由前年年尾知道Tim Burton 當時拍緊Alice in Wonderland，等足超過1年.......
尋晚終於睇咗嘞 - IMAX 3D!
我唸睇IMAX 3D一定預早訂飛，尋日IMAX 全日4場一早爆哂! 去到先買飛既話，真係唔洗旨意......
之前去過3次IMAX 睇戲: 第1次睇咗套約45分鐘長既3D海洋生物紀錄片;
之後2次都係睇2D feature films - I Am Legend (魔間傳奇) & The Dark Knight (蝙蝠俠 - 黑夜之神);
(個眼鏡核突到吖......
)上次去睇The Dark Knight 首映又係爆滿，去到IMAX 時排哂長龍入場! 最後入到場都要靠左邊坐，搞到我全套戲睥足Batman 152分鐘......
排隊期間無無聊聊食咗隻好鬼貴又唔好食既所謂hotdog;
我 + 老公排第8 + 第9 (我數過!
)，排咗隊50分鐘左右終於可以入場嘞! 今次攞到個最正位 - 中排最中間果2個位! 嘻嘻~~~~ 哇! 哇!! 哇!!! 如果大家附近有間IMAX 既話，真係好應該去IMAX 睇Alice in Wonderland!
戲未正式開始，齋睇Disney 開場個castle logo 已經係一種享受!
超大銀幕加上高清3D，感覺座Disney castle 真係好似就喺自己前面一樣~~~~ 
好睇 - 係一早預咗架嘞!
全戲故事發展明快流暢，而且好多笑位~ 加上超靚頂級電腦特技，我 + 老公由頭enjoy 到尾! 
width="560" height="340">
不過戲只得1小時49分鐘實在太太太短嘞!!! Tim Burton 真係一個天材!!!!
其實Alice's Adventure in Wonderland 既故事係眾多童話故事當中，我興趣最少既一個! 佢可以將依個故事拍得內容咁豐富、畫面咁靚 + 故事咁有趣......What more can I say! 
另外既係今次Alice in Wonderland 色彩非常豐富! 同Tim Burton 其他一貫"好dark" 既作品好唔同~ 但同時當中好多細節又會令觀眾一眼認得出係Tim Burton 既風格喎! 真係非大師級導演可以做得到!!!
到我男朋友Johnny Depp 嘞! 當年第一次睇到又係Tim Burton + Johnny Depp 拍檔既Edward Scissorhands (幻海奇緣)時，我真係覺得驚為天人!!! 點解依條友咁怪雞得來會咁靚仔有型既??? 
) 更加發現原來佢唔止得個樣，演技仲非常之掂! 而且佢年紀越大越有型!!!!! 一向唔太鍾意演Red Queen 既Helena Bonham Carter! 一直覺得若果佢唔係Tim Burton 未婚妻的話，應該唔會拍到咁多賣座大戲......
不過今次睇完Alice in Wonderland 之後，我對佢完全改觀! 雖然Red Queen 係戲中既反角，但Helena Bonham Carter 個大頭造型真係超超可愛~~~
而且Red Queen 霸道乞人憎既性格真係好好笑! Helena Bonham Carter 真係演得好出色啊!!
(哇!! 戲裡面佢d裙靚到吖~~~~~~~~~ )令我好意外既係 - 戲裡面頗多活躍喺英國電視圈，但喺荷里活並唔太出名既英國演員! e.g. 扮演Tweedledee + Tweedledum Matt Lucas; 為Dormouse 配音既Barbara Windsor......
我最鍾意既有......
係架~ 係架~ 基本上除咗戲太短之外，我真係有讚無彈架!!!!
Tim Burton + Johnny Depp + Danny Elfman 既配樂 + IMAX 3D = 娛樂視覺上最完美既享受!
我都好想睇 可惜兩隻馬騮睇3D會驚驚架 (上次係Disney彤彤仲睇到喊咁滯)
回覆刪除[版主回覆03/11/2010 00:08:00]咁其實彤彤 + 細細都仲係細~ 莫講話3D吖，我表妹表弟細個時 (果時應該已經仲大過彤彤 + 細細)，連入普通戲院都話怕黑呀!
回覆刪除呢個好
[版主回覆03/11/2010 17:12:00]呢個超可愛~~~~~ 笑死我!
