花生眉豆煲雞腳; 筍尖香滷五花腩; 九層塔炒蜆 & 蒜蓉炒菜心
死人頭老公放工時先話我知要遲d返!
不過我又唔鍾意一個人食飯，所以點都會等埋佢返來先開飯，差d餓鬼死我......
終於都有心機煲湯嘞!!!
之前我提過 - 因為我過年前擺烏龍買咗包急凍雞腳，但其實硬櫃裡面原本已有一包完全未開既雞腳......
睇來我真係要好好再加油~~~~~
我見好多其他人煮依個餸時，一係只用辣椒、蒜蓉 + 九層塔; 一係會加埋豆豉~
而我就唔加豆豉
，改用魚露調味! 好香好鮮味啊~~~~~
不過依水d蜆隻隻都裝假狗虛張勢 - 粒粒個殼都大大，但裡面粒肉就奀都死!
無辦法啦~ 鬼叫要用急凍野咩? 雪到雪到粒肉縮鬼哂啦! 
不過點都始終好過無得食......
I suggest 最好落多d九層塔葉! 食時蜆肉 + 九層塔葉一齊咬，果陣香味 + 鮮甜味真係好味到難以形容呀~~~~~~ 
早排有2隻衰鬼不停用筍乾 + 筍蝦來煮唔同美食，引到我口水吞過不停......
初時睇包野個樣仲心唸:
應該唔夠筍乾 + 筍蝦好食架嘞~ 不過好過無啦! 點知整完出來好好食!!! 用滷包炆過既筍尖爽口香甜! 正~~~~~~
台灣扑友林家歐巴桑介紹過我用台灣滷包......
雖然唔知係相同牌子?
不過都應該大同小異啦! (反正泗和行只係得依隻......
)
Thanks Gaile! 妳真真好介紹呢~~~ 如果唔係妳我都唔會買依種滷包來試!
每次去台灣都會比佢地便利店賣緊既茶葉蛋香味吸引!
不過台灣實在太多街頭美食，為咗唔想浪費肚位，所以喺台灣時都未試過佢地香噴噴既茶葉蛋......
花生眉豆煲雞腳食譜click here~ 筍尖香滷五花腩食譜click here~ 九層塔炒蜆食譜click here~
你叫你老公做死人頭 ~ 我尋日都係鬼市度買左兩KG雞腳 同一個大木瓜呀﹐ 諗住煲湯幫手指療下傷~ 咁你煲完湯的雞腳係咪掉晒架﹖ 因為我真係唔知仲可以點整﹐我係湯撩出黎就掉晒喇 ~ 我以前都係用雪蜆架﹗不過口口都咬到沙﹐ 所以後來一係就食新鮮蜆﹐一係就唔食算喇﹐ 因為呢度的海鮮好鬼貴呀 ~ 你包筍我都有呀﹗我覺得佢冇根易食過其他筍~
回覆刪除[版主回覆03/14/2010 04:03:00]咁係吖嘛! 遲返又唔早響!!!
乜妳咁大嘥!!!!! 煲完湯既雞腳好好食架! 裡面d骨膠原係好野來，食完皮膚靚靚架~~~~
依度d雪蜆一時時啦! 間中確係有一兩隻有沙既~ 不過依度真係好少見到有生猛蜆賣.......
原來妳都食過依隻筍尖! 我第一次買來食咋~ 估唔到竟然咁好味喎! 咁妳覺得好唔好食?
wow~~wow 食完花膠，又嚟雞腳五花腩，骨膠原充足 俾你靚哂 lu
回覆刪除[版主回覆03/14/2010 03:58:00]依咋骨膠原我又確係好鍾意食既!
你不如用一部份剩低啲雞腳整白雲鳳爪吖！我想學呀，嘻嘻！
回覆刪除[版主回覆03/14/2010 03:57:00]哈哈~~~~ 依個係其中一個我已經加咗落個list 嘞!
唔駛客氣,妳都介紹我唔少野啦....煮得好食都係妳好手勢姐 我諗所有依種滷包都係大同小異,我唔記我果個係咩牌子,不過睇妳果盒個賣相好似好正,等我又八下有冇依隻先
回覆刪除依隻荀尖應該好脆
期待緊妳既茶葉蛋
[版主回覆03/14/2010 03:45:00]依種滷包真係又方便又好味! 未拆盒時已經聞到好鬼香~~~
隻筍真係出乎意料之外好味!!!! 咁妳有無整過茶葉蛋呀?
