黐線架~~~~~~~~~~~~~~~~~~~~ 
有無搞錯依套卡通片開場10分鐘就會整到人喊??
有無搞錯依套卡通片可以連續整喊人地2次???
有無搞錯連畫依套卡通storyboard 既工作人員都忍唔住喊????
有無搞錯依套竟然係Disney 卡通?????
早幾日去租DVD 時，都係見無乜其他選擇先至會租UP......睇完先知原來戲同預告片相差得咁緊要!
印象中從未試過睇Disney 卡通會睇到喊~~~
連老公都話: 哇~ 依套真係Disney 卡通來架??
首10分鐘既感人過後，之後一路都好有趣 + 好多笑位~
但勢估佢唔到後半段劇情再來一次 - 搞到我破咗睇卡通片都喊咗2次既紀錄!
之後睇埋commentary 先知道 - 原來Pixar 工作人員畫緊storyboard 時，都因為頂唔順感人既情節而喊.......
好意外頭果短短幾分鐘完全無對白既情節可以咁powerful + 令觀眾咁震撼! 全戲笑中有淚 - 搞笑部份真係好好笑，老少咸宜; 感人部份又非常咁sweet，而且完全唔會有刻意煽情既感覺，令人深刻回味~
真係不得不讚Pixar 既功力再上咗一層樓!
非常意外一套卡通片竟然會有咁既水準 + 咁有深度!
難怪會有5個奧斯卡提名兼有2項得獎啦!! 
我強推依套卡通片!!!!
未睇既人千其唔好因為佢個爛鬼中文戲名"沖天救兵"而被誤導! 買or 租都好 - 依套卡通片真係好值得一睇再睇! 
等未睇既人自己感受吓果種令人意外 + 震撼既感動! (記得攞定盒紙巾先好禁Play~
)
~係呀！呢套卡通片好好睇好感人架！我嗰時都夾硬捉孫生陪我睇，佢未睇前都覺得卡通片有乜好睇吖？！睇完都話好睇呀！我哋仲專登睇3D版添！間屋飛嚟飛去嘅時候好似置身天空中，好得意啊！個老伯伯對佢太太嘅愛實在太令人感動嗱！
回覆刪除[版主回覆03/29/2010 16:55:00]其實我同Mr.T都鍾意睇卡通架，尤其宮崎駿果咋!
Pixar 就睇情況e.g.Ratatouille 依套又有巴黎又有美食，就開正我地果瓣~
不過上次喺飛機睇Wall-E悶到我抽筋!!!!
今次見UP預告片既公仔 + 劇情都好似唔多吸引，所以當初我同Mr.T都無乜興趣......
我都有睇呢套戲呀！頭十分鐘真係感人到我眼濕濕，佢又唔係好硬sell感人，係o個種好觸動到你既感覺。同埋佢d graphic真係幾靚，值得推介呀！
回覆刪除[版主回覆03/29/2010 16:49:00]Pixar 既CG一向頂級，只係UP既人物造型唔多吸引~ 其實除咗頭十分鐘之外，故事中仲有好多表達得好含蓄既感動位，真係一套少有既好卡通 / 好戲!
我早排都買了這套DVD 呀 , 我仲未睇 , Katrina 就睇了, 可能她太細, 仲未明啦 ....
回覆刪除[版主回覆03/29/2010 16:45:00]都會架~ Katrina 可能真係太細未會覺得感動，不過依套卡通小朋友會睇得好開心~ 而大人一定會感動!
睇下先..........
回覆刪除我好似有一張老翻喎!搵搵先得!
回覆刪除[版主回覆03/29/2010 16:44:00]買返隻正版，感受故事既同時，欣賞埋Pixar 畫功嘛!
Yes, It's an amazing movie.
回覆刪除頭 10 minutes, 真的感動到喊, 我都睇到眼濕濕
[版主回覆03/29/2010 16:42:00]全戲都有好多感動位! 下半段Carl 睇咗Ellie 本adventure book......哇~ 我喊得幾妻涼呀!!!!!!
呢套我地隻DVD就快看到花, 成日睇, 起碼睇左過百次~ 我初頭都覺得呢公仔一點也不吸引, 但...見係Disney 就買來看啦~ 果然係好野~
回覆刪除[版主回覆03/29/2010 16:40:00]除咗佢d公仔，個預告片都非常咁唔吸引! 搞到我錯過咗喺戲院睇3D既機會......
我都喊左好多回..我仲係同埋亞女去睇添.. 睇完UP 個心真係幾"UP"下架...
