涼瓜乾黃豆排骨湯; 五香燻蹄 & 菠菜炒雞肝
尋晚臨開飯前準備影相之際，有條頭髮篤咗我隻右眼好痕，於是我自然反應用手捽咗右眼一下......
大鑊嘞!
右眼開始熱熱地 + 拿拿地...越來越熱好似火燒一樣!!老公見狀即時用凍水濕毛巾比我敷眼 - 一敷落去果下好得好舒服呀~~
不過一攞開條毛巾就仲加衰過之前!!!! 
右眼完全睜唔開，不停流出大量眼水...感覺似有人用火機直接燒緊我隻右眼!!!
因為太鬼痛，痛到我連左眼都開始標埋眼水!
咁因為當時我只可靠左眼睇野，於是我情急之下反射動作 - 用剛剛敷過右眼既濕毛巾抹去左眼眼水......就係咁火燒眼既感覺擴散到左眼!!
喺老公協助下帶我到浴室用凍水花灑兜頭沖我雙眼~ 同樣 - 沖緊水時係好舒服既! 不過凍水一停，火燒感覺即時返哂來!!!
最大鑊既係 - 沖凍水時水流經我面上既每一個部份，全部都受到波及! 火燒感覺漫延到整塊面，凍水、眼水、鼻水...成面都係~~~
受波及既部份全部變到紅卜卜，連個鼻都係! 而最先既災區右眼最為明顯 - 圍住右眼既眼蓋 + 眼肚一個perfect 圓形咁紅哂 + 腫哂，狀甚熊貓......
已經一早擺哂餸出來準備食飯，突然整單咁既野搞咗咁鬼耐，但火燒感覺仍未見好轉......
我: 我好肚餓呀~~~~ 我想食飯呀!!!! (痛到開始想喊 + 有少少忟!
)
老公: I know I know, poor Honhon~~~~
老公: 呀! 不如我攞條呔綁住條濕毛巾比妳敷眼 - 好似d pirate 咁! 咁妳咪可以一路敷眼一路食飯囉??
我: 不如你攞枝益力多比我沖眼吖? 
老公: Honhon~~~~~~~~~ 妳係咪痛到傻咗??????
我: 係你之前話比我知奶類可以解辣架嘛!!!
老公: 辣椒加益力多......妳隻眼盲都似呀!! 用呔綁住濕毛巾敷眼啦!
我: 唔洗嘞! 好似開始好咗少少嘞........搞咗一大輪飯餸都開始凍，火燒感覺先開始龜速慢慢減退~ 而罪魁禍首呢 - 就係剁辣椒蓉用來整沾燻蹄既蒜蓉辣椒醋!!!!!
我剁完辣椒蓉當然有洗手啦!! 不過估唔到殘留喺手上既"辣分子"咁鬼強勁....
講返尋晚餐飯......湯呢係前晚飲剩，尋晚可以搞掂埋佢~
平時我地多數三餸一湯，本來依餐都係既，不過當我切完隻燻蹄後......
(個碟係深深地既，下面仲有大把肉墊底~)碟燻蹄已經肯定唔會食得哂......
二餸一湯都夠哂嘞!
我係超級鍾意食燻蹄!!!!
返親香港都會食好多好多~~~不過之前一直唔知燻蹄係用邊個部份整?
搵食譜又只得中文"豬蹄"......後來見英國網友都整咗燻蹄~
一問之下 - 原來整燻蹄用既部位係pork shank!
舊野整咗十幾粒鐘好唔好食?
似唔似香港既燻蹄?? 好好食!
好好似!! 
若合埋雙眼來食飯，仲以為自己返咗香港呢! 哈哈~~~~
真係好鬼開心整得咁成功!!
又多一樣食物唔洗等到返香港先有得食嘞!!!
涼瓜乾黃豆排骨湯食譜click here~ 五香燻蹄食譜click here~ 菠菜炒雞肝食譜click here~
個雞肝炒餸好OK呀!! 我覺得雞肝好香!!
回覆刪除[版主回覆03/18/2010 20:01:00]唔知點解依盒雞肝唔香口???
wear gloves next time when you cut chilli.
回覆刪除[版主回覆03/18/2010 20:00:00]yes will def wear gloves next time!
