(唔係Harry Porter 呀!!!
)Harry Brown 係一套低成本既英國戲，好詫異貴為金像獎最佳男主角 + 最佳男配角既Sir Michael Caine 會接拍一套咁既戲! 依個亦係我好奇想睇依套戲既其中一個原因~
戲係關於現今英國社會低下層既青少年問題~ e.g. 濫毒、肆意破壞、暴力......等等既社會問題!
Sir Michael Caine 飾演一名退役老兵Harry Brown ，唯一既女兒年紀好小就死咗; 長期患病住院既老伴又剛去世......唯一既老朋友Leonard 被居住地方附近一班青少年童黨殺害~
另一方面警方對童黨暴力問題完全束手無策，而且因為缺少証據既情況下，警方對Leonard 既死不了了之~ 無親無故既Harry 忍無可忍，決定自己親手替天行道......
因為戲裡面對現今英國社會青少年問題既描述係真既!
電視經常有得睇 - d"靚"仔飲醉酒或吸咗毒品high 哂，就算成大班差佬棟喺隔離，佢地都當差人無到自顧自集體毆鬥; 比差人用手扣押上警車，照樣大聲叫囂講用粗口鬧差人，甚至用玻璃樽掟差人; 佢地根本完全唔怕差人，對執法者毫無半點尊重，視法紀如無物......
(我相信又會有人覺得我喺度作大 + 唱衰英國......
)近幾年英國knife crime 越來越嚴重，連入戲院睇戲都會賣廣告呼籲青少年要三思 - 唔好一時衝動用刀傷害別人!
而事實上英國青少年問題並唔係一朝一夕變成咁既地步既!!
早十幾年我初來到英國時住喺親戚屋企，就曾經親眼目擊鄰居夫婦被十多個青少年圍毆，其中一個5呎都唔夠既"靚"仔隨身攞出把刀仔，插傷男鄰居既背! 仲要係當住男鄰居既大肚老婆面前......
除此之外亦聽過新聞 - 一個阿婆被幾個"靚"仔打劫時用刀插死~ 阿婆比"靚"仔打劫咗咩野呢 - 唔係錢喎~ 係幾個麵包!
究竟係邊個既錯而令到而家英國d"靚"仔無法無天?
喺英國政府 + 家長好容易就將茅頭指向學校~ 但喺依個下下講人權既社會之下，學校根本做唔到乜野! e.g. 罰佢地又唔work; 打又話唔可以體罰~ d"靚"仔連差人都唔驚，又點會怕學校呢?
但2名兇手於2001成年時被釋放，英國政府勞師動眾大費周章為2名兇手安排新身份 + 居住地點，亦唔准傳媒公開2名兇手既真正身份......
結果又點呢? 最近其中一名兇手Jon Venables，因為被發現電腦中存有小童被虐待既相片，所以再次被判入獄! 依d咁既人渣根本唔會珍惜社會比佢地既機會，當初英國政府既"仁慈"做法完全係多餘! 浪費人力物力!!
政府 + 學校都搞班"靚"仔唔掂，咁家長呢?
最近英國青少年流行一種叫做Mephedrone 既軟性藥物，由舊年11月至今，已有5宗同Mephedrone 有關既死亡個案，濫用Mephedrone 者年紀最細只得9歲......
而死者既家長們堅稱 - 死去既子女並非濫藥者! 佢地係正常，用功又關懷別人既青少年......O咀!!!
咁既家長會教出一群點既青少年，可想而知~~~英國政府、學校 + 家長全部都搞唔掂青少年問題，我完全唔介意若果現實生活中真係有一個Harry Brown 替天行道呀!
(好睇! 不過係一套睇完令人感覺無奈既戲......)
你冇作大呀﹗ 我呢邊又有失業人整果十二歲細路女﹗ 佢仲夠膽整個細路成粒鐘﹖﹗我真係覺得冇天理架﹖﹗ 好彩個女仔形容得好﹐所以即刻括到過衰人咋﹌
回覆刪除[版主回覆03/20/2010 07:17:00]果句唔係寫比妳依種正常人睇架嘛!
係比果d唔順超又要入來睇，睇完又要話我"吹水作大，我寫既野嚇親唔係住英國既人; 但住英國既人就知我作大blah blah blah" 果d鬼鼠八婆睇架~
依單野係啱啱既事呀? 果個失業人幾歲? 依d正人渣!!!
個衰人二十歲咋﹗佢跟蹤個女仔返屋企咁整佢呀﹗ 個女仔十一歲咋﹗ 不過我覺得就算個受害人幾歲都唔值得俾人咁傷害丫 ﹌
回覆刪除[版主回覆03/21/2010 05:12:00]果咋失業電車男真係......啱啱香港又拉咗一件 - 廿幾歲無業，喺forum 度又話要強姦女學生，又話要炸曾煲呔屋企! sick!!
唉依家D青少年問題...都唔係淨係英國架喇...好多地方都有...香港都唔少...真係...都唔知點算...
回覆刪除[版主回覆03/21/2010 05:09:00]而家d靚仔都唔知食咩大架? 我個年代比父母打 + 大吓話搵差人拉已經好鬼驚，但而家d靚仔完全唔怕差佬.......不過我始終未見過香港有靚仔比差人拉時，仲會用粗口鬧返差人轉頭囉~
我同你感受一樣﹐所以都唔知好唔好在英國生細路﹐好驚佢地學到壞晒。
回覆刪除之前睇完你寫LOVELY BONES部電影﹐即刻找黎睇﹐噫﹐OK喎。我都會找找呢套HARRY BROWN
[版主回覆03/22/2010 06:58:00]生小朋友唔係問題，最大問題其實係父母自己本身! 邊度都會有壞人，邊度都會有機會學壞，但做父母就係教小朋友最大責任果個! 唔可以旨意哂學校 + 政府!
我係唔住英國既人，aiya，比妳嚇親添
回覆刪除依家香港啲靚仔咪又係好得人驚，幾歲就吸毒，之前我媽咪話有個我唔記得係8歲定9歲已經販毒，以前我地十幾歲仲追緊卡通片呀 ~~~
[版主回覆03/25/2010 20:00:00]嚇鬼死妳~~~~~~~~~
所以我話而家d靚仔都唔知係食咩大? 天不怕地不怕......反而係大人怕咗佢地!
嘩 ! 嚇C人囉 , 咁都有既 , 半夜破壞人地架車 , 一定心裡唔平衡 , 乜英國治安咁差比香港還勁 . 好驚 .
回覆刪除[版主回覆04/13/2010 19:44:00]英國青少年問題係好嚴重! 但我唔會認為英國治安比香港差好多~ 始終英國比香港大好多! 治安好唔好 + 犯罪率高低，都係計返比例既! 地大又人多既地方，罪案當然都較多! 而且半夜破壞人地架車，香港都有唔少~
係呀...我尋晚上網睇新聞先睇到有單~ 話個男仔比D街童兜把鋤插落條頸度... 變o左植物人... 好好彩後尾個男仔mami幫佢拔喉唔想佢再受苦o個陣個男仔奇蹟地醒返~ 但係佢都已經行唔到路 , 視力同說話能力都完全減低晒...好慘~
回覆刪除[版主回覆04/14/2010 01:00:00]英國knife crime 真係好嚴重.......