快d整滷水乜乜物物 + 茶葉蛋啦啦啦啦啦啦
回覆刪除期待ing ~
[版主回覆03/14/2010 03:43:00]好呀~ 我都好想快d試吓整茶葉蛋!
WA。。。。餐餐都咁好餸gei??? 我都好想食蜆呀！ 點解您唔整 滷水雞腳呀？ 我好鍾意食呀！ 我可以一個人食幾十隻架。。。
回覆刪除[版主回覆03/14/2010 03:42:00]我又係由細到大都好鍾意食蜆架!
係咯~ 我都無唸過整滷水雞腳.....唔知點解呢?
加豆豉嗰個咪係我囉，我炒蜆通常都落豆豉
回覆刪除咁多雞腳，滷鬼埋佢得唔得呢??
[版主回覆03/14/2010 03:29:00]妳上次整時都落咗豆豉呀? 不過我見好多人都會落埋豆豉架~
係咯~ 唔知點解我唸都無唸過滷埋d雞腳?
我覺得個筍好好食呀﹗不過燜完有的散~ 油燜筍就冇咁散﹐不過有根既~ 咁你的雞腳點鐘呀﹖﹗ 我真係唔知呀~ 同埋佢好似有的老皮咁 ~
回覆刪除[版主回覆03/14/2010 06:05:00]我炆咗差唔多2粒鐘又唔覺散喎~ 依隻筍真係無渣，好好食!
咩野雞腳"點鐘"呀??? 我依度買既雞腳已經去清哂老皮~ 老皮要洗果時搣走哂佢架! (仲要幫佢剪哂d腳甲喎!!!)
未整過呀...唔知點整,感覺好似要好多材料,等妳既蛋出場再照妳食譜整
回覆刪除[版主回覆03/14/2010 19:56:00]好呀~ 我都好想快d試吓整!
我之前係take-away做時聞完d好臭既筍之後，到左依家都未敢食筍呀！哈哈哈 我真係無留意過英國都有急凍蜆賣，等我下次留意下先
回覆刪除[版主回覆03/14/2010 19:55:00]外賣店用既係罐頭筍片，又老又完全無味都唔好食既~ 依隻完枝筍尖好好食架! 有位德國網友都食過，佢都話好食~
如果妳附近有泗和行，妳可以去睇吓有無急凍蜆賣既~
咁啲雞腳快啲搵日滷咗部分，清下存貨啦，我差唔多次次整蜆都有落，除非係蒸花甲/清酒煮蜆 ~
回覆刪除http://hk.myblog.yahoo.com/mami-ahsei/article?mid=987
[版主回覆03/14/2010 19:52:00]我打算整鳳爪呀!
哈哈~~~~ 其實我果晚係唸緊整清酒煮蜆定九層塔炒蜆架! 見屋企反正有枝清酒未開，咁唸住整清酒煮蜆啦! 點知去買餸時鬼打攞咗包九層塔.......
我今次都係買到妳依種九層塔! 平時只係係洋人果種~
碟炒蜆好鬼正呀,好肚餓呀,雞腳我麻麻地,不過煲湯真係好好飲,搵日都要跟你炒下蜆先,不過我唔知邊度買九層塔呀!!
回覆刪除[版主回覆03/14/2010 19:47:00]碟蜆好味就好味，不過太奀嘞! 我唸西式超市或賣泰國食品材料既店會有九層塔賣~
雞腳正呀! 煲完湯又好食又好多骨膠原，食完皮膚靚靚啊~~
我有剪晒的腳甲架﹐不過的老皮我真係唔知點算~ 我真係要掂的雞既老皮 ﹖~
回覆刪除[版主回覆03/15/2010 20:02:00]老皮好容易搣之嘛!
掂吓雞老皮 唔會 生野既!!!
點解唔落豆豉呀?
回覆刪除[版主回覆03/15/2010 20:01:00]落豆豉咪同普通豉椒炒蜆差唔多? 只係多咗九層塔之嘛~
人人都照住落豆豉既煮法，咁咪無人會創新囉?
真係想知你屋企個凍格有幾大.......好似咩都急凍拎出黎.......
回覆刪除仲要好似咩都有咁......好犀利......
英國明明冇得食既野, 成日都俾你煮左出黎.....
[版主回覆03/15/2010 20:00:00]個硬櫃有3個好似櫃筒咁拉出來既冰格囉!
依度唔似得香港咁幸福嘛 - 想食乜隨時都買得到! 所以我見到有時咪入定貨囉! 佢地有時好衰入一水貨，賣哂可能要等一排先會再入，或者完全唔再入........