今日起身之後一直有種"今日係一個特別既日子"既感覺~ 唸咗好耐都覺得今日應該係"有d特別野"既!
唔通係......Bill Gates 唔再係世界最有錢既人? (No la~
關我鬼事咩?)陳志雲比廉署請返去飲咖啡??
(都No la! 
我又無份飲.....)唸咗好耐都唸唔到係乜???
終於10分鐘前比我唸到係乜嘞......原來今日係La Cuisine De Veronica 2nd Bday 呀!!!
Happy Bday to my Blog!
(好彩英國時間仲未過3月11日啫! 嘻嘻~~~ 
)
)喺度寫吓一篇，寫吓又一篇咁......咁就寫咗2年咯喎!
依2年來喺度一路寫，YBlog 就一路壞!
佢地一路壞呢，我又一路投訴!!
不過越係投訴佢地就越壞!!!
真係估唔到自己到咗今日仍然頂得佢地順，仲可以堅持繼續寫......
全因為我唔捨得喺依度認識既每一個你 + 妳!
由2年前既今日開blog 時1個回應、1個訂閱都無......
到咗今日寫咗1066篇網誌 (I mean 計埋依篇!)、2萬幾個回應 (spam 既唔計喎!
我一見到spam 就會即delete!!! 
)、426個訂閱......
login 入來同大家講吓煮野食、手作仔、飲飲食食、風花說月、八八卦卦或無無聊聊吹吹水......依個已經成為咗我每日既指定動作!
我仲識咗好多志同道合，甚至可以交心既網友呢!
(當然睇我唔順超既人亦越來越多......
)不過就算我間中未有時間即時回覆大家，我都會忍唔住心思思入來立吓架~
在此真係好多謝各位不厭Yahoo 發瘟驗証碼之煩，都入來回應比小妹既各位網友啊!P.S. 不過我正唸緊到咗幾週年時要改名做"V嬸廚房"......
Hah? V嬸? Everyone still thinks that you look like you're in your twenties! Seems like your fans are growing by the day and I'm so happy for you! Btw, i really like your writing style!
回覆刪除[版主回覆03/12/2010 21:26:00]thanks fishie~ as you said - everyone thinks i look young.......unfortunately in fact i am not as young as i look ma!
回覆刪除你好勤力啊!
[版主回覆03/12/2010 21:21:00]Thanks Prime! 勤力就算唔上~ 不過我開發依兩年來自己打倉頡快咗好鬼多!
呵呵~恭喜晒！ ...妳仲咁靚女，有排至變V嬸喎！ ...有我"新丁"嫲嫲墊底，妳永遠在我眼中都係後生靚女呀！ ...實在好鐘意睇妳寫blog啲文筆~夠晒"啜核"豪情，"撮"一聲~都俾妳諗到... ...啲公仔又好得意+應景，唔怪得Yan Ki 妹妹咁迷妳，將妳所有千幾篇blog睇晒呀！ ...希望Yahoo唔好再成日發瘟，等我哋班blog友可以有個平台繼續聯誼。 ...感恩！
回覆刪除[版主回覆03/12/2010 21:20:00]Thank you! Thank you! 早d作好心理準備，到時真係變咗V嬸會比較容易接受嘛~
其實我寫blog 都只係隨心~ 每個人都會有自己style 既! 多謝妳喜歡我既style~
我唔望Yahoo 會做得好好~ 但求今後符符碌碌叫做寫到就得嘞! 真怕鬼咗佢地越搞越"喎"........
happy birthday to ur blog 你有排都未到v嬸啦唔洗驚，何況我地係唔會嫌棄你架
回覆刪除[版主回覆03/12/2010 21:12:00]Thank you Queenie!
其實都唔係有排架~ 妳有所不知咋........
HAPPY BIRTHDAY DAY 2 YEARS YR BLOG .
回覆刪除第一: 要讚你好用心寫BLOG, 很值得我欣賞.
第二: 我覺得你很敢言!
第三: 最欣賞你的煮食天才!
雖然我不係JOIN你的BLOG好耐, 但我覺得你係值得深交的朋友!!
[版主回覆03/12/2010 21:11:00]Thank you Ada! 我認架! 我認架! 我認自己係一個好忠誠既朋友來架~
Congratulation Thanks for sharing your cooking, gossip, life with all of us. Go to your BLOG is my everyday routine . Keep it up
回覆刪除[版主回覆03/12/2010 21:09:00]Thank you very much for your support! im glad that you like my blog~ will keep trying my best!