嘩你無事就好了 , 哎呀辣椒好剌激架 , 平時切都會咳何況整到隻眼好慘囉 . 不過碟燻碲真係好似買咁樣 , yummy yummy ..........
回覆刪除[版主回覆03/18/2010 22:51:00]已經無事嘞! 有心~ 不過尋晚真係好鬼痛!!!!
好開心整得成功! 因為我好鍾意食燻蹄架~~~~ 以後隨時有得食!
~哎唷，你有無事呀！切完辣椒就算洗咗手都有殘餘份子！真係要洗好多次先可以完全消滅架！
回覆刪除~你嘅燔燻蹄無得頂呀！
[版主回覆03/18/2010 22:49:00]而家無事嘞! 尋晚真係痛到再過多10分鐘仲係咁既話，就要去醫院!!!
多謝靚太~ 原來燻蹄都唔難整! 只係要多d時間! 整完後好有滿足感~~~~
我都係成日唔小心,隻手掂完白花油黎手摔眼,真係慶到阿媽都唔認得,不過過一陣就會冇事
回覆刪除妳真係要小心d呀...
[版主回覆03/19/2010 03:19:00]白花油我都試過~ 不過同辣椒差好遠嘞! 起碼白花油一開始就好拿; 但辣椒係慢慢"加熱"果隻......
我見到火燒眼嚇死我，以為妳俾火燒親
回覆刪除[版主回覆03/19/2010 03:17:00]無誇張! 雖然係辣椒，但真係好似火燒一樣!
Amazing! We have a Korean shop in Cambridge and I bought a pack of Jokbal the other day: this is the Korean version of your pork shank and it's delicious as well...I tried to google the recipe but haven't found a proper one yet...I think I will try yours first, will have to make a trip to the butcher as I haven't seen pork shank in any supermarkets for awhile or that the growing Asian population here must have bought them all:)
回覆刪除[版主回覆03/19/2010 03:16:00]try morrisons~ other blogmates living in the UK buy pork shanks from morrisons.
我以為你要去醫院呀, 下次記得叫老公幫手拿走條頭髮呀!!!! 你令我由唔鐘意飲老火湯(其實醫師叫我唔好飲太多, 因為我火重), 現在都有少少掛住亞媽的湯水. 男友唔鐘意湯, 好多時我要飲二三餐罐頭湯 :(
回覆刪除[版主回覆03/19/2010 03:14:00]初時沖水都唔得，仲越來越痛...我真係有唸過要去醫院架!
其實好多中式湯水都唔洗老火既~ 滾湯又快又好味! 妳男友係竹升定係英國人? 佢唔飲妳都可以煲比自己飲架~
我都係超級鍾意食燻蹄架, 最好加埋海'折'....諗記都好味 ^^ 不過下次小心d啦....聽到到登你痛 +__+
回覆刪除btw, 你真勁連燻蹄都識整...讚!!
[版主回覆03/19/2010 16:51:00]我都鍾意海蜇! 不過依度d包裝海蜇，我試過幾個牌子都有陣味......而且又好腍唔爽口~ 好鬼難食!
我下次一定會小心架嘞! 真係見過鬼都怕黑.....多謝關心~
多謝妳讚賞! 其實燻蹄唔難整，只係多steps + 時間耐，我都係跟煤氣公司食譜整架咋~
eeeeeeeeeeeeeee .... 我留左5次言都俾虎哥食左, 激c人
回覆刪除下次記得要小心呀, 好彩無事咋
好攪鬼呀你, 咁既情形仲識話肚餓
[版主回覆03/19/2010 16:48:00]多謝關心~ 我下次一定會小心架嘞! 真係估唔到一隻辣椒會咁鬼勁........
咁肚餓既感覺同痛既感覺係兩回事來架嘛!
唔該快d delete之前 d 留言呀
回覆刪除死人yahoo ...............
[版主回覆03/19/2010 16:46:00]Yahoo 又搞乜鬼野呀????????
下次要小心D呀....D辣椒仔真係好鬼C勁咖... 早2日都"拿"到我CC下呀....
回覆刪除[版主回覆03/19/2010 16:44:00]我下次會小心架嘞! 其實我整完野都有洗手，而且我用既又唔係指天椒，無唸過會咁勁~
你不如去睇醫生喇，你下次真係要小心呀!!!