下次HALLOWEEN, 妳咪可以參考呢個造形囉!
回覆刪除[版主回覆03/11/2010 17:11:00]我好多年無玩過Halloween 咯喎~~~~
我自己成日睇3D, 但我就唔太喜歡.....因為個眼鏡戴到好累又唔舒服, 呢一點應該要改善一吓~
回覆刪除[版主回覆03/11/2010 17:10:00]妳唔太鍾意....咁又成日睇3D?
我地依度普通戲院3D眼鏡好似太陽眼鏡咁好輕好舒服架! http://hk.myblog.yahoo.com/veronicams_tsim/article?mid=22165
係IMAX 超大銀幕果副眼鏡先咁樣衰之嘛!
我唔會套套戲都睇3D~ 一來唔係套套都有3D版; 二來好多爛戲唔值比貴d去睇3D版!
妳個八婆呀!!明知人地睇唔到IMAX 3D,仲起勢推薦我地去睇...我星期六去睇3D,不過都好期待
回覆刪除[版主回覆03/11/2010 17:04:00]買咗飛未呀? 睇3D都應該好正!!
不過我唸都係IMAX 3D 正d!!
其實我諗我最鍾意係white queen呀，我覺得佢好好笑，好似好高貴咁，但成日都忍唔住暴露佢既真性情哈哈哈
回覆刪除[版主回覆03/11/2010 17:03:00]我反而覺得White Queen 好造作! 其實佢自己都可以去殺Jabberwock，只係佢話會against 自己承諾過唔殺生，所以先要Alice 去......有少少自私喎!
我反而好欣賞Red Queen 鍾意就鍾意，唔鍾意就大發脾四既真性情!
本來想帶埋BERNICE 去睇...但..見完紅心皇后個造型佢就唔去喇... BERNICE 係迪迪尼睇3D 由 驚驚睇到好ENJOY, 再去睇埋UP 3D之後...就愛上左入戲院, 上次睇完喜羊羊仲話要買飛睇多一次. 但你地個IMAX 眼鏡咁...咩既...上次我睇阿凡逹個好樣好多喎! 我都未決定到幾時去睇, 我打死都要睇IMAX版! 有我至愛JONNY DEPP喎 上次我同媽咪去睇IMAX, 係咪好樣D呢?
回覆刪除[版主回覆03/11/2010 16:56:00]唉~ 我記得第一次去IMAX 睇海洋生物紀錄片時個眼鏡 無 咁核突架!!! 果隻細好多輕好多，不過係黃色既~ 但都無妳地果個咁靚! 我入場時見到佢派隻咁既野比我都打咗個突.....唔緊要啦 - 成間戲院所有人陪我一齊帶!
上星期三老公網上買IMAX飛，首映 + weekend 一早爆哂! 老公都問我想唔想睇普通3D? 我打死都唔制!!! 反正等套戲出都等咗年幾，唔爭在等多幾日! 屎都要睇IMAX 3D!!!!!!
Alice in Wonderland + 4月頭上畫既Clash of the Titans 都一定要睇IMAX 3D!
yeah , 我今個星期六係香港i-square的imax睇呀
回覆刪除上星期上影時,睇唔到,weekend爆哂 , 激氣
我好鍾意Johnny Depp, 套套戲都有睇, 正正正
沙田新城市廣場仲整左依套戲的場景, 好勁, 會去睇下令影相 ~
[版主回覆03/11/2010 16:47:00]本來我地都想weekend 去睇架!
但上星期三老公上網買飛時，首映 + weekend 已爆滿!!!
咁老公問我想唔想睇普通3D? 但我堅持要睇IMAX!
反正等套戲出都等咗超過1年，唔爭在等多幾日啦!
睇完IMAX出來更加覺得我既決定係無錯既!!!
快d影沙田d場景來睇吓啦~~~~
可以坐到中間行既中間位真係不枉你等咗咁耐呀, 睇戲時有一個位置好既位係好重要既呢.
回覆刪除當套戲係未夠兩個鐘就做完我都覺得實在太短喇, 而 d 做型我都覺得好好好靚同 q 到爆呀. 我好鐘意紅心皇后嗰個豬腳 墊呀
[版主回覆03/11/2010 16:39:00]其實一路排隊一路同老公講吓笑，唔覺唔覺就夠鐘入場嘞，都唔覺等咗好耐! 依套真係一套睇得人好開心既戲!
