日)

上星期二(9月15日)V媽媽又寄咗個特快大包裹比我，郵費8舊水，
15號寄，今日21號先收到......真係虧你敢叫做Express 24!!!!

涼拌珊瑚藻

珊瑚藻又名海燕窩或麒麟菜，含有豐富維他命、
礦物質(鈣、鐵、磷、鎂、鉀、硒、錳)、
纖維素、菸鹼酸、酵素及植物性膠原蛋白;
有清除宿便、促進新陳代謝、降膽固醇、降血壓、
強化筋骨關節、改善頭髮皮膚、補血美容和防止癌症功效~

瑪卡紅棗圓肉杞子茶 (燜燒罐)

近年瑪卡大行其道，我相信有咩功效都唔洗我再多介紹~
(唔知既話就click 吓依度啦! ^^)
返香港時買咗一斤秘魯瑪卡比V媽媽，返來英國時V媽媽分咗一半比我......

我破了一個守了1年5個月零16日的戒!

舊年3月中買埋隻De Buyer 炒鑊後，
我就同自己講 - 我唔會再買鑊!
但...人，總係有好奇心既........

有日同Mr.T 行街見到依盒野，當時只係純粹八卦想睇吓裡面係乜，
因為知道佢d野好鬼重，加上個盒咁大隻，所以叫Mr.T 幫我打開個盒比我及及......
Mr.T 竟然話: 唔重喎! 咁我又托吓啦...咦~ 真係比我預期中輕喎!!

蘇太山珍素菇醬雜菌素雞炒烏冬

全素無葷既香噴噴炒烏冬，滋味絶不遜於真雞肉炒烏冬啊! ^^

帶眼識人 ‧ 後記

Blog友買霸王衫唔比錢事件後 (網誌)，
我無意中搵到對方送衫既女仔朋友FB (下稱L)，
於是我pm 咗L，告知L 送衫比佢既人無比錢~
我同L 並唔係FB friends，預咗L 未必睇到個pm，
殊不知2星期後竟然收到L 回覆......

蘇太柑桔滿堂醬荷蘭豆炒蝦球

英國既中國超市並非只賣中式食品調味料，日韓星馬泰越印既產品...都有!
所以每次見到有來自香港既新貨品，阿V就會特別覺得有親切感，
仲會仆到去買來試...事關唔知件貨只係one off 定長期都有得賣.......

柚子蜜雞翼

多年前去韓國旅行時第一次試飲柚子蜜，雖然阿V唔愛甜，
但一試就愛上咗佢清香潤甜既味道~ ❤
以前V媽媽間中會寄一樽比我，後來蘇格蘭既中國超市都有柚子蜜賣，
不過我唔算常買，因為太大樽 + 價錢貴.........

蝦醬四季豆

長洲平安馬卡龍

唔係Ladurée...唔係Paul Lafayet......
阿V整個童年喺長洲渡過，以前細個時只有一年一度既太平清醮，
先有機會見到依個平安字樣出現喺平安包上面~
不過近十多年，依個平安字樣已經成為咗代表長洲既標誌，
無論幾時去到長洲，都會見到大量平安紀念品.......
Cushion 公仔手機繩鎖匙扣散紙包t shirt 棉花糖...甚至係假既膠平安包(!)
喺長洲隨處可見，阿V今次返香港，就發現咗依粒......
平~ 安~~ 馬~~~ 卡~~~~ 龍~~~~~

幸福滿載

每次返親香港，阿V必定滿載而歸，除咗因為我喺香港期間喪買之外，
仲有好多好鍚我既人送禮物比我幫手塞爆我個喼 XDDDD

2015年5至6月煮食全紀錄 (附食譜)

5月5日晚餐: 蕃茄薯仔排骨湯; 玫瑰豉油雞; 砂爆魚肚炒西芹肉碎

睇開我網誌食譜既blog友應該會發現 - 除咗麵包蛋糕食譜之外，
我其他大部份食譜都只有材料而無份量!
因為我深信一句說話 - "Cooking is an art, baking is a science!"
藝術當然唔應該有計算有限制要自由發揮啦~ ^^

2015年4月煮食全紀錄 (附食譜)

返香港前後都少咗update 煮野食，但唔代表我偷懶無煮喎飯喎! ^^
時光倒流...回到4月份.......

4月2日午餐: 孜然炒羊肉; 蕃茄炒蛋; 鹽麴炒春綠

由於餐館收得比較夜，所以好多時都係我自己先食晚飯，
不過而家我午餐唔會再"求其食d野"，會煮豐富d同Mr.T 一齊食~ ^^

China Red 中國紅 - 迴轉自助餐餐廳

迴轉壽司相信大家都食過，咁迴轉中式點心大家又食過未呢? ^^

紅菜頭紅蘿蔔粟米煲瘦肉

返香港時同V媽媽去一位auntie 屋企食飯，
auntie 煲咗依個湯，又香又甜飲過翻尋味! ❤
返到來英國正好紅菜頭當造，大大札好新鮮價錢又平，自己煲飯返夠本~ ^^

提子

提子係咩野味既呢? 提子...咪係提子味囉.......
錯! 係棉花糖味 + 熱帶生果味至啱! XDDDD

我以後要帶眼識人!!!