回覆刪除你都係去睇醫生喇，你下次真係要小心呀!!
回覆刪除[版主回覆03/19/2010 16:42:00]無哂事啦~ 唔洗睇醫生嘞! 不過經過今次之後我一定會好小心~
一路睇個心一路加速跳,好彩冇事,小心小心.
回覆刪除[版主回覆03/19/2010 16:41:00]無事 無事，多謝關心! 我下次會小心架嘞~
下次整呢d辣椒, 真係要洗多3次手呀~~ 估唔到會咁勁!!! 你d燻蹄好正啊~~ 搞到我都想去買返盒黎食~~ btw, 我想問下你d order有冇野要加~ 冇呢, 就confirm架啦~~ 我幫你比左先~ 到時計埋hk同埋uk運費, 再一次過話你聽幾銀啦~
回覆刪除[版主回覆03/19/2010 18:40:00]係啦~ 真係要洗多幾次! 真係好犀利......
香港買燻蹄咁鬼方便，唔洗自己整啦!
order 果度我頭先回咗妳嘞! 唔該哂妳~~~
你個傻 ... 傻咩好呢, 傻妹? 傻 V 女? 定傻 .....瓜 ??!!
回覆刪除好, 講完笑, 啲辣椒真係超級好強勁呀, 而家仲有無啲咩後遺症呀, 日後要小心呀, 唔理係整完蔥呀蒜頭呀咩都好都唔好再掂隻眼, 點知佢地係唔係辣椒啲遠親一樣咁勁架.
碟燻蹄好正呀, 好想食一塊呀 .... 我尋晚試咗支秦國魚露, 又ok 呀
[版主回覆03/19/2010 18:37:00]我捽眼時根本係完全無唸既自然反射動作! 而且我又洗咗手，點知會咁鬼勁既啫..... 我下次會小心架嘞! 多謝提醒~
我都覺得碟燻蹄好正!!!! 已經食鬼哂，我唸住聽日再買再整!
哇~~~~ 秦國魚露! 超級vintage 啊!!!! (講笑~) 泰國魚露一般比越南魚露鹹好多~ 我尋日好似回過妳話"有食緣"有越南魚露賣! 妳食完依枝可以去睇睇~~~~
好彩無事, 妳下次真係要小心d, 記注洗多幾次手啦
回覆刪除[版主回覆03/20/2010 05:52:00]我下次會好小心架嘞! 見過鬼都怕黑......多謝關心啊!
你 ﹗隻眼咁痛又整第二隻眼又肚餓都唔去睇醫生 ﹌ 你依加好返的未呢﹖﹗
回覆刪除[版主回覆03/20/2010 05:51:00]當時都唸過去睇醫生架! 唸住再過多10分鐘仲無好到就去架嘞!! 不過搞咗大半個鐘左右開始慢慢好d喎~~
果晚已經無哂事嘞! 辣椒來啫，又唔係漒水! 如果而家仲有事就死咯!!!!
我都試過好似你咁呀, 又係切完辣椒好自然咁撥頭髮掂到眼 尾附近 , 不過你大鑊好多.......個燻蹄好正呀!
回覆刪除[版主回覆03/21/2010 05:15:00]果晚都幾驚架! 唸住沖水會好d，點知越沖越衰......好彩搞咗大半個鐘後慢慢無事咋!
我好鍾意食燻蹄架! 我今日又買咗隻豬蹄再整多隻~
慘情，下次試下用即棄手套剁辣椒茸，吾係夠排都洗吾清架。碟燻碲好靚仔，酒樓切出黎一樣呀！
回覆刪除[版主回覆03/22/2010 19:40:00]係呀~ 下次會帶手套!
多謝~ 不過我覺得碟燻蹄切得太厚!
我以前中學上家政都試過好似你咁, 嗰陣痛到完全開唔到眼, 跟住 miss 叫個同學陪我去醫療室, 搵眼藥水洗眼先得..... 自此以後我冇掂過辣椒....
回覆刪除[版主回覆03/25/2010 07:21:00]哇! 佢果陣痛開始時完全唔為意少少...少少咁~ 跟住就越來越大鑊!!!! 真係好鬼痛呢~~~~
咁又唔洗以後唔掂辣椒~ 以後小心d咪得囉!