Congrats.... 我地又點會俾果d白痴驗證打倒架!!!實行繼續一邊踩妳既場,一邊鬧鬼死yahoo班廢柴
回覆刪除V嬸妳未咁快做呀?妳大伯都好似未結婚...相反我就做左Ga嬸幾年喇
[版主回覆03/12/2010 21:07:00]Thanks Gaile! 係呀~ 我大伯未結婚呀，而且......我唸我有排先有咁既機會做阿嬸!
V 嬸!!!!?? 唔該D 細既唔好再刺激我呢D 年紀大既OLD 嬋喇...你都要叫亞嬸, 我真係要做OLD 嬋喇
回覆刪除[版主回覆03/12/2010 21:03:00]喂~ 咪玩野喎! 照計妳無奶油唔豬我幾歲果喎!!!?!??! 我都差唔多時候要唸定架嘞.......
恭喜曬~~~ 我都無計過自已個Blog D周年添..哈哈~ 我中意睇你既直腸直肚, 真係有時火都黎埋就咪鬼掩飾喇嘛..係咪? 所以我都好中意係個blog度發洩一下情緒.心情都靚D呀~
回覆刪除[版主回覆03/12/2010 21:01:00]多謝Shirley! 妳睇返自己最第一篇blog，咪知道自己幾時開blog 囉~
多謝妳喜歡我既直率! 無錯寫blog 真 係一個好好既抒發 + 分享交流意見既渠道~
咁快就兩歲真係恭喜晒，你消息都好快喎咁快知道陳志雲比廉署請飲咖啡?
回覆刪除[版主回覆03/12/2010 20:58:00]多謝Karen! 尋日英國時間晏晝我已經知陳志雲比人拉咗咯喎~ 我日日都上網睇香港新聞架!
但係我 好順超 你啵﹗ 快的整的油炸鬼黎睇下啦~
回覆刪除[版主回覆03/12/2010 20:56:00]唔係個個好似妳咁sweet 會順超me 架嘛!
哇! 我weekend 買咗包油炸鬼粉嘞~ 估唔到原來咁鬼大包果喎!!!!! 比我想像中大咗一倍....... 快嘞~ 快嘞~ 我就快炸架嘞!
我都只係開咗 blog 兩個月就成日去你個廚房度玩喇 (即係尋找樂趣)
回覆刪除如果兩年就變V嬸, 咁四年六年八年 ... 之後呢, 到時就唔夠級數去改名, 咁咪升唔到呢個喎
原來寫 blog 真係會越寫越上癮架, 而係寫寫下既期間又搵到志同道合既朋友, 幾開心幾過癮呀
[版主回覆03/12/2010 20:53:00]未雨綢繆，早作打算嘛~ 到時咗真係要改名時都易d接受嘛!
寫blog 除咗可以遇到志同道合既朋友之外，有時仲可以互相有好既影響! e.g. 我都係因為其他網友，先開始玩刻印章，仲上鬼咗癮!
Congratulation ~! Happy Birthday ~!
回覆刪除V嬸廚房 ??? --- 有排都未輪到你啦, 唔駛擔心
會繼續支持你&你個blog, 加油呀 ~~~
支持你原因有:
1. 你夠坦白, 敢言
2. 煮飯整包樣樣惦
3. 你同Mr. T夠可愛
[版主回覆03/12/2010 20:41:00]多謝Catherine! 妳咪睇我成日懶天真咁款，查實我近V嬸果頭不遠架嘞.......
真係比妳讚到有少少滴汗受之有愧..... 講到可愛，當然係Mr.T 比我可愛得多啦~~~
v blog~ 生日快樂呀~~ 我都冇計過自己寫咗幾耐 blog... 你好明顯有排都未去到 "嬸" 嘅階段啦~~ 我呢啲 OL (hm.... old lady... " 都未認係嬸 最喜歡睇你啲食譜... 睇見都肚仔餓... 另外就係乜都講啦~ 好又講唔好又講好鬼正... 見過有啲人寫啲好虛偽嘅嘢就係為咗多啲人睇佢個 blog... 多啲人睇會有錢分咩... (不喜勿插 )
回覆刪除[版主回覆03/12/2010 20:37:00]多謝莊主! 其實妳睇返自己最最最第一篇扑，咪知道自己個扑寫咗幾耐囉! 其實都唔係架~ 我都近V嬸果頭架嘞......
