涼瓜乾黃豆排骨湯; Duck Diane Sauce; 汁燒池魚 & 椒絲腐乳菠菜
今日整咗隻五香燻蹄本來打算今晚食......
誰知道老公放工返來後，要攞d文件去62餐館~ 去親62餐館我地都會順便攞d野返屋企食!
攞親都係餐館其中一樣招牌菜 - Duck Diane Sauce! (好正架!!!! 
)唔好浪費食Duck Diane Sauce 既機會嘛......
掛住喺廚房整燻蹄.......仲整咗盒酸辣無骨鳳爪.......
搞掂哂之後先記得 - 我唔記得咗今晚個湯喎!!!!!
煲 / 滾咩湯好呢? 好彩屋企有好多材料，唔洗再出街買野!
雪櫃有半包早幾日煲雞腳湯既排骨，再摷摷個食物櫃.......
尋日解凍時重手咗 - 一次過解咗6條!!
咁唯有一次過整哂6條啦!!! 
雖然係雪到硬鬼哂既雪藏野，不過食落好新鮮 + 好好味喎!
連老公都好鬼鍾意!!(咁6條緊係食唔哂啦! 但都食咗4條~~~~
)
涼瓜乾黃豆排骨湯食譜click here~ 汁燒池魚食譜click here~ 椒絲腐乳菠菜(參考食譜 - 椒絲腐乳通菜)click here~
你整了燻蹄, 好想睇你的燻蹄做成點??
回覆刪除[版主回覆03/17/2010 08:02:00]包好咗喺雪櫃雪緊仲未切，聽晚先知道自己整成點!
五香燻蹄好似好好味咁,我未整過!等妳食譜
回覆刪除[版主回覆03/17/2010 18:29:00]希望會成功 + 好味啦! 我好鬼鍾意食燻蹄架!!!! 我返親香港真係幾乎日日食咁滯! 食譜今晚會出~~~
燻蹄起骨難唔難 ? (真係俾你包到好似海洛英咁款喎)
回覆刪除唔得, 我要告發你, 充公呀
[版主回覆03/17/2010 18:28:00]唔難起架! 隻豬蹄得2枝粗主骨架咋，隻野煲完好易起!
我包完隻野後第一時覺得好似運毒果d!
酸辣無骨鳳爪我都鍾意食 你嗰度賣嘅豬手豬腳係成隻??我呢度係已經切開左5.6件架, 件同件間有"叮屎"皮黐住, 點整薰蹄
回覆刪除[版主回覆03/17/2010 18:25:00]啱啱出咗酸辣無骨鳳爪食譜嘞!
依度都唔係間間超市都有全隻豬蹄賣架! 不過依間 + 好多中式超市肉檔都買得到囉!
妳果度中式超市無架? 咁附近有無butcher 呀? 或者可以試吓叫butcher 幫妳留妳想要既部位!
池魚我見好多壽司舖整刺身,不過唔知好唔好食呢,因為我好少食魚生,但咁煎出黎個樣又幾靚喎,好想食呀!!
回覆刪除[版主回覆03/17/2010 18:21:00]我都知日本餐廳用池魚來做刺身，不過因為係季節性，所以我都未試過......
哇! 依個煮野幾鬼香呀!!!!!! 估唔到雪過都好正~ 我老公怕魚骨麻煩，所以一向唔鍾意食魚，不過依個佢好鍾意啊!
菠菜你都用腐乳煮？
回覆刪除真係無唸過喎！
[版主回覆03/17/2010 18:19:00]好好食架! 依度出街食飯(中餐)都有得order 椒絲腐乳菠菜架~
池魚煎好後, 亦都可以加檸檬汁, 一樣咁好味道架
回覆刪除[版主回覆03/18/2010 20:26:00]係呀! 不過我老公鍾意食味濃d~
三十隻雞蛋真係好多下呀﹗ 其實整熟後可以放幾耐架呢﹖ 定係你整黎送人﹖
回覆刪除[版主回覆03/18/2010 20:23:00]咁整茶葉蛋無理由整一兩隻咁架嘛.....
依盒蛋全部都好細隻架! 而且有排先過期~
我唔係全部用哂來整茶葉蛋，蛋糕、麵包、意粉.....都係用佢架嘞!
咁你咪有排唔得閒整黐飯同鹹豆漿囉﹌
回覆刪除[版主回覆03/20/2010 05:29:00]其實我已經有哂材料隨時整都得~ 不過依幾日姨媽到，朝早無胃口食早餐 (我唸住整來做早餐嘛~) 所以想等佢走咗先整......