回到未娶未嫁時 - 孖T小時候

早幾日post 咗"李家小姐初出城"~ 摷開舊旅行相出來順便整理埋其他舊相......
Post 部份BB相出來等大家再讚吓我可愛先!

 我好鍾意依張相，因為相裡面既我笑得好開心又好innocent!

 出世無耐既我~ 原來VB時既我都幾肥嘟嘟果喎!  (好鬼鍾意V媽媽條冷裙~~~~ )

 我識行嘞!!!

 我剛識行就有人請我喺海洋公園派傳單!!

根據V媽媽所講 - 我紅色依件其實係娃娃裝上衣來，下面係有條紅短褲仔既!  不過我屎都要拉到條褲好高......

(我都話我細個時好怪架啦! )

 果時住唔知7樓定8樓......

V媽媽話有次同我一齊瞓晏覺~點知佢一覺醒來，成屋都搵我唔到!!!

後來喺床頭百葉簾後面搵到我.......

原來我瞓瞓吓醒咗，自己踩住床頭板爬上窗台百葉簾後面喱埋嚇V媽媽!

果時我又好細粒，所以佢搵咗一排先搵到我~ 不過V媽媽話見到樓下街上巴士站好多人指住望上來......

哈哈~~~~ 我細個時都幾鬼曳!!!

 我靚模上身呀!!!

 老公第一次睇依張相時，叫咗我一句"死姣婆".......

 救命呀~~~~ 花邊喱士短襪配涼鞋......超娘!!!!

 睇返舊相，我發現自己細個時好"四萬"!

不過我唔係成日都咁sweet 架......

 我會扭計發脾四架!

 好鬼硬頸!! 點氹都唔得......

 仍然係唔老黎!!!

老公由細到大都係大眼仔一名!

我第一次睇到依張相時尖叫卡哇伊~~~不過我有位大學同學好衰 - 話老公對眼大到似西施狗......
(其實依張係老公 + 大伯合照......不過鑑於大伯唔夠可愛，所以比我用電腦cut 鬼咗佢出來!)

 老公BB時都有人請喎 - 打碟做DJ!

 老公BB: Please don't eat me! HELP~~~~~~ (設計對白)

 好有衝動想插老公BB對大眼睛!!!!!

 激似99!!!!!  不過笑得好假......

 唔知邊個咁好手勢?  前面d蔭可以剪到咁齊!!!