有一個人曾經係我blog友 + FB友，舊年返香港時偶然喺街撞過一次，
2012年佢曾經託Mr.T 畫過兩件t shirt 寄返香港，當時完全無問題~
直到今年2月佢再託Mr.T 畫3三件t shirt 寄返香港，兩件3月寄; 另一件4月寄，
分別送比佢兩位朋友做生日禮物......

My Colourful World - My 1st Secret Garden (2015年8月16日)

我終於完成咗第一幅Secret Garden 嘞! ^^
阿V慢手慢腳，懶係慢工出細貨，一幅圖油咗4日先完成 =P
咁我當然唔係廢寢忘餐由朝到晚咁油足4日啦，
只係今日得閒時油吓...聽日得閒時又油吓...每日油少少，
我有4本填色本，我又油得咁鬼慢，真係好襟玩呢! XDDDD

回歸慳家文 (超長~~~~~~)

依篇唔係香港既戰利品! (香港果d已整理得七七八八，不日發文~)
依篇先講一講我返香港前 + 後既收穫 ^^

今次返香港不停狂逛12蚊店，返到來英國行返£1店真係覺得好廢!!
當我覺得好沮喪既時候，突然有一度神聖既光芒射埋來......

我屋企附近就快開TK Maxx 嘞!!!!!!!!!!! ❤
Mr.T 話: 以後我返到屋企唔見妳既話，我知道去邊度搵妳嘞~ XDDDD

日本 - 秋葵納豆生雞蛋拌飯

高木直子最新既圖文書"一個人好想吃"裡面有講納豆飯，睇完之後口水大流忍唔住整返個!

My Colourful World - 熱身

最近填色本"秘密花園"爆紅，引到多心阿V又柴娃娃埋一份! =P

我回來了 ^_^

睇到依份鮑魚飛機餐，好明顯我已經返咗英國! ^^

返香港前棉花糖突發胸前生咗個大腫瘤，
做咗切割手術後忙於照顧佢 + 帶佢返去獸緊復診，都無心情update;
返到香港除咗FB都好少上網......

今次返咗香港個幾月，玩得食得買得都好開心!
尤其今次搭Emirates 有30kg 入倉行李，
Mr.T 都有返香港，好合理地佢果30kg 即係我既30kg (哇哈哈~~~~)，
Mr.T 只返咗香港8日先行返英國，順便幫我將上半場戰利品帶返英國......

Wild Garlic 野蒜@Linn Park (附野蒜青醬食譜2個)

舊年喺愛丁堡既Farmers' Market 第一次見到wild garlic (野蒜)，
好奇下買咗一包試吓 (網誌)，有網友告知原來每年當造之時，
英國好多林地都有得摘野蒜! 舊年錯過咗，今年終於摘到嘞~ ^^

新口味...芒果青檸利賓納

我好少飲紙包裝或樽裝即飲既利賓納，不過我就幾鍾意飲傳統溝水濃縮利賓納~
由細飲到大都係經典深紫紅色黑加侖子味.......

香煎鹹魚肉餅

肉餅...幾麻煩都好...當你試過用手剁...就算剁完手痛......
你一定會覺得值得，唔會返轉頭用現成免治肉! ^^

火腿國南部Malaga 曬到燶之旅2015: Day 2 (4月21日) Part 1

無論酒店張床幾大幾舒服都好，阿V總係唔習慣喺陌生地方瞓陌生既床!
是日尚未夠鐘食早餐，日出前阿V就醒咗去洗手間，
去完洗手間望出大露台見晨曦雲彩，即時立相機影返幾張~

威爾斯寄來的韓國手信 (2015年5月8日)

住喺南下威爾斯既blog 友Joanna 早前返香港順道去韓國旅行，
返來後寄咗咋手信比我~ ^^

Miele 食譜: 佛跳牆

同盆菜一樣...阿V未食過佛跳牆，今次自己整係第一次食~
我好細個已經知道佛跳牆係一道名菜; 後來大少少知道佛跳牆係貴野來;
再後來再大dd知道"佛跳牆"意思 - 好味到連和尚都忍唔住要翻牆討吃......
到咗今日我仲知道佛跳牆英文名叫做Buddha's Temptation，
我終於的起心肝做依道傳統閩菜名菜，雖然準備材料過程繁複，
但煮好後食第一啖...非常值得! ❤ 佛跳牆...果然無改錯名!! ^^

韓國Eiffel Freshpack Pro Easy 食物抽真空機 (英版三腳插頭)

原本對Sous-vide (真空低溫烹調)無乜興趣，
不過有Miele 可以做到Sous-vide 效果，玩 / 學多樣野無壞~
問題在於食物抽真空機 - 通常都大大部好阻訂!
做咗一輪research，依部韓國Freshpack Pro 應該係暫時最細部最唔阻訂，
一卷保鮮紙咁上下size 就已經做到抽真空效果，唔洗特登搵地方安置佢~

韓國 - 紫菜飯卷 Gimbap

一直都有個疑問 - 韓國紫菜飯卷同日本壽司卷究竟有乜分別呢?
疑問還疑問，但又無的起心肝去搵答案，
直至早前喺FB見到朋友食gimbap 食得津津有味，順口問吓......
主要分別在於飯既調味方面 - 壽司飯用米醋調味; 而紫菜飯卷既飯用麻油 + 鹽調味~