回覆刪除[版主回覆03/29/2010 16:38:00]真係好意外! 完全無唸過原來依套卡通係咁既.......
果日睇奧斯卡都覺得奇怪 - 點解UP會提名最佳電影.......
睇完卡通之後先知真係有資格問鼎最佳電影!
呢套戲我都睇左2次, 戲院睇完dvd又睇埋, 而且hk配音係揾許冠文, 好正呢! 套戲真係好warm架, 而家既小朋友真係要睇多d呢d戲好過d咩打打殺殺既cartoon呢.
回覆刪除[版主回覆03/29/2010 16:36:00]我都打算買DVD! 不過等佢減價先~
我睇咩卡通 + 戲都好，我都唔鍾意睇配音既! 就算我唔識日文，我都寧願睇字幕，感覺傳神好多!
我地當日入場, 完全係因為佢係3d戲, 諗住入去過下引咁~ 結果我都係頭10分鐘就喊到c左呀~~ (另外一邊聽到好多人攞紙巾既聲) 真係近年睇過最感動既戲!!! (而家諗返都有d眼紅紅咁~~)
回覆刪除[版主回覆03/29/2010 17:49:00]
果排Cloudy With a Chance of Meatballs (美食風球) + UP 同時間上畫~ 我 + 老公見UP預告片唔係好吸引，加上我地咁為食，緊係去睇美食風球3D 啦! 美食風球都好好睇架~
話時話 , 我以前做電腦動畫, 所以更加覺得pixar勁! 因為既有劇情, 動作亦做得好好~~ 有時睇pixar既動畫, 最過引既係, 佢片頭會有d動畫師自己整既短片, 真係好正架~~ 我果陣個阿頭話, pixar最勁既, 係果條檯燈係度跳跳下既片! 表面睇好易, 但其實要整到咁自然, 咁似人, 而且只得一隻燈腳黎present, 係高難度之作!
回覆刪除[版主回覆03/29/2010 17:56:00]由A Bug's Life 開始我已經覺得Pixar 好勁! 絕對係頂級動畫界一哥~ 迪士尼收購Pixar據為己有，實在太醒嘞! 而且迪士尼有龐大資金去撐Pixar，可謂相輔相成~
不過我最欣賞既反而係近年Pixar 喺故事方面經常打破迪士尼一貫太完美太理想既結局! 我認為係好事來! 太天真既故事而家吸引唔到"靚仔"架嘞~~~~
嘩 !! 絶對認同呀 !! 呢套卡通片都整喊左我2次 ~~ 睇完行出門口 我仍然流著眼淚 ......... 老伯伯對婆婆的愛足以令在場所有大朋友攞紙巾 k
回覆刪除[版主回覆03/29/2010 18:46:00]
依套卡通小朋友會睇得好開心; 大人就一定會超級感動!
等我都睇吓先
回覆刪除[版主回覆03/29/2010 19:19:00]依套卡通真係好值得睇!
等我呢個weekend去睇下先....但係有時你有發覺最好睇嘅...預告片都出哂....攪到睇完場戲之後好無隱呀!!
回覆刪除[版主回覆03/30/2010 03:39:00]依套啱啱出DVD，周圍都有得賣!
妳真係講中哂!!! 有時真係預告片已經睇哂成套戲最精彩最好睇既地方! Legion 咪就係咁先昆到我入場囉.......
等我搵日都租黎睇，但我(美食風球）都重未睇呢！
回覆刪除[版主回覆03/30/2010 03:35:00]依套買都好值喎!
多謝推介...
回覆刪除我尋日睇"歲月神偷"都睇到喊晒
[版主回覆03/30/2010 03:46:00]依排我比較少睇港產片~
不過我對"歲月神偷"都好有興趣!
睇啦, 雖然戲中既年代我未出生, 未能有好強烈既墮入感 (所以爸爸媽媽去睇可能會合適d)...但係d演員真係演得好出色 ...我今日同朋友講起其中一段劇情都又忍不住眼淚....
回覆刪除[版主回覆03/31/2010 05:23:00]我唔係話唔睇~ 只係暫時未有機會睇到依套戲!
若出咗DVD的話我都會買來睇~
係呀係呀~~ 你講起pixar既故事, 又真係幾有意思架~~ 我都好鐘意佢打破迪迪尼既王子公子格局, 難得迪迪尼又願意放手比pixar搞創作~~ 迪迪尼買左佢, 有so啦!!! 不過亦都只有迪迪尼咁大間公司先撐得起~ 我以前阿頭話我聽, 人地pixar的動畫師可以用1日時間去完成一個shot, 而香港的動畫師, 只能有1hr的時間(有時甚至更少)去完成, 所以出黎既效果, 完成度, 真係差好遠!!!