好似真係好精彩呀,我都要去睇吓先
回覆刪除[版主回覆03/11/2010 16:36:00]超級精彩! 依套絕對係2010其中一部重點大戲!
因為小朋友喜歡睇卡通片3D, 所以咪成日睇LAW~
回覆刪除[版主回覆03/12/2010 06:50:00]OIC! 咁好多3D卡通片又真係好靚既~~~~
我High School時已經鍾意Johnny Depp,覺得佢好靚仔
回覆刪除今次一定要睇呀！
[版主回覆03/12/2010 06:49:00]Johnny Depp 真係好有型! 佢做不同類型既戲都做得好好~ 不過今次除咗捧Johnny Depp 之外，我仲係捧Tim Burton 場架!
我都好想睇 , 但今晚在電視介紹時她說好驚喎 , 我諗我要放下她自己約朋友去睇呀 !
回覆刪除[版主回覆03/12/2010 06:47:00]哈哈~~~~ Katrina 一定係比我男朋友個造型嚇親嘞!
德國個眼鏡都唔好得好多咋﹗ 都係超大同紅色架~ 你鐘意JONNY DEPP﹐我就好鐘意WINONA RYDER~ 一直覺得Helena Bonham Carter﹐ 若果佢唔係Tim Burton 未婚妻的話， 應該唔會拍到咁多賣座大戲 我超認同 ﹗﹗﹗﹗
回覆刪除[版主回覆03/12/2010 22:26:00]唔係吓哇? 應該好過英國依副吓哇??
曾經鍾意過Winona Ryder，曾經都以為Johnny Depp 真係可以Winona forever! 不過自從佢地分咗手後，Winona Ryder 變咗黐黐地之後，我就唔鍾意佢嘞 - 我睇唔起唔自愛既女人!
其實一向 唔係 覺得Helena Bonham Carter 無演技~ 只係覺得佢無資格拍到咁多大片~
我都係唔鐘意的唔自愛既人架﹗ 不過我覺得 WINONA 真係好靚呀 ~
回覆刪除[版主回覆03/14/2010 05:08:00]佢係幾靚既~ 不過佢靚得來屬於cute 果種! 我反而鍾意Gwyneth Paltrow~ 佢既靚係好classy 好高貴果隻!
講真一句~副眼鏡真係好核突呀~
回覆刪除[版主回覆03/14/2010 05:06:00]我知我知....... 不過反正又唔係要我帶出街，而且全戲院既人都要陪我一齊帶，無所謂啦!
Johnny 的 Mad Hatter的確好適合佢啊～佢同老 Tim 多年來都互相信任，Johnny 話，就算Tim 叫佢扮Alice，佢都會即刻應承！
回覆刪除我又係由Edward Scissorhands 開始鍾意佢地……充滿遺憾的電影，所以能讓人記住那麼久吧…
[版主回覆03/14/2010 05:04:00]Johnny Depp 係Tim Burton 囝囝既god father 來架! 佢地緊係friend 啦~
Tim Burton + Johnny Depp + Helena Bonham Carter 絕對係鐵三角, 呢套算係OK, 總覺得唔係咁Tim Burton, Sweeney Todd就值得推介喇, 連怕睇詭異暴力片既我都要講句超正!
回覆刪除http://hk.myblog.yahoo.com/wonka-1971/article?mid=79
OST仲正
http://hk.myblog.yahoo.com/wonka-1971/article?mid=71
[版主回覆07/26/2010 20:47:00]鐵三角 唔係 Tim Burton + Johnny Depp + Helena Bonham Carter~ 應該係Tim Burton + Johnny Depp + Danny Elfman! 坦白講 - 如果 Helena Bonham Carter 唔係Tim Burton 未婚妻，唔會套套Tim Burton 都有佢份囉!
我唔同意Alice in Wonderland 唔夠Tim Burton 喎 - Tim Burton 根本唔係一味黑色既! e.g. 佢早期既"Edward Scissorhands"，之後既"Big Fish" + " Charlie and the Chocolate Factory" - 全部都有豐富色彩~ 個人覺得Sweeney Todd 唔錯，不過反而覺得歌舞方法表達依個故事唔多適合!