我N年前讀緊中學時 (唔記得咗Form 幾咯......)，都參加過香港花卉展覽既中學組插花比賽架!
(係呀~ 插花又有我份呀!!
)
記得當年中學組參賽主題係"錦繡前程"......
......而家睇返相真係勁滴汗!
似乎應該叫做"一帆風順"，多過"錦繡前程"喎......
有一位老師仲比咗一句評語我: 妳依盆插得好有氣勢!
到正式比賽當日，我同其餘幾位參賽同學獲准提早放學，帶齊所有鮮花用具到維園，要即時現場再插一盆 (好似仲係限時果隻!
)相中依盆就係正式比賽時所插果盆嘞! 比賽插好咗既花同時間喺花卉展覽期間比市民參觀~
過咗一段時間先公報結果(應該個零兩個星期啩，太耐真係唔記得嘞!
)，我並無贏到，但同我一齊參加比賽既一位同學就攞咗中學組亞軍! 
咁我記得佢果盆又確係插得好靚既~~~~ 
雖然我無攞到獎 (插成咁既樣有份參加已經好好彩，休想有獎攞.....
)，不過都不失係一個經驗 + 美好回憶啊!
最近睇NHK台既節目睇到日式插花，
搞到我又心思思想試吓! 因為日式插花只需要1個淺盆仔、1個插花針 + 好鬼少花材，就可以插到一盆高貴清雅既作品~~~
希望快d買到插花針，可以快d開工有作品啦!
唔係丫, 插得幾靚呀!!! 靚太你又搞插花???整紙包蛋糕先啦
回覆刪除[版主回覆03/28/2010 09:16:00]忙住搵插花劍山........搵到嘞! 不過要上網買~
我大把野想玩想整!!!! 一日得24粒鐘唔夠用呀!!!!
haha, 唔係呀, 幾靚喎, 不過真係改為 "一帆風順" 好似match 好多呢..
回覆刪除[版主回覆03/28/2010 09:13:00]果時覺得帆船代表"前程"，船上既花代表"錦繡"嘛.....妳睇我唸野幾咁直接!
你連插花都去研究, 勁呀; 我就對所有手作野通通零興趣零天份呀, 我都係鐘意食多啲
回覆刪除[版主回覆03/28/2010 09:12:00]我自己既宗旨係 - 無論自己有無天份都好，只要自己有些少興趣既野都會去嘗試~ 每個人都係得幾十年命，多d嘗試各方面唔同既野都無壞吖!
同時我發現有多d唔同興趣，同好多唔同既人都會有兩咀! 甚至同陌生人都會比較容易打開話題~
~喺以前嘅標準算幾有創意呀！不過而家睇落去就似一帆風順多啲 ！有呢個回憶都好好吖，都開心架！
回覆刪除~遲啲睇吓你嘅新作品就可以知道你而家嘅水準嗱！
[版主回覆03/28/2010 09:05:00]其實果時我都覺得係一帆風順來架~
我無水準係應該架! 如果我好有水準的話，我就去開檔啦~ 不過我唸住喺屋企玩吓之喎~~~
第一眼睇我覺得有d似船
回覆刪除[版主回覆03/28/2010 09:02:00]係suppose to be 船來架!
插花又岩?你真係好多興趣WOW~~其實中學果陣插成咁已經唔錯喇,始終又唔係正式學過,插花好難,好多技巧,所以都OK丫~~今年既花卉展我都好想去睇架,不過真係就唔岩時間,下年一定要去,因為花卉展真係好鬼正,好多花我都好想睇呀!!
回覆刪除[版主回覆03/28/2010 09:02:00]咁都叫做唔錯? 妳要求咁鬼低架..... 果時咪家政玩過幾堂，就同朋友柴娃娃參賽咯~
摘日不如撞日 - 想去就今年去啦!!! 記住帶埋妳部SLR喎!
你真係好勁....有咩你係無興趣or唔識架???
回覆刪除係呢, 我呢排醃緊咸旦, 用左褢鹽法, 不過我地用左普通既幼鹽啊....
咁會唔會浪費左啲旦或者唔咸架??
其實邊到有得買粗鹽呢? thankssss!!!
