明明話過金盆洗手唔再買刀......但我又抵擋唔住引誘..........
上個weekend 我地太鬼黑仔!!!!!
所以我 + 老公決定今個weekend 一定要補返數!!
洗錢就係最好既therapy!! 老公有個新撻吐; 咁我當然都要有收穫啦!!! 
舊年一口氣入咗好多把孖人牌之後，先至留意到依個比孖人牌更貴既廚刀牌子"具良治"......同時有網友同我講 - 具良治比孖人牌更加好用!
不過礙於屋企真係太多刀，所以每次我見到具良治都係抱觀望既態度~
不過......
我頓時雙眼發光~~~~~~老公: 妳係咪想要呀?
我: 等我唸吓先......
老公: 唸咩啫? 我送比妳呀!
我: 緊係你送比我啦! 但屋企有咁多刀...你比我唸清楚應唔應該買先啦!!
老公: 應該呀! 買啦~ 買啦~ 因為如果而家唔買，遲d妳一定會同我講"咦~~~~早知減價時買咗佢啦!!!!!!"
Global 具良治係日本廚刀品牌~ 同孖人牌相比 - 具良治喺歐洲既價位比孖人牌更貴; 不過喺亞洲地區就比孖人牌略平~ 相信係入口既問題!
根據網上用家所講......
)
不過由於刀身輕，刀本身異常鋒利，所以未習慣用前好易切親手......
等我聽日同佢開光時試吓係咪真呢~~~~~
(唔係講笑 - 依把真係最後一把嘞!!!
)>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Weekend 行緊街時巧遇上星期二食飯其中一位朋友，當時朋友同佢媽媽一齊~
依位平易近人既Auntie 大讚我整既"蘇格蘭靚女"果醬好味道~
真係好鬼開心呢!!! 
愛上咗我雙手既金色指甲油! 雖然要彈琴又要整野食，唔可以留長手甲or 整gel 甲~ 不過間中搽吓指甲油都可以靚靚既!
買飽食醉~ 飽餐一頓，而且我 + 老公都得到心頭好~ 依個weekend 絕對overcome 到上一個黑仔weekend!
好少自助打邊爐既食物都咁新鮮wor ~~~
回覆刪除[版主回覆03/29/2010 16:06:00]依度d自助打邊爐係好新鮮架! d蟶子皇隻隻都郁架~ 不過價錢當然唔係好似香港咁幾十蚊都有交易啦......
~半價咁吸引，好難抵擋得住架！20又啱啱好齊頭，19把咁零丁！
回覆刪除[版主回覆03/29/2010 16:03:00]喺英國第一次見Global 減價架! 平時Global 連d屎咁細把pairing knife 都要£50，我就真係唔捨得買嘞.....
而家屋企有1把Global, 8把孖人牌, 4把日本廚刀, 另加7把聯合國廚刀~ 真係咩用途既刀都有整咁滯! 真係買夠刀嘞~
~唔知你有無買過陶瓷刀用呢？？都幾好用架！
回覆刪除[版主回覆03/29/2010 15:58:00]陶瓷刀一上市時我已經考慮過買，不過後來睇到最受用家 歡迎既Kyocera 都好易爛! 又唔跌得又唔斬得，有網友切個蕃石榴又話整崩......咁我真係唔知買來做乜嘞!
陶瓷刀 <-------都好犀利 架, 又話一世唔洗磨, 又話冇菌.....
回覆刪除[版主回覆03/29/2010 15:57:00]陶瓷刀剛剛新上市時我都曾經打算過買，但因為礙於當時啱啱出既新野，想知多d有關陶瓷刀既資料先決定......
不過後來睇到最受用家 歡迎既Kyocera 都好易爛! 又唔跌得又唔斬得，有網友切個蕃石榴又話整崩......咁我真係唔知買來做乜嘞! 我用野都幾粗.......可能一星期唔夠已經比我打爛!
我用緊陶瓷刀 + 孖人的菜刀
回覆刪除你有20把刀 ...... 好勁呀
個蟶子好正呀
[版主回覆03/29/2010 18:34:00]買吓一把又一把，舊既又唔捨得揼.....越來越多! 真係多到租比人開片都得!
依d咪係蘇格蘭蟶子皇囉! 不過我鍾意食太大隻，所以攞依幾隻已經係比較細隻~
其實係架, 好易爛呀, 冇佢講到咁勁...
回覆刪除老實, 宜家我都冇再用, 都係用番我果把 十幾年前買落既 孖人.....
到宜家仲好好用...
廿幾把刀....
可唔可以搵日影下相黎睇下...好勁
[版主回覆03/29/2010 18:30:00]咁你之前仲推我陶瓷刀又話犀利又話無菌?? (查實唔係無菌，只係"防菌"! ) 好彩我買咩都會做吓research，唔會人云亦云既啫~~~~
我 無 話過我有廿幾把刀~ 我話計埋依把Global 我有20把啫! 而且一早已經影過哂大部份:
http://hk.myblog.yahoo.com/veronicams_tsim/article?mid=10712
http://hk.myblog.yahoo.com/veronicams_tsim/article?mid=11466
http://hk.myblog.yahoo.com/veronicams_tsim/article?mid=11959
http://hk.myblog.yahoo.com/veronicams_tsim/article?mid=17096
嘩... 好大隻蟶子皇呀 ... 咁大隻係香港買好貴呀 .... 你果邊自助都有得食.. 正呀....
