救命呀~~~~~~
又落雪呀!!!!!!!! 橫風橫雪橫雨...天陰陰濕立立凍冰冰......唔老黎呀!!!!!!!!!
老公又玩驚喜!
返咗工都唔夠2粒鐘就打電話來 - 話我知佢返緊屋企!
因為佢今日開會，個會又好快開完......老公問我想唔想出去食lunch?
咪搞!
外面咁既環境.....緊係留喺屋企攬住好過啦!
等緊老公返來時，有人留咗個咁既回應比我......
依種回應對我來講完全係垃圾 - 我一向最討厭連鎖信 / 連鎖email / 連鎖SMS...... whatever! 我由細到大都唔玩既!!
就算朋友間中傳來咩"友誼之約"果類善良連鎖訊息，我都一律delete 從來唔會回! 更何況依類陰毒爆既惡毒下流回應?
我完全唔怕訊息裡面既所謂毒咒! 因為我相信惡毒既咀咒只會發生喺自私陰毒既人身上 - 就好似依種將惡毒留言周圍發放傳比自己完全唔識既人~ 就算真係有毒咒，都一定會打返轉頭 - 去返發放既人身上!
Spam 嗎? No la!
已經唔係第一次收到垃圾連鎖回應~ 我除咗會delete 回應之外，亦會去發放訊息既人處及及對方! 跟手black list 埋對方就算，一了百了......
依張相係舊年11月我寫下既一篇閱後感 - 天使遺留的筆記! (網誌)
齋偷相? 唔係呀!
(點解明明張相有打印都偷得落手既呢??? 
)
有人以為自己好聰明
- 將文中我提及喺英國買唔到依本書既部份全部刪去! 字裡行間亦係咁二修改一下用字，企圖將篇閱後感改頭換面......不過成篇閱後感文章結構完全係小妹既風格囉!
請唔好再侮辱我既智慧啦!
嬲嗎? No 喎!
我甚至將盜用人既user name 遮咗 - 何必同對方賣廣告?
只係好無奈~~~~~
經過上次比人盜用食譜一役後，我真係無想過連一篇小小個人閱後感都會有人不問自取!
對方根本有無睇過依本書都成問題!!!?!?
若真係睇過依本書，何不寫下自己真實感想? 若根本無睇過又何必寫?? 更何必要偷???
識得改下d字 - 好明顯知道自己做緊既野係唔啱啦!
老公返到來我正填緊form 向Yahoo 投訴~ 不過天氣太凍，我兩手凍到僵!!
不停打錯字......老公自動波攞咗個豆豆袋去廚房叮熱比我來暖手!
條氣即時"鋸"哂~~~~~有網友曾經用"小辣椒"來形容我! (哈哈~~~
) 我認架! 我大部份時間都係一個巴辣既八婆; 不過我喺老公面前就會變身成為一隻馴良小綿羊! 
(但間中仍然係一個八婆!
哈哈~~~)Mr.T對我來講係一粒(好鬼大粒!
)既特效止痛藥 - 老公一個小動作，一句簡單說話，三言兩語就可以將我既傷心、煩惱、擔憂......全部即時止痛;
老公同時亦係我既鎮靜劑
- 可以令暴怒、燥狂、小嬲、緊張或耍小性子既我安靜下來;老公仲係我既神奇興奮劑 - 令心情麻麻、心情一般、心情靚靚、心情興奮...既我隨時變到更加high!
Hon~ What would I do without you?
呢個世界乜人都有, 啲人懶到咁就咪鬼開 blog 啦 你2公婆簡直係絕配
回覆刪除[版主回覆03/31/2010 04:54:00]我記得上次妳都有好似比人偷野喎! 我地都係咁先認識喎~ 咁係咪要多謝d小白呢?
好白痴~ 連閱後感都偷......
呢兩日呢度出面都落雨呀﹗時大時細又大風﹐ 真係擔遮都冇用呀﹗ 唉﹗無聊人真係大把﹐所以我ＥＭＡＩＬ一見到唔識既就洗走﹐ 睇都費事﹐萬一電腦中毒就煩﹗ 嘩﹗個人抄你篇野做咩呀?﹗好似我上次係超市俾人偷左架推車咁﹐ 我都未俾錢﹐佢偷黎做咩呢?﹗害我全部野從頭執過晒﹗
回覆刪除[版主回覆03/31/2010 04:51:00]依度早2星期個weekend 有大太陽 + 20度架! 邊有唸過仲有雪落吖???
