我用既係連殼急凍蜆!
若用生猛活蜆既話，買返來既蜆要用鹽水養數小時讓蜆吐沙; 另外喺水中放入金屬物品，亦會幫助蜆吐出沙粒! 
1. 蜆吐沙後沖淨撈起瀝乾; 蒜頭適量剁碎; 尖紅辣椒數隻切片備用。
2. 燒熱油鑊爆香蒜蓉，下蜆兜數下後灒酒再快手兜勻。
3. 中大火蓋上鑊蓋約2分鐘，間中搖晃鑊內的蜆。
4. 開蓋後揀挑出沒有開口的蜆棄掉; 加入紅辣椒片，及灑上少許魚露調味快手兜勻。
5. 熄火後加入九層塔葉兜勻後上碟即成。
P.S. 九層塔 - Basil，又稱羅勒或金不換; 帶強烈香氣，但不宜煮得太耐，會令香氣蒸發消失~ 另外金屬接觸亦會影響其香氣發揮，所以最好用手撕下葉片，不過要用剪刀或刀! 
我係第1之睇你既BLOG..
回覆刪除咁好彩有第1喎=]
[版主回覆03/13/2010 18:56:00]歡迎妳布丁~
我超鐘意食炒蜆呀!
回覆刪除[版主回覆03/13/2010 18:56:00]我又係! 可惜依度唔似得香港周圍都有生猛蜆賣! 唯有食急凍野......
九層塔用多d調味好啦,最好唔好食埋落肚(食得多會致癌),雖然唔係成日食,不過盡量唔好食...唔知basil係咪一樣呢
回覆刪除d蜆肉真係有少少發育不健全喎,又係果句...好過冇
[版主回覆03/14/2010 04:44:00]妳講會致癌依點我都略有所聞~ 不過根本未有確定既科學根據，暫時只係証實咗對鼠種會有致癌影響!
d蜆係由越南入口~ 我唸係睇佢地捕蜆時既季節性啩? 水水質素都未必一樣，間中都有好肥美架!
我好少用九層塔．
回覆刪除[版主回覆03/14/2010 04:41:00]妳唔鍾意陣味呀?
金屬接觸亦會影響其香氣 <---------真係唔係你講都唔知......
回覆刪除咁我下次都學你喇.............
[版主回覆03/14/2010 04:41:00]有次我喺超市買咗包九層塔，包裝袋上面係咁印住架!
頭先食完飯，突然諗:不如聽日買啲花甲返來整，點知入黎就見到好碟蜆，真係引死我囉~~~
回覆刪除[版主回覆03/14/2010 04:39:00]花甲正呀~~~ 我鍾意油鹽水!
依度想食蜆都好少少，因為起碼有急凍~ 但花甲就真係無嘞!
我都好鐘意食花甲，就咁蒸都已經好鮮甜
回覆刪除[版主回覆03/14/2010 19:39:00]蒸我未試過，V媽媽多數都係整油鹽水!
加左九層塔, 有泰式feel之餘, 仲好惹味
回覆刪除[版主回覆03/14/2010 19:37:00]仲有魚露，一樣好惹味!
下... 九層塔會致癌 ??? 東南亞人成日都食咖喎...
回覆刪除我好鍾意佢果種香味呀...炒蜆超夾.....
[版主回覆03/14/2010 19:28:00]緊係 唔係 啦!!! 其實只係九層塔裡面有一種化學物質，醫學上証實依種物質對鼠類有致癌影響~ 對人類就根本無任何科學根據有影響!
不過依種物質存在喺好多香草裡面，所以如果話九層塔會致癌既話，好多其他香草都會致癌! 西方人仲成日用生九層塔來做沙律呢~
少少啦
回覆刪除[版主回覆03/14/2010 19:20:00]OIC~
見到九層塔這個名又提起我傷心事, 我本來有盆種得好好的九層塔, 但上個月叫工人剪走"風信子"d花, 點知她剪錯了我成盆的九層塔..... 你話係唔係激死我啦....\
回覆刪除炒蜆好 "蝦" 人架 , 我成日驚炒到一鑊水呀 !
[版主回覆03/15/2010 20:19:00]咁妳盆野仲要唔要得?
炒蜆會炒到一鑊水? 唔會呀~ 由細到大睇V婆婆V媽媽炒，到自己炒都唔會一鑊水呀!
哦~原來呢種葉嘅中文叫做九層塔，又學到嘢啦！ ...我只知佢個德文叫Basilikum，英文更加唔知啦！ ...啱啱查英漢字典譯名"紫蘇"或"羅勒"。又未聽過唔可以接觸金屬喎！實要用刀切碎架喎！我好鐘意Basilikum嗰陣香味。
回覆刪除夏天我哋自己用Basilikum種子種嚟食用，亦有泰式Basilikum種子賣。我老公用Basilikum切碎+生蒜茸放入舂碗擂爛，再加入橄欖油做個沙律醬汁待用，再用蕃茄同Mozzarella切片，一紅+一白叠起一份，一份份平放大碟上淋上沙律醬汁，再灑上幼鹽就可以上枱。我第一次食覺得生蒜頭有啲辣，但之後就愛上咗呢個沙律啦！
[版主回覆03/18/2010 22:26:00]無話唔可以用接觸金屬呀~ 不過接觸咗會影響佢發揮香味之嘛! 依點係我睇電視煮餸節目學返來既! 唔一定要用刀切碎架嘛，用手撕碎都得架!
Basil 仲有一個名叫做金不換架! 不過金不換多指定係Thai Basil~ 我都學到野呀! 我學到Basil 既德文 + 一個沙律食譜呀~ thanks for sharing!
急凍蜆都會吐沙嗎？
回覆刪除[版主回覆07/29/2010 20:25:00]第一段 - "我用既係連殼急凍蜆! 若用生猛活蜆既話 ，買返來既蜆要用鹽水養數小時讓蜆吐沙; 另外喺水中放入金屬物品，亦會幫助蜆吐出沙粒!"
處理急凍既方法係點呀，因為我這邊也買不到新鮮的。蜆裡有冇沙？
回覆刪除[版主回覆07/30/2010 22:49:00]解凍後係咁二沖吓水瀝乾就得架嘞! 已經係急凍野來，如果沖太耐會沖走哂鮮味~
至於有無沙 - 多數都無既，不過間中一、兩隻在所難免架嘞! 不過妳買到既急凍蜆，同我依度買到來源未必相同，好難作準~
唔該晒。我會試下煮既。有妳依個顧問在，我煮野食都信心大增。
回覆刪除[版主回覆07/31/2010 18:07:00]唔洗客氣~ 大家交流吓心得啫!