自製椰撻

其實呢......

我 + Mr.T 都唔多鍾意椰子陣味 ，所以我地其實對椰撻麻麻地!

不過呢......

因為我手痕，又懶係想挑戰自己...鍾意食既野 - 要整!

麻麻地鍾意食既 - 都要整!

至於好憎果d就無謂整嘞!  反正整咗都唔會食...... (P.S. 依點只apply 落我本人好憎果d食物; 至於Mr.T 好憎果d，但我鍾意既呢 - 我都會照整!

佢唔鍾意咪咪鬼食囉~~~~

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

做6個椰撻......

撻底:

1. 高筋麵粉和中筋麵粉各52g篩勻備用。

2. 置室溫放軟的牛油70g，加入24g糖霜，用mixer 打至發白及幼滑。

3. 加入蛋液2湯匙再徹底打勻。

4. 加入(1)已篩勻的麵粉，用手拌至完全無粉粒。

5. 將粉糰用三文治袋包好，放入雪櫃雪至不黏手。

椰絲餡料:

6. 材料A - 大碗內加入椰絲60g, 中筋麵粉45g, 幼砂糖75g, 泡打粉1/4茶匙和軟牛油60g。

 我用依種脫水椰絲!

7. 材料B - 在另一碗內加入蛋液1/2隻和花奶55g。(無錯係g，唔係ml!)

8. 先將材料B拌勻後，再加入材料A內，用矽膠刮拌勻。

9. 從雪櫃取出(5)之粉糰，將粉糰平均分為6份放入撻模中央，由底部開始緊貼撻模按壓，注意批皮厚度要平均。

10. 將(8)的椰絲餡料用匙羹平均放入撻內，每個約9成滿。

11. 在撻上放上半粒甜品用車厘子。

 我用依種車厘子~

12. 放入已預熱焗爐220C中層，焗至撻面轉為金黃色後，轉放焗爐下層繼續烤焗 - 全程焗約20分鐘即成。

 唔鍾意椰子既老公，一放工返來KO咗2隻! 佢仲話好好食呢~