哈哈~~~~ 妳又唔係話緊我寫虛偽野，我又點會不喜而插呢? 不過我同意妳所講 - 多d人睇有得分咩? 真係唔明點解咁多人咁在意數字 / 其他blogger 點睇!?!?!??!
~恭喜哂你呀，Mrs T!!! 我好鍾意睇你個Blog架，繼續努力呀！
回覆刪除~我最近跟住你嘅食譜煮干炒牛河，在自己嘅Post引用咗你嘅食譜以方便其他Blogger可使用！
[版主回覆03/12/2010 20:31:00]多謝靚太! 好榮幸妳鍾意我個扑~ 我會加油架嘞!!!
引用食譜，無任歡迎!
Congratulation !! 好開心可以認識你這個志同道合的BLOG 友, 雖然最近少來了,但依然好鍾意睇你個BLOG, 我欣賞你對煮食的熱誠, 用心寫BLOG的態度, 希望你繼續寫多BLOG, 煮多D新菜式, 整多D包包, 等我可以繼續流口水.
回覆刪除[版主回覆03/12/2010 20:29:00]多謝哂叮噹! 我都好開心喺度認識到大家~ 放心! 大家咁支持我，我一定會比心機煮多d、買多d、食多d、整多d.......架嘞!
恭喜恭喜 ! 你衹是寫咗兩年就咁出色 , 我寫了四個月 , 真的要多多向你學習 , 你的理直氣壯我非常欣賞 , 還有手工藝喇 , 烹飪等.................. 加油呀 !
回覆刪除[版主回覆03/12/2010 20:27:00]多謝AK! 過獎嘞~ 其實我寫blog 只係隨心，都無話出色唔出色，更加無咩值得人向我學習...... 我一定會加油架!
恭喜晒呀..繼續努力努力
回覆刪除[版主回覆03/12/2010 20:23:00]多謝哂呀...我會努力努力架嘞~
恭喜曬仲未有咁快V"嬸"廚房呀~~~繼續SUPPORT!!!
回覆刪除[版主回覆03/12/2010 20:19:00]多謝晴晴媽! 多謝哂妳既十卜~~~~~
你地咁快知道陳志雲飲咖啡喇?
回覆刪除[版主回覆03/12/2010 20:14:00]erm........基本上尋日英國時間晏晝我已經知道咗!
haha...你有排都未變V嬸啦..... 恭喜哂呀.....
回覆刪除[版主回覆03/12/2010 20:13:00]Thanks cycheung! 只係妳太睇"小"我，查實我真係離V嬸不遠架嘞.......
Oh V....so nice to have u writing blog wiv ur heart and sharing ur life wiv us....u r my favourite blogger of all time!! contradz!!
回覆刪除[版主回覆03/12/2010 20:11:00]Thanks very much Carol! im so so glad that you guys like my blog and im so happy to make friends with you all~ promise will try my best to keep this blog!
Happy Birthday to your Blog.
回覆刪除"V嬸"??? haha...you still look young, so no need to change the name. Keep to be a beautiful V女
[版主回覆03/12/2010 21:43:00]Thank you very much YanYan! well i look young but im not actually that young..........maybe wait for another couple of years~
恭喜靚女V，我會一直支持妳
回覆刪除[版主回覆03/13/2010 19:30:00]多謝Andrea! 我都會支持妳~ 我地大家互支啦!
aiya........咁遲先睇到你個Blog....
回覆刪除希望你會日日都咁開心, 唔會唔要我地呀...............
我地會一直支持你 寫blog.....
因為你講野夠直......有果句講果句.....真架...我好鍾意睇你個blog....
[版主回覆03/13/2010 19:30:00]唔遲唔遲~~~~ 多謝哂東主!
我唔會放棄既! 因為我唔捨得大家嘛~~~ 我都係呀 - 我都會支持你架!
恭喜晒....Happy Birthday to V女廚房
回覆刪除我响Dada果邊過黎嫁....其實都睇左你個blog一排, 都好順超you, 不過冇留言咋....係咪好想打我呀...哈哈!! 繼續努力呀 !!!
[版主回覆03/13/2010 19:27:00]多謝哂亞兔 + 歡迎妳! 我會繼續努力架嘞~
尋日我確係想打人，不過 唔係 打妳!
