2010年3月24日星期三

自製水果酵素


因為我一向唔好甜，所以幾乎完全唔食生果~

最近見有幾位網友都自製水果酵素，我又趁熱鬧整返樽!

1. 洗淨玻璃樽，再用熱水沖淨消毒，瀝乾至水份乾透。

2. 水果徹底洗淨，讓水份自然瀝至完全乾。

P.S. 一定唔可以有水，如果唔係好易變壞架!

整水果酵素材料好隨意......

今次我用咗蘋果、橙、檸檬 + 雪梨~

3. 蘋果和雪梨去芯去核切片(可保留皮); 橙和檸檬去皮去核 - 要去清白皮和白筋，如果唔係會苦架!

4. 將水果片一層叠一層地鋪上 - 每鋪一層灑上一層糖再鋪第二層; 鋪完最後一層水果，再在上出鋪一層糖。

本來想用冰糖，但大鬼大舊!  所以我改用未經精製既原黃糖~

5. 因水果發酵時會產生氣體，所以容器最多只可裝7至8成滿!

6. 註明製造日期，封好容器待2星期過濾即可飲用。

 唔洗1粒鐘已見糖開始溶化!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
超市買親士多啤梨多數都有special offer~1775465355.gif image by veronica_tsim

e.g. Tesco Organic Strawberry 每盒£3.99; 但2盒只需£5......
若只買1盒的話，感覺上太蝕底嘞!!!!!1775465352.gif image by veronica_tsim

尋日只用咗1盒整果醬送比朋友做伴手禮，仲剩低1盒~

不過士多啤梨又唔可以耐放......

 今日整多樽jam 比自己啦~  反正上次整既已經一早食鬼哂!

 足料好多玫瑰花瓣架!

_342.gif image by veronica_tsim 相關網誌:

 水果酵素出世嘞!

 玫瑰士多啤朵果醬食譜


發佈者： 於
標籤：

27 則留言:

  1. 叮噹2010年3月24日 下午6:15

    什麼是水果酵素??
    [版主回覆03/25/2010 19:26:00]
    係水果發酵後產生既酶，而酶係身體細胞活動必需既能量~ 坊間話食咗可以抗氧化抗衰老，幫助排毒 + 令皮膚變靚.......我都唔知係咪架? 所以整樽試吓囉!
     
     

    回覆刪除
  2. Karen2010年3月24日 下午7:24

    你咩黎?有咩功效?
    [版主回覆03/25/2010 19:26:00]係水果發酵後產生既酶，而酶係身體細胞活動必需既能量~ 坊間話食咗可以抗氧化抗衰老，幫助排毒 + 令皮膚變靚.......我都唔知係咪架? 所以整樽試吓囉!
     
     

    回覆刪除
  3. mami阿四2010年3月24日 下午7:47

    啲label print得好鬼靚呀，依樽酵素有咩用架??
    [版主回覆03/25/2010 19:13:00]個label 我自己整架!  自己食都要姿姿整整~
     
    我都係第一次整架咋! 好似話食咗會幫排毒，抗氧化抗衰老，令皮膚變靚d......之類喎! 所以我咪試吓囉!
     
     

    回覆刪除
  4. Toby2010年3月24日 下午7:55

    咩係水果酵素..^^我又想試
    [版主回覆03/25/2010 19:10:00]即係用水果發酵出來既酶! 酶係人體細胞活動必須既能量~
     
    自製應該唔難，不過一定要所有野都消毒乾淨，否則成品好易開霉變壞!
     
     

    回覆刪除
  5. 東主有喜2010年3月24日 下午9:06

    唔知會唔會屙得好勁架呢........不過可以減下肥肉都唔錯..
    [版主回覆03/25/2010 19:08:00]有網友食完後話開大暢通無阻!  我唸用來通宿便排毒會幾好~
     
     

    回覆刪除
  6. 濃情朱古力碰上士多啤梨2010年3月24日 下午10:13

    自家制健康d呢
    [版主回覆03/25/2010 19:07:00]希望順順利利唔好變壞啦!
     
     

    回覆刪除
  7. Catherine2010年3月24日 下午11:52

    好, 我又整先
    想試
    Blueberry + Strawberry + Lemon + Rock Suger
    Orange + Lemon + Rock Sugar + Apple Cider Vinegar
    [版主回覆03/25/2010 19:06:00]第2個combination 加咗檸檬仲加蘋果醋? 會唔會太酸呀???
     
     

    回覆刪除
  8. Kelly Chan2010年3月25日 上午2:36

    其實酵素有咩用架?我見好多人都整,飲完有咩好處?同埋佢地好似落蘋果醋,唔知有咩分別呢~~~
    [版主回覆03/25/2010 19:04:00]酵素即係細胞活動必需既能量 - 酶~ 坊間流傳話有抗氧化抗衰老既作用喎! 不過係咪真就要試過先知嘞!
     