回覆刪除[版主回覆03/29/2010 18:18:00]蘇格蘭係蟶子皇娘家來嘛! 隻隻都生猛會郁架~ 好鬼鮮甜!
嘩!妳有20把刀咁多!
回覆刪除[版主回覆03/29/2010 19:28:00]係呀~ 買吓一把又一把，因為舊既都好用又唔捨得揼........咪越來越多刀囉!
咁你總共有幾多把刀呀?
回覆刪除[版主回覆03/29/2010 19:27:00]依把咪第20把囉! (唔計餐刀 + 扒刀喎~)
20把刀??/ 唔駛咁多呀 ? 邊用得哂呀 !
回覆刪除[版主回覆03/30/2010 03:24:00]我會輪住來寵幸佢地架嘛!
20把刀妳好犀利呀！
回覆刪除[版主回覆03/30/2010 03:23:00]不知不覺買吓買吓越來越多.......
果醬漏斗又幾得意喎! 咁都有得用, 你真係廚具發燒友!!
回覆刪除[版主回覆03/30/2010 03:23:00]整開果醬時發現就咁由sauce pan 倒入樽，好易整到個樽好污糟好messy~ 用漏斗入樽就企理好多!
你又買左呢把刀, 我都睇過網上有人盛讚, 有減價梗係買啦! 我而家最想買把斬骨刀.. 嗰個自助火鍋恨死我啦
回覆刪除[版主回覆03/31/2010 04:27:00]我之前未見過Global 有減價架!
斬骨刀我就一定唔會用貴野嘞! 見過有幾個人連孖人斬骨刀都斬崩......我都係用初來英國時買果把廣東菜刀斬骨，得閒磨吓佢已經好鬼利~~~~
妳果邊無依種打邊爐食既咩?
呢把唔係傳說中嘅削骨如泥寶刀.....咁都俾妳搵到...梗係唔買唔得啦----咁諗應該會好過啲..............
回覆刪除[版主回覆03/31/2010 04:16:00]唔知佢係咪削鐵如泥喎! 我唸住用佢來切肉，無唸住用來削鐵......
蟶子仔依邊都冇得賣,蟶子皇更加唔駛諗!!
回覆刪除d甲油又幾鬼靚喎,我都好鐘意買,不過都係保守色比較多
[版主回覆03/31/2010 04:14:00]其實我反而鍾意食細隻少少既蟶子，所以我攞都係攞d細隻少少既~
妳覺得d甲油好前衛咩? 今年興pastel nail colour 喎~ metallic 唔算潮架嘞! (不過我鍾意~~~~~)
嘩, D食物好新鮮好正咁呢
回覆刪除[版主回覆03/31/2010 04:11:00]
妳屋企打果d咪仲正!
見到你入廚咁叻 , 好開心 仲可以成日鑽研新菜 yummy yummy 支持你
回覆刪除[版主回覆03/31/2010 04:11:00]多謝Katie 讚賞 + 支持!
不過我唔叻~ 只係熟能生巧啫!
選用邊把刀時一定好苦惱!
回覆刪除[版主回覆03/31/2010 04:09:00]用點指兵兵來決定用邊把囉!
又買刀,下次唔好再買喇~~~不個今個WEEKEND真係好開心喎,HAPPY EVERYDAY!!!!
回覆刪除[版主回覆03/31/2010 04:09:00]唔買嘞! 唔買嘞! 湊夠20把唔再買嘞!
冇打邊爐, 有餐館做過一陣都冇攪, 一來貴, 二來冇材料...想食要出去三藩市先有
回覆刪除[版主回覆03/31/2010 05:01:00]OIC~ 咁間中自己買料返屋企，自己整打邊爐過吓癮囉!
嘩﹗的聖子好大隻呀﹗德國果的得你果的一半咁咋﹗ 唔留長手指甲乾淨企理好多架﹗ 我真係好憎我牙醫請果的女仔全部假甲同假髮﹐ 佢地隻手一整埋黎我已經想拍開佢﹗ 我覺得好污糟呀﹗ 我覺得唔洗留長手甲油甲油仲靚啦﹌
回覆刪除[版主回覆03/31/2010 05:00:00]其實我鍾意食細隻少少既蟶子皇 - 不過一定要皇喎! 唔皇果d又唔夠甜......
如果本身甲床修長，唔留指甲都靚咯~ 不過我甲床好短......但我都唔會留長，一來好似妳話齋乾淨; 二來我慣咗短甲，指甲一長少少就好易整親! 整親指甲好鬼痛架!!!!!
d蟶子皇真係好大隻, 我都係食過一次, 真係好爽好甜
回覆刪除[版主回覆03/31/2010 17:47:00]其實我比較鍾意食細隻少少既蟶子皇 - 但一定要係皇喎! 因為唔皇既無咁甜~
蟶子皇呀
回覆刪除20把刀，真係唔再買??
[版主回覆04/05/2010 19:59:00]係任食既蟶子皇!
真係唔再買刀嘞! 尋日見到把靚靚孖人牌都忍到手~