新版"Clash of the Titans" (人‧神‧魔戰)仲有成2個星期先上畫! (預告片)
非常心急等唔切......
(反正好鬼平 - 承惠£3~ 
)舊版既"魔島屠龍"係講述希臘神話天神Zeus同Argos 國公主Danaë，所生既英雄私生子Perseus，為拯救一見鍾情既公主Andromeda，而同眾怪物e.g. 蛇髮魔女Medusa、海怪Kraken 大戰既冒險故事~
新版既"人‧神‧魔戰"故事係咪一樣我就唔知嘞!
只知道......- 新版Perseus - Sam Worthington 比舊版既Harry Hamlin 有型靚仔大隻 + man 好多好多好多;
- 係黑色既，取締舊版懶純潔白色果隻;- 舊版公主Andromeda (Judi Bowker) 好鬼靚
; 新版果個就...... 
(唉~~~)話哂"魔島屠龍"已經係29年前拍既戲，畫面特技當然唔夠新版咁迫真啦!
不過以當時果個年代來講，用模型公仔stop motion 來拍都有咁既效果，真係已經非常唔錯架嘞~
好似依場Perseus 屠殺Medusa 既戲咁，Medusa 造型都幾得架!
(以29年前既特技，要拍依類戲真係好鬼難架!
)>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Saw VI (恐懼鬥室6) - 3月17日
我唸自己本身唔多唔少應該有d"犯賤基因"!
明知係一套爛戲，點解係都要租來睇???
其實就係明知佢係爛戲，所以當初戲院上時特登唔去睇，等到出DVD 先租來睇......
第1集都叫做有d新意; 不過而家拍到第6集真係已經覺得好好好討厭!!!
討厭並不在賣弄血腥 - 因為睇得依套戲都應該已經知道係咩來!
最討厭莫過於佢地為咗唔知仲想拍多幾多集，不停將故事"深奧化"，講到個故事懶係背後好有意思咁! (我真係呸~~~~~
)故事因為不停比佢地駁腳，已經到咗一個完全唔合情理既地步! 故事同戲裡面情節同樣誇張到離哂大譜!!
其實根本從來無期望過依套戲會合情理，但既然想上岸轉走懶有劇情、懶有意思 + 懶出人意表既路線，何不先將戲裡面既情節合理化?
e.g. 唔需要好有腦，只要有基本常識都知道一個人身體被灌入強酸，個肚穿咗個大姑窿，見到骨又見到腸......係絕對唔可能仲有能耐嚎叫幾分鐘囉!
仲有香港果班翻譯電影名既大哥大姐~ "恐懼鬥室6"就"恐懼鬥室6"啦!
無啦啦喺後面加多個咩"萬罰朝中"把鬼咩??
不知所謂!!! 爛戲 + 爛名 = 不折不扣既垃圾!
依舊咁既垃圾今年10月Halloween 又返來嘞 - 第7舊呀!
咁我仲睇唔睇?
睇! 要睇吓第7舊仲可以點再爛 + 再更加垃圾嘛!!!
(仍然引到我租來睇~ 不過入戲院睇就免嘞!
)
Pegasus...it made me think about Saint Seiya.
回覆刪除[版主回覆03/19/2010 17:02:00]the cartoon? i never watch the cartoon~
SAW I 我睇唔夠10 mins 訓左著 。。。我bf 睇左第一同第二話好好睇， 但睇到第三之後都無睇到。。。佢都係話愈做愈垃圾！連佢都話垃坡既戲真係好垃圾！ 估唔到您可以堅持到第六呀！
回覆刪除[版主回覆03/19/2010 17:00:00]Saw I我反而覺得幾好睇 + 係最好果集! 起碼個idea unoriginal~
就係好奇點解咁垃圾既戲都可以拍到咁多集! 所以先要租來睇~
橫樹平, 買嚟睇吓點爛法???
回覆刪除[版主回覆03/19/2010 16:57:00]依度有2套戲架~ 平果套Clash of the Titans 好好睇架!
Saw VI 先係租返來睇吓爛成點!
我一集都未睇過呀
回覆刪除我一集都未睇過呀...
回覆刪除[版主回覆03/19/2010 16:56:00]依套戲第一集唔一定要睇; 其他集完全可以慳返!
呢套 恐懼鬥室我睇到3已經無睇,一D都唔好睇+悶,又唔知佢講咩...睇到我訓覺!!
回覆刪除[版主回覆03/19/2010 16:55:00]第一集叫做最好囉! 越拍越多集，但越來越唔明!!!! 竟然仲要拍第7集.........
SAW I睇過...完全冇期待過第二!所以之後果d未睇過!妳都唔好咁樣虐待妳對睇好喎
回覆刪除[版主回覆03/19/2010 18:46:00]如果我虐待自己就比錢去戲院睇啦! 其實第一集都唔錯架! 之後果幾集我只係好奇，點解套戲咁爛仲可以拍咁多集???
真係唔似 29年前既戲...........
回覆刪除[版主回覆03/19/2010 18:42:00]我覺得似有29年喎! 只係以果個年代來講，真係做得好好~
妳都好鐘意恐怖嘢喎!
回覆刪除[版主回覆03/20/2010 06:22:00]樓上有套唔係恐怖果喎! 係希臘神話喎~
SAW 呢套戲係我家姐寄俾我睇架﹗嚇死我喇﹗ 我睇果套仲係好耐之前要個女人括腸搵鎖匙﹐ 同個男人要斬腳個套咋﹗之後唔睇喇﹗ 嚇到我又驚又怕又疑神疑鬼﹌
回覆刪除[版主回覆03/20/2010 06:21:00]第1集囉~ 我覺得幾好睇! 題材幾新~ (當時!)
之後果咋全部唔洗睇嘞!
我無睇過saw 1-5..上年年尾英國上saw 6既時候有個朋友突然想去睇, 咁我地就入左埸睇啦..可能我無睇過之前既..所以又唔覺得saw 6 好爛囉..只係好核突同埋覺得D人好慘囉..無啦啦因為個上司而俾人捉曬去死...死之前仲要好人性咁爭札一翻.....
回覆刪除[版主回覆03/21/2010 05:18:00]妳無睇過之前5集，咁妳仲睇得明咩? 不過可能真係因為妳無睇過之前果d，會覺得新鮮，所以覺得唔爛啦.......
吓? 唔係呀? 仲有??? 我只係入場睇過一集, 其他好彩都冇俾過錢, 不過都真係嘥時間...
回覆刪除[版主回覆03/22/2010 02:02:00]難以置信呀呢? 爛成咁都仲繼續有人比錢拍........
哈哈哈哈, 不過其實第六集結未都講到明仲有下文, 我同你一樣諗法, 有第七集時咪又睇吓點爛法囉, 係呢, 你睇咗 Shutter Island 未呀? 呢套戲我都等咗好耐, 我己經係上個星期睇咗, 等緊你寫 blog 再討論吓
回覆刪除[版主回覆03/23/2010 06:25:00]
本來想weekend 去睇架! 但weekend 又咁鬼黑仔........仲未睇呀! 不過Shutter Island 一定會睇既!
你唸唔唸住睇Clash of the Titans?
Clash of the Titans我都想睇，我都係要等碟出先有得睇架啦
回覆刪除[版主回覆03/25/2010 20:03:00]依套係今年一定要睇既戲來!!!
不過我發現IMAX 無得上!!! 唯有睇返普通3D......