回覆刪除[版主回覆03/31/2010 05:22:00]我所指既Pixer 故事有突破，除咗唔再係公主王子果隻之外，好似Ratatouille 咁，個訊息 唔 再係"只要有恒心 + 努力，就一定會成功"~ 唔再係依種老套既意義! 反而係"每個人要量力而為，知道自己岡位"~
始終係資源問題! 迪士尼咁強就緊係consume 得起時間啦~ 唔好話同香港既公司相比，就算Dreamworks or Sony 依d大公司都未必夠Disney 鬥.......
等我租黎睇下先
回覆刪除[版主回覆03/31/2010 05:13:00]速去~~~~~ 順便買埋紙巾喎!
我帶皮蛋們去租DVD時都想租依部架,但皮蛋們興趣缺缺,依幾日去租黎睇下係咪咁正先得
回覆刪除[版主回覆03/31/2010 05:13:00]我唔包生仔架! 睇戲口味好似食野咁，可能人人都唔同架嘛.....
等我都買隻返屋企同晴晴一齊睇先~~晴晴應該好鍾意,D圖畫畫得咁靚,我之前都無諗住睇架,見你咁強烈推介,就去買啦!!
回覆刪除[版主回覆03/31/2010 05:12:00]妳睇完就知我無介紹錯架嘞! 依套真係好值得睇架~
我早前都同老公睇了這套卡通, 原先都冇想過咁好睇, 睇完先發覺咁感人, 故事裡的老伯伯真係好愛佢老婆, 好令人感動. 我都睇到喊.
回覆刪除[版主回覆04/02/2010 19:25:00]真係好意外原來咁好睇!!!!
除咗老伯伯對老婆婆既感情之外，老伯伯同肥仔既友情都好另人感動啊~
我上兩個星期都租咗返黎，我自己冇睇到，因為整野行來行去，不過彤彤同細細就一路睇一路話好驚
回覆刪除[版主回覆04/05/2010 20:03:00]好驚?????? (有咩好驚呀? )
哎吔~ 妳無睇到真係浪費! 再租多次(一係買!)，今次同佢地一齊睇啦! 真係好正架!!!!
耶~~ 睇嚟我今日可以買 Lottery, 連 post 4 篇回覆都冇事!! 唔好講笑, "UP" 真係好好睇, Pixar 同 Disney 嘅卡通我套套都有睇, UP 真係好好, 由小朋友嘅夢想出發, 到現實世界嘅殘酷, 然後又去番童話世界, 如是者穿插係現實同夢幻之間。 係呢, 仲有邊個位你咸咗出嚟呀? 除咗開頭個一 part 比較 sad 啲之外, 我只係笑到溜眼淚咗喎~~ Rusell 好黑人憎, 我好想 "met" 佢塊面, 哈哈哈哈, 乜佢係中國人嚟嘅咩?
回覆刪除[版主回覆04/07/2010 18:23:00]Yahoo blog 既問題係輪住來壞架! 今日回應到，但Yahoo video + 今日瀏覽又打咗柴嘞!!! 真係唔得佢地死.....
UP真係唔講得笑! 未睇前睇Oscar 見UP有份提名最佳電影，我當時個心仲打咗個突: UP何德何能呀? d公仔都唔得意，而且睇預告片時好似好麻麻之喎!!!??!? 不過 唔洗十分鐘已經比佢搞掂咗......
除咗開頭果part 之外，依段我都喊得仲勁呀! 不過依段係感人都過sad~ http://www.youtube.com/watch?v=wsG2S_1PRnk&NR=1
係呀~ Russell 係中國人來架! 我未必套套Pixar 都睇，不過我經常會留意佢地有乜新作! UP製作埋尾時我睇過報紙介紹，Russell 既角色係中國人來架~ 連配Russell 音既小朋友都係美籍華 裔!
我睇左啦, 個肥仔好攪笑, 仲有個老伯真係好愛佢老婆, 真係好感動呀
回覆刪除[版主回覆04/08/2010 23:45:00]咁妳有無感動到喊呀?
宜家上緊套Toy Story 3, 都可以整喊人, 場場爆滿, 仲未買到飛呀!
回覆刪除Disney動畫永遠係一個個摧淚彈! 永遠有野俾你帶走!
[版主回覆07/23/2010 20:11:00]係? Toy Story 3 都會整喊人??? 我未睇呀，我都打算睇IMAX，所以遲d先去，唔洗同其他人爭!