我唔係第一次比人抄野架嘞! 舊年有個無賴一次過100%原汁原味copy 足我4篇食譜，有位我blog 友睇到話我知咋! 連我個人感想都照post 出來: http://hk.myblog.yahoo.com/veronicams_tsim/article?mid=19612
不過今次依條友真係.......唔知點形容! 都唔知閱後感有乜好抄??? 抄完仲夠膽過來留垃圾連鎖回應，自我篤爆! 佢仲好笑呀 - 加咗我做blog 友! 我無d咁無恥既blog 友囉!
查實妳架車係咪比個超市職員收咗呀? 咁搞笑有人會偷trolley?
天氣真係變得好利害...前幾日依邊都係得10零度,3月尾又會凍成咁!!!
回覆刪除妳被偷blog都慣哂啦,只可以講"無奈"囉...不過最白痴係佢竟然又去返妳度留言,擺明係想妳見佢抄野啦
[版主回覆03/31/2010 17:13:00]早2星期依度有20度架嘛! 點唸到4月都會仲落雪?
佢點止抄完我再過來回應呀? 再神奇d佢加咗我做blog 友喎!
aww!thts so sweet!
回覆刪除你o個度有落雪呀？我呢邊可能比較南下，所以今日淨係落左一陣雪水咋！仲要今朝天氣勁好，我男友仲以為我呃佢，點知一到左下晝就風雲變色
[版主回覆03/31/2010 17:05:00]係架~ 我老公係好sweet 架! 哈哈~~~~
尋日落濕雪; 今朝一起身見到對面屋頂 + 草地有層薄雪，應該係尋晚又落過來~ 其實weekend 睇新聞時都知星期二 + 三有機會落雪，不過無唸過咁準啫......
成日都有聽聞有啲人去偷人地寫既野, 其實打 blog 都算係日 / 事記, 係屬於自己架, 點解要去偷人野呢, 咁 "佢自己" 個 blog 咪變得無晒意思囉, 真係無聊呀.
回覆刪除[版主回覆03/31/2010 17:03:00]我都唔知佢地仲寫來做乜? 上次我比人原汁原味100% copy 食譜，最好笑有人入去讚佢好手勢，佢回覆人地"多謝哂!" 真係當正係佢自己整果喎......
仲加埋你做blog友咁惹笑既????
回覆刪除[版主回覆03/31/2010 17:00:00]係呀! 加我做blog友，抄我野，再過來回應引我過去自我篤爆.......戇居得好勻循下架!
睇黎你都係lock 住d blog 好了..lock 左就少左d衰人偷野..
回覆刪除不過lock 完記得add返我喎..hehe
[版主回覆03/31/2010 16:58:00]我唔會lock blog 喎! 我post 得出來既野就係想同大家分享，有問題既係佢唔係我~
咪佢有佢地抄，我有我投訴囉! 除非我未發現囉~~~
鬼叫你個BLOG受歡迎咩,其實有人抄即係代表你寫得好,先會有人抄MA,所以見到唔洗勞氣,加上又有MR.T呢個靈藥,一見到MR.T已經開心曬啦~~~
回覆刪除[版主回覆03/31/2010 16:56:00]佢若認為我寫得好可以入來讚我，我無任歡迎~
最重要係 - 我寫得好與唔好佢都無權抄我!
不過佢地有佢地抄，最好就唔好比我發現囉~ 我發現的話一定會投訴到佢地剷走哂為止!!!
甘凍，您唔開暖氣？
回覆刪除[版主回覆03/31/2010 16:52:00]因為我唔焗得! heater 只可以開一陣，開得耐我會鼻塞~
我本來仲以為您個邊落好細雪tim... 直到頭先我睇breaking news 話架school bus 撞左, 見到先知原來scotland 係落咁大雪喎! 本來weather forecast 都話呢邊今日會落雪.. 不過好彩無jar ... 但係就凍左好多呀! 我著左一件super warm + 羊毛底衫 + 面衫 + 羽絨先出門口呀!! 偷讀後感 - 嘻嘻~ 咁似我中學唔想睇個本書但又要交讀後感gei??? 我個時抄野抄得好醒目架從來都無比人發現架, 唔似您個blog 友咁架 !
