Dinner @Hummingbird + 果醬伴手禮 (2010年3月23日)

尋晚(3月23日)同朋友食飯 - Hummingbird~
Hummingbird 樓高4層平時係trendy bar + 餐廳;

weekend 夜晚就會變成clubbing 好去處!

裝潢幾靚，night out clubbing 不失為一個好去處; 不過餐廳音樂強勁，食飯傾計依個環境未必係最好選擇!

先來一人一杯cocktail~

Hummingbird 餐廳部份係食亞洲fusion 菜~ 一向對fusion 菜都無乜好感!  不過餐廳係朋友選既......

我地3個人都係要同一頭盆 - 串燒雞沙爹~

依個頭盆非常好味!!!! 3大串雞胸肉熱辣辣燒得異常軟滑juicy~ 個汁較得好香好好味! 配埋火箭菜沙律......事前完全無唸過會咁好食!!

 我 + 一位朋友主菜都係要依個照燒三文魚配海鮮汁炒麵~

個三文魚好好味! 燒得剛剛好熟透完全唔乾~~~~ 不過個炒麵就好唔掂 - 個汁甜到阿媽都唔認得.......好鬼難食!!!!

 另一位朋友要既燒豬腩肉~

依個又係好好食! 配上炒小棠菜~ 依個個炒菜汁就好味嘞!

以trendy bar 餐廳來講...仲要係我唔鍾意既fusion 菜! Hummingbird 既食物水準真係非常唔錯! 依餐令我地好有驚喜!!

但佢地上菜實在太鬼慢~~~~~~~ 頭盆等得耐，主菜等得更耐! 餐飯得2個course 都食咗2粒鐘!!!

另外晚餐來講，我覺得portion 太細，我返到屋企要另外食野!  依個份量lunch 就差唔多~~~~

 掛住食野傾計，都無乜點影到相......

食完飯上2樓，有免費美甲服務!

 2位朋友因為要返工，所以都選咗最自然既淡粉紅;

 而我就選咗金光閃閃!

張枱好鬼得意!!! 玻璃下面全部係真既10p 銀仔喎!!!!

 出發前喺屋企整咗2樽"蘇格蘭靚女"，比朋友當係拌手禮!

上次整時用玫瑰花蕾，食起來唔係好方便......

 今次用咗依隻餓姦力玫瑰花瓣效果更好，玫瑰味更香~~~~~

果醬完成入樽後就搞搞個包裝......

 朋友收到都好開心啊~~~~

 我都有禮物架!

 玫瑰士多啤梨果醬食譜click here~