[版主回覆03/28/2010 08:59:00]係架~ 我週身刀但無把利架!
妳所指既幼鹽係咪fine sea salt? 如果係就啱架嘞~ 最緊要唔好用table salt 既啫!
插花盤可能唔適合妳.....造果盤好啲.......... (乳豬拼盤都得)
回覆刪除[版主回覆03/28/2010 08:52:00]我都唔食生果既!
嘩﹗我係呢度成日睇到的中午電視節目的人插花﹐ 見佢地又要用刀同其他工具剪的花同其他葉類藤類植物﹐ 會唔會好似園丁咁整到手都粗架?﹗
回覆刪除[版主回覆03/28/2010 08:48:00]我想玩果隻係日式花道 (ikebana)呀~ 用好少花材 + 工具就插到靚靚花架嘞!
我就多數去行山時執的野返屋企黐埋就算﹌
回覆刪除[版主回覆03/28/2010 08:46:00]行山有咩執架? 我試過同老公遊車河，見到山邊有好多heather，落車摘咗一大札返屋企!
你盆花好有創意! 真係好有氣勢喎!! 你快D玩返, 我覺得你幾有天份喎!!
回覆刪除[版主回覆03/28/2010 08:42:00]多謝何媽! 其實我唸住post 依盆野出來比大家笑吓架咋!
根本我對插花完全無研究! 中學時只係上家政堂時玩過幾堂，就同同學柴娃娃去參賽.......最近睇到日本台介紹日本花藝，先抽起條筋想玩吓!
妳老師嘅說話都好有鼓勵性喎!
回覆刪除[版主回覆03/28/2010 09:25:00]佢當時鼓唔鼓，我都係插依盆野去參賽架啦!
唔同季節有唔同野執架﹌ 不過的聖誕野好似 pine cone 之類就要１２月前執喇﹌ 死啦﹐講到我自己好似垃圾婆﹗
回覆刪除[版主回覆03/29/2010 17:17:00]OIC! 話時話都就快夏天，好快有得去摘heather 嘞!
其實我都唔知係咩salt黎架, 因為我用鋪頭平時煮餐果啲鹽咋....
回覆刪除如果用table salt會點架? 係咪會唔咸?
同埋呢~~我覺得隻旦唔係好痴啲鹽咁啊, 即係會甩左好多鹽
因為我見你隻旦痴得好多鹽架.....
btw, 我想問下邊到有得買粗鹽? 鬼佬有無架?
唔該哂你啊~~~
P.S. 我已經打左3次喇個留言....又係個死人驗上碼
[版主回覆03/29/2010 17:16:00]我都唔知用咗table salt 會點架? 因為我一向都唔用table salt 架! table salt 係經人工加工精製而重新結晶既鹽， 我只記得整鹹蛋前見人講過唔好用table salt!
其實粗鹽即係sea salt 來~ 香港果種粗鹽我都唔知邊度有得賣呀? 或者中式超市! 不過Asda Tesco 都買到sea salt，sea salt 係天然無加工既~
鴨蛋沾完酒應該沾到好多鹽~ 不過如果用table salt 有可能因為精製過而太乾身，所以好難上鹽囉~
快d習慣個死人碼嘞! 下次打完字記得先copy 一次呀~
你 ...... 真係多才多藝
回覆刪除[版主回覆03/29/2010 17:01:00]過獎嘞! 我太多心樣樣都想嘗試就真.....
~我見你做好多手工藝都好靚靚，所以插花你都應該好容易上手吖！努力加油！
回覆刪除[版主回覆03/29/2010 17:01:00]我太多心! 我鍾意 + 想嘗試既野太多，一日24粒鐘都唔夠用........ 希望快d買到劍山啦~
你真係周身刀喎~ 乜都識~ 勁~
回覆刪除[版主回覆03/29/2010 16:59:00]過獎嘞~ 我唔係乜都識 ，我係乜都試先真!
哈哈 ! 睇落幾似帆船 , 好有創意添 , 你真係識好多嘢, 咁多野玩真係24小時都唔夠囉 .
回覆刪除[版主回覆03/30/2010 03:43:00]過獎嘞~ 我唔係識好多野，係"試"好多野就真!