你仲刺激我喎........
回覆刪除[版主回覆03/13/2010 19:25:00]梳喱~ 梳喱~~~~
ＨＡＰＰＹ ２ＮＤ ＢＩＲＴＨＤＡＹ
回覆刪除好多得何媽介紹我來你個ＢＬＯＧ，你煮野食好多樣化，又解釋得詳細，我已經鎖定目標，呢幾日要跟你Ｄ ＲＥＣＩＰＥＳ整幾樣野食下．
REALLY NICE TO MEET YOU HERE!!!
[版主回覆03/13/2010 19:22:00]Thank you Almaly! 我都好開心喺度認識多一位英國網友啊~
整完記得post 出來比大家欣賞吓喎!
我好鬼懶學倉頡, 用速成, 所以慢囉!
回覆刪除[版主回覆03/13/2010 19:19:00]倉頡好快上手架咋! 我用慣咗倉頡，用速成反而會打到龜速......
我好緊張呀﹗你一炸野我真係好緊張呀~ 你會唔會炸完要沫好耐架﹖﹗
回覆刪除[版主回覆03/13/2010 19:18:00]咁我下星期炸啦! (盡量......)
緊 唔洗 抹好耐! 我炸野時好企理架~~~
遲來的生日快樂呀～～ 我都好開心到識到您呀！！！ 希望有兩年再二十年再再四十年。。。。到時先至係 V嬸 啦。。。 我都好鍾意您呀。。。。除左您夠直， 個卜好多食譜睇， 講下D呢到8卦野， 睇下您同MR. T d sweet sweet 野之外， 您仲好風趣 ＋ 好肯幫人TIM呀！！！
回覆刪除[版主回覆03/13/2010 19:17:00]多謝哂Jo! 我都好高興喺度認識到大家啊~ 本來大家互不相識，會係一座電腦中遇到，我覺得係緣份啊!
btw 真係唔好意思~ Mr.T 話佢搵唔到張咭片......因為依張咭片根本唔存在 - 佢話其實當時係人地比個律師電話number 佢，佢入落手機度既! 而個手機呢? 我地換咗手機 + 第二個network，所以開唔返部舊機......
我問Mr.T: 咁我問你時你又唔講? 又話要返office 搵咭片?
Mr.T: 因為妳問我攞咭片，咁我咪以為真係有張咭片囉! 搵極都搵唔到時我先醒起原來係無咭片......
妳有無見過如此傻人???
妳個blog真係好正架, 咩都有講, 仲有好多野學呢... 唔好比佢停呀...
回覆刪除3,4,5,6,10,20,30,40,50... 年都不變....
[版主回覆03/13/2010 19:08:00]多謝哂 + 過獎嘞何C奶! 有時想記下一d自己覺得有用 / 有趣既資料，或一d日常生活回憶，等老咗時可以睇返嘛!
承妳貴言! 希望yahoo 生生性性，等大家都可以安樂繼續寫~ 唔好比佢停!
嘻......已經千幾個網誌, 我都有排都追唔上嚟.
回覆刪除其實妳個blog都幾豐富, 而且, 能係網上世界認識志同道合的網友, 吹吹水, 交流心得, 分享日常生活, 烹飪, 確實美妙
[版主回覆03/13/2010 19:05:00]千幾篇當中有好多只係純食譜來啫! 我當初開blog 都係為咗方便自己整理食譜 + 方便同大家share~
後來認識咗好多網友 + 比佢地影響，先至整埋其他手作仔.......慢慢個blog 唔再係純食譜blog 咯!
遲咗恭賀添...........祝V女個BLOG旺到爆! 日日回覆覆到嘔!
回覆刪除[版主回覆03/13/2010 19:01:00]多謝哂蟻兄! 最緊要唔係日日剷垃圾回應剷到嘔就得嘞...
雖然遲咗少少，都要講句恭喜恭喜!
回覆刪除嘻嘻!我都係出blog一年光景咋!
希望大家繼續努力出post啦!
雅虎唔好再攪攪震啦!
[版主回覆03/13/2010 19:00:00]唔遲唔遲~ 多謝哂雀后!
我唔望Yahoo 有咩突破 + 進步，只求繼續符符碌碌出到blog，回應 + 回覆到網友就夠嘞!
