My Big Fat Gypsy Wedding

大家心目中既完美婚紗係點既呢?

  咁?

  咁??

 

咁??? (婚紗上係星星來既~ 佢頭上既皇冠都係星星.....)

大家心目中既伴娘 / 姊妹裙又係點既呢?

咁?

咁??

咁???

定係咁???

 好老實我唸就算妳真係想妳d伴娘 / 姊妹著到咁，佢地都未必制......
咁來參加婚禮既賓客呢? 大家又希望賓客dress code 係點呢?

咁?

咁...??

咁......???

 定係.........咁......??????  (我講緊中間瑩光黃果個!)


其實依d都係Gypsy - 吉卜賽人既婚禮!

英國既吉卜賽人大都源自羅馬尼亞或愛爾蘭~

佢地喺英國可以話係極唔受歡迎既一群! 大部份人認為佢地係賊，亦有傳言佢地係住喺英國係唔需要交稅......(我唔知堅定流!!?!?)

不過喺英國好多caravan parks - 外國好興果種有哂睡房廁所既大型旅行車停車場，會見到一d起到好似豪宅咁靚既大屋!! 我唸佢地應該好有米......

早排睇咗Channel 4一個講述吉卜賽人婚禮既節目，內容幾有趣! 當中甚至令我覺得好詫異......

- 吉卜賽人唔准自己仔女同唔係吉卜賽人既人交往，連做朋友都唔得; 結婚對象一定要雙方都同樣係吉卜賽人;

- 女仔唔需要有自己既事業，越早結婚越好! 大部份吉卜賽女仔法定年齡一許可就會即時結婚，23歲先結婚......喺吉卜賽人傳統上已經係"超遲婚"!!!

- 婚前唔可以有性行為; 結婚對象最好喺左鄰右里既吉卜賽人鄰居; 有部份人女仔結婚前只見過自己老公幾次 ......佢地甚至認為只要結婚對象係吉卜賽人，近親通婚e.g. cousins 都完全無問題........

- 因為未婚既吉卜賽女仔都被家長管得好嚴，所以大部份女仔從小已開始自己儲錢 + 畫定自己心目中既婚紗......一搵到對象有咁快得咁快嫁出去，希望可以脫離父母管束!

- 由於唔可以同吉卜賽人以外既人交往，所以吉卜賽婚禮往往成為咗雲英未嫁 / 未娶既年輕人，尋找結婚對象既地方 + 場合; 

- 大部份吉卜賽女仔所選擇既婚紗，對一般人來講可能太太太誇張; 不過喺佢地文化裡面 - 婚紗一定要大 + 閃......

- 吉卜賽人喺英國唔受歡迎既程度 - 好多教堂 + 酒店婚宴場地，知道係吉卜賽婚禮時會即時除消訂單! 所以佢地訂行禮地點或婚宴場地時，絕對唔會透露自己身份! 但好多時因為口音問題，會即時受到拒絕......

- 因為怕消息外洩而穿煲，親友 + 賓客都只係婚禮當天先收到sms通知行禮地點! (梁朝偉 + 劉嘉玲抄佢地喎!!!) 節目當中有一個case - 連新娘既爸爸都唔知婚禮地點，婚禮當日早上先渣住地圖搵行禮既教堂所在位置......

>>>>>>>>>>>>>>>>>>>>>>>>>>>>>>>>>>>>>>>>>>>>>>>
姑勿論吉卜賽人係咪真係好似一般人覺得佢地咁窮凶極惡......

其實我相信任何種族都會有好人壞人!

雖然吉卜賽女仔著成咁，但我喺節目中睇到既吉卜賽女仔，都有純真既一面~ 同普通女仔一樣對自己婚禮有憧憬! 但好多人就因為佢地既衣著，認為佢地係唔正經既女仔，甚至將佢地視為妓女......

但我始終覺得對一個人既態度 - 好或唔好，都係應該係towards 對方既言行，並唔係佢既種族! 人地結婚大好日子，因為對方係吉卜賽人而拒絕做人地生意.......好似有少少太過份喎!

一個非常有趣既電視節目~~~ 

雖然佢地既衣著品味完全唔係我杯茶! 
(真係打死我都唔會揀以上任何一件婚紗!!!)