回覆刪除[版主回覆04/01/2010 17:36:00]咁蘇格蘭又唔係度度都咁大雪! 我依度落濕雪之嘛，今朝出大太陽，完全無積雪!
係佢自己戇居之嘛~ 偷完人野仲夠膽來踩場留垃圾! 如果唔係我都唔知佢偷我野啦!
邊個偷嘢呀?等我嚟處理佢啦!
回覆刪除[版主回覆04/01/2010 17:33:00]無閒人一個~ 已經被Yahoo 處理咗嘞!
有煩雀后為小妹粗心~~~
佢咁趣緻，偷妳野又加咗妳做blog友?? 依個世界真係無奇不有
回覆刪除[版主回覆04/01/2010 17:32:00]係呀~ d賊仔越來越戇居，偷完野仲過來回應! 如果唔係佢過來留垃圾，我都唔知佢偷我野呢!!!
Theonly way you can do is "complain". Hope Yahoo can do something for you
回覆刪除[版主回覆04/01/2010 17:30:00]they were very efficient this time, the blog was deleted yesterday!
我轉身去雪櫃拎舊芝士咋﹐ 轉頭就連推車都冇埋喇﹌
回覆刪除[版主回覆04/01/2010 17:28:00]妳有無即時去緝兇?
上星期六睇news 話呢個星期北部會落雪, 真係無錯噃今次..今日就算我呢度都凍左好多呀~~又大風大雨....
回覆刪除你同你老公真係好鬼煙un 架姐~~~~
[版主回覆04/01/2010 17:27:00]我都係weekend 睇新聞知道星期二、三會落雪，但無唸過咁準......我依度今日反而出大太陽喎! 但仍然好凍~~~~
多謝Shirley! 兩個人一齊開心既話，好小既事都可以好sweet~~~~
嘻......俗語有云「一物治一物, 糯米治木蝨」, 小辣椒係Mr. T面前變左馴羊羊
回覆刪除嗰個人真係炒到無論, 完全唔尊重原創, 非常離譜
妳個邊又落雪, 又落雨, 天氣真係變幻莫測, 小心身體
[版主回覆04/01/2010 17:25:00]若妳認為Mr.T食住我的話，咁妳就大錯特錯嘞! 我喺Mr.T面前係小綿羊，係因為我喺佢面前唔需要做八婆，可以做一個溫柔小女人!
原唔原創都係另一個問題.....唔同人睇同一本書都可能有唔同領悟~ 依篇野係我睇完本書後既感想，而佢有無睇過書都成問題，都唔知佢抄來做乜?
多謝搞搞震關心! 我依度今日陽光普照~ 雖然早兩日落雪來，不過並無積雪，只係天氣仍然好凍~~~~~
死啦,我都有時用blog友個名同logo擺係blog度厄飯食............妳會唔會blacklist我架...........?(好驚)
回覆刪除[版主回覆04/01/2010 17:16:00]蟻兄你既做法完全係同blog 友大賣廣告果隻，我唸大家都會累飯應!
但我上述依位仁兄 - 佢直接盜用小妹文章並無任何引用連結或註明; 仲 擅自刪改文字，好明顯企圖騎劫成篇閱後感想據為己有~ 不過 手法笨拙輕易比人識穿!
咁無恥既blogger 係咪應該比人block 呢?
你好! 我係第一次o係度留言! 你同你老公真係好sweet呀!
回覆刪除[版主回覆04/01/2010 17:07:00]Mandy 妳好~
多謝妳既留言 + 歡迎妳!
偷人野仲當係自己, 呢d人真係可恥
回覆刪除[版主回覆04/01/2010 17:05:00]已經唔係第一次!
不過偷完我野，戇居到過來留下流垃圾回應先至比我發現佢偷野既，就係第一次~
妳個blog受歡迎先會俾d無聊人偷~但佢地真係好無品囉！
回覆刪除[版主回覆04/02/2010 20:01:00]食譜偷咗當係自己煮; 連閱後感都偷來當係自己感想! 小白無奇不有!!!
你 好有福氣呀,有个咁錫你的先生,
回覆刪除[版主回覆08/23/2010 23:59:00]妳好Rose~ 多謝妳既留言啊! Mr.T 的確係我人生最大既驕傲!