祝 "V 女廚房"生日快樂~永遠支持您~希望繼續有好嘢分享~ 另外講樣嘢俾你知呀~我有2個FRIEND 12/3去咗英國仲會去愛丁堡(應該好近你)~本嚟我都會跟住佢地去架~不過佢地2人世界~咁我就費事做電燈泡~如果唔係我去嗰時~應該會搵吓你~...希望第時有機會見吓你啦~無論UK 定HK 都好呀~嘻嘻~(好似有啲唔知醜咁, 係都要話見吓你)HAHAHA
回覆刪除[版主回覆03/14/2010 04:51:00]多謝二寶寶! 唔緊要啦~ 今次見唔到咪留返下次囉! 我今年都會返香港，到時一定有機會見既!
恭喜恭喜!繼續努力.............一直寫到變v婆婆廚房,我會叫我的仔孫繼續訂閱.
回覆刪除[版主回覆03/14/2010 04:49:00]多謝哂Jerry! 我一定會寫到變V婆......若果Y!Blog 有咁長命既話!
傻gei～ 唔使唔好意思喎。。。係我唔該晒您地先係啦， 麻煩晒！ 記得幫我同同MR. T 講唔該吖。。。 最傻既係您鍾意個傻既？？！！ 嘩哈哈
回覆刪除[版主回覆03/14/2010 04:47:00]唔洗客氣! 我老公依d咁既傻人，洗鬼同佢講唔該咩~
恭喜恭喜!!!
回覆刪除話咁快就兩年喇,其實我日日都有睇妳個卜,有時返緊工唔太忙都會上黎睇下(好似上左引,有時比同事見到都以為係我既卜tim),不過就真係好少留言,其實有時諗緊妳有咁多blog友,會唔會認得我呢?哈哈!!
不過,真係要讚下妳寫呢個blog,係妳呢度真係學左唔少野,又有靚相 + 人 + 景 + 食物....睇,繼續努力,我會繼續睇架!!!!
[版主回覆03/14/2010 19:43:00]多謝哂Joey! 真係好開心妳鍾意我個blog~ 不過如果妳覺得我會唔認得妳既話，妳實在太睇小我嘞! 我一定會加油架~~~~
我都是你的忠心fans! 我由最初看你的LV篇，開始追看cooking篇.......日日都看呢！ 因為實在寫得太好了！ 給你一個"讚"先！
回覆刪除[版主回覆03/15/2010 19:46:00]多謝Clare! 過獎嘞~ 手袋我已經買少咗好多咯! 早排換季時，一拉開櫃門，成堆手袋冧哂落來!!!! 我先驚覺自己唔經唔覺已經買咗咁多........真係要slow down!
支持!!
回覆刪除[版主回覆03/15/2010 19:43:00]多謝!!
恭喜晒! 我哋會繼續支持你㗎, 我好高興在你的blog內能夠分享到你的生活一點一滴! 使我亦能夠學到不同國家的文化及欣賞到外地美食!
回覆刪除[版主回覆03/15/2010 19:42:00]多謝Fanny! 其實我都好多謝大家睇我喺blog 發洩我既思鄉病架~
祝 "V女廚房" 生日快樂, 我會一直支持
回覆刪除[版主回覆03/15/2010 19:40:00]多謝菲仔! 大家咁話~
happy birthday to V's kitchen !!!!!!!!! and 祝你愈黎愈靚呀 !!! 你個 blog 真係好好睇 , 有時寫 d 野都幾好笑 搞到我係咁追住睇落去 xD
回覆刪除[版主回覆03/15/2010 19:40:00]多謝哂妳Elaine~
Mrs. T, Happy Birthday to your Blog!
回覆刪除V 女又好 , V 嬸也好 , 甚至 V 婆都好 , 我都一樣咁支持妳 !
繼續努力 ~
[版主回覆03/15/2010 19:37:00]Thanks for your support Ayesha!
V 嬸廚房 廚房 haha... 你好 cute 呀 你有排都未到啦 . 而且" 嬸 " 呢個字要, 我相信要由字典中淘汰
回覆刪除[版主回覆03/17/2010 08:21:00]唔係講笑架! 早d作好打算，早早做定心理準備，到時到候咪容易接受d囉!
由你初初開始寫BLOG ...我就睇到現在...你個BLOG 就愈來愈精彩...加油...可能有一天你都有機會出書.....
回覆刪除[版主回覆03/17/2010 18:38:00]thank you samchi 媽支持!
妳唔玩blog 嘞? 咁鬼耐都唔update!