Chicken Penne Carbonara (芝士蛋黃汁雞肉筆尖通粉) & Caesar Salad (凱撒沙律)
好多人以為Carbonara 只係白汁，但其實係蛋黃汁先啱!
食味同一般忌廉或牛奶煮出來既白汁唔同，會多咗一份蛋香~~~~ 
N年前我煮過一次卡笨啦哇，但徹底失敗 - 蛋黃完全熟鬼哂起哂沙，甚至一舊舊，意粉食落乾爭爭!!!
之後就無再試過整......直至N年後既今日! 
最近經常睇到卡夫Philadelphia Cream Cheese 既電視廣告 - 幾十秒示範整卡笨啦哇~ 睇落非常容易! 而且我終於都明白當年錯喺邊嘞 - 我無熄火就落蛋黃汁!!!
尋晚跟住廣告做法再戰卡笨啦哇，果然係好易 + 好成功喎!
不過廣告中既做法只得煙肉實在太齋嘞! 所以我要加埋雞肉~~~~ 
不過........
其實廣告中既卡笨啦哇做法並不正宗!
查實正宗既Carbonara 係唔用忌廉 + parmesan 既; 只用蛋、煙肉、黑胡椒 + 一種叫做Pecorino Romano 既芝士~
So? 對我來講好味與否，比起是否正宗更重要! 反正我一早加咗雞肉已經唔正宗啦! 哈哈~~~~~
又肉又芝士又意粉......總要食返d菜! 來一個快手既ceasar salad 啦 - 今次用現成懶鬼醬汁!
哇~~~~~ 尋日買果棵Romaine Lettuce 甜到吖!!!!!!
新鮮清甜脆卜卜.....唔洗沙律醬就咁食都好正!!
Chicken Penne Carbonara (芝士蛋黃汁雞肉筆尖通粉)食譜click here~ Caesar Salad (凱撒沙律)食譜click here~
我都好想整carbonara架,之前都係睇食譜話要熄火再落蛋,但係好鬼驚整唔到,最後只係落cream算,見妳整,我又想黎玩下俾皮蛋們食
回覆刪除[版主回覆03/27/2010 01:36:00]cream 還cream，carbonara 還carbonara，兩種煮法都係有既! 用cream 既叫cream sauce / creamy sauce; 用蛋既先叫做carbonara~
~原來咁易整，我下次都自己整呢個汁先！又學識樣嘢嗱！
回覆刪除[版主回覆03/27/2010 01:34:00]係咯~ 我都唔知原來係咁易既呢!
我都鍾意蛋香... 睇好似好易整 等我都試吓先 唉~再去金石堂 order 都係唔得, 唔知咩事, 已經轉用另一張卡
回覆刪除[版主回覆03/27/2010 01:33:00]依個又易整又快手，仲好好味呢!
點解妳死都唔contact 銀行呢? 有時可能係銀行見妳張咭喺overseas 過數，但妳又無通知佢地，所以保安問題佢地會自動拒絕一切佢地認為可疑既交易架!
我地試過喺巴黎旅行時就係咁嘞! 打一通電話佢地就幫我地搞返掂~
Ｃeasar salad 我都鐘意食﹐有的鬼佬鹹魚係個汁入面特別正﹌
回覆刪除[版主回覆03/29/2010 17:41:00]除咗個汁之外，我仲好鍾意食羅馬生菜! 所以ceasar salad 真係夢幻組合~ (但我唔鍾意croutons..... )
嘩~ 睇到我流哂口水喇 ~ 我成日自己整長通粉同意粉食架~ 你隻汁係咪即係蛋黃醬呀? (因為未煮過~) 等我去超市昅昅先~ yahoo blog激死我喇 ~ 我出極都出唔到blog呀~ 搞咗幾日先彈咗兩篇出嚟~ 我真係.............有d想放棄呀
回覆刪除[版主回覆03/29/2010 17:39:00]依個 唔係 蛋黃醬呀! 依個係carbonara sauce，同夾三文治既蛋黃醬 (mayonnaise)係完全唔同架!!
唔好咁易放棄呀! 千其唔好輸比Yahoo 班廢人呀!!!
我都好鍾意食carbonara，睇落好易整，但好少餐廳整得好食。有時我會刨d courgette落去一齊整，好似會健康d 咁。
回覆刪除[版主回覆03/29/2010 17:36:00]依個係好易整架! 不過我去餐廳時反而比較少order carbonara.......
好食就算啦, 有時都唔係好想理正唔正宗....
回覆刪除琴晚睇番我公公d 食譜, 都有好多野同宜家係唔一樣既做法..
冇計啦.....方便丫麻....
[版主回覆03/29/2010 17:35:00]
最緊要當然係好食行先啦!
不過我同時又覺得 - 就算點創新變化都好，最少點都要保留原著少少精髓!
如果唔係極其量只可以話創咗另一道新菜式出來.......
最緊要好食MA,正唔正宗都係其次呀,就咁睇已經知道好好食喇~~~不過我唔食caesar salad,因為我唔鍾意食生既菜,如果水果SALAD我就好鍾意,加埋D雞蛋,真係無得彈呀!!
回覆刪除[版主回覆03/29/2010 17:32:00]哈哈~~~ 我同妳剛好相反 - 我唔鍾意食水果，所以整沙律時完全唔加水果!