    我上網搵資料時都見有d整酵素時會加醋，不過大部份都係唔加既多~ 其實發酵得宜時都會產生類似醋既物質既，醋都係用大同小異方法釀出來既!
     
     

    回覆刪除
  9. Mrs Beauty2010年3月25日 上午4:16

    ~你啲label貼字好靚喎！
    ~期待你嘅製成品出爐！
    [版主回覆03/25/2010 19:34:00]多謝~ 個label 我手痕上網搵圖自己整既!
     
    我都好心急想快d出爐試吓咩味......
     
     

    回覆刪除
  10. Joanna2010年3月25日 上午4:37

    我都有興趣整呀! 我成都用'暢通無阻'呀!! 嘻嘻~ 我我想問... 係咪淨係用熱水消毒就得架啦? 係咪用咩水果整都ok?? 會唔會用左某種水果整, 出來效果會怪怪地架?
    [版主回覆03/25/2010 19:56:00]個樽用熱水消毒完要徹底晾乾，如果唔係成品好易發霉變壞架!
     
    我都係第一次整咋! 所以唔知邊隻水果好d，邊隻又無咁好.....不過我做research 時，見大部份水果都可以用來整~
     
     

    回覆刪除
  11. catherine2010年3月25日 上午5:36

    成日都聽都D 女士飲酵素, 但自己又未試過.. 係咪好似果醋咁酸酸地??
    下次試下士多啤梨... 我諗會好好味GA...
    係呢有冇諗過整果酒?? 我諗一定難唔倒你... 你真係好叻(唔係擦你SHOE.. 我一向都唔會擦人SHOE), 因為你真係好有心機放係你既小天地裡, 又經常同人分享...
    好過英國出面果D3姑8婆 CHINESE... 食飽飽冇SHIT 痾果D** 叫佢地飲下呢D水果酵素la...
    [版主回覆03/26/2010 06:01:00]我第一次整架咋! 我都未知咩味架? 等食得時再同大家分享!
     
    我無整過果酒呀! 我都唔飲酒既......  不過酵素都有少少似釀酒咁，過程中都會產生酒精架~
     
    哈哈~~~~ 過獎嘞! 不過我地大家都幾似 - 我地都唔鍾意刷人鞋! 若我讚人既話，都係出自真心既! 仲有我好討厭果種刷別人鞋又順便踩吓自己e.g. 同人地講"妳好靚呀! 我就好醜樣....." - 依種人根本唔係真係覺得自己醜樣，甚至唔係真係覺得別人靚~ 只係想人地同佢講一句"唔係吖~ 妳都好靚呀!" 我覺得依種人真係好無聊...... 仲有妳講得好啱 - 英國真係有好多依種3姑8婆!
     
    妳個passport 有聲氣未?
     
     
     

    回覆刪除
  12. Prime2010年3月25日 上午7:36

    阿靚女食左又更加靚, 唔知咩味道, 食過講嚟聽吓!
    [版主回覆03/26/2010 05:51:00]我都唔知咩味架?  等食得時再同大家分享~
     
     

    回覆刪除
  13. andrea2010年3月25日 上午7:40

    下次我會整可以減肥既
    [版主回覆03/26/2010 05:50:00]妳啱啱先整咗! 可能妳果隻都可以減肥呢~
     
     

    回覆刪除
  14. Mivkey2010年3月25日 上午8:58

    Is it Enzyme ?? or Emzyme 
    [版主回覆03/26/2010 05:49:00]Thanks for pointing out my typo! you know next time you could just say there's a spelling error.
     
     

    回覆刪除
  15. MuiMuimui2010年3月25日 上午9:25

    水果酵素整好之後係點食用架呢?
    [版主回覆03/26/2010 05:46:00]每日溝清水來飲囉!
     
     

    回覆刪除
  16. momo2010年3月25日 上午11:21

    Hi.. 甘用PEAR OR strawberry 都得嗎。。　
    唔用水。。１個鐘。。個樽都出水喇。。
    你記住分享下成果同點飲用。。
    [版主回覆03/26/2010 05:46:00]大部份水果都可以用來做酵素! 所以梨同士多啤梨都可以~
     
    唔用水係因為水份會令生果發霉~
     
     

    回覆刪除
  17. Joanna2010年3月25日 下午12:10

    咁有無話每日唔可以飲多過幾多呀？？ <---  如果唔係唔止暢通無阻， 係痴住個廁所， 唔出得黎就慘啦！！
    [版主回覆03/26/2010 05:38:00]
    每日份量好多人都有唔同講法! 有人話每日最多只可以飲30ml~ 我未試過所以都會先試30ml (溝清水飲!)
     
     

    回覆刪除
  18. ❤ 蕃薯媽 ❤2010年3月25日 下午6:20

    水果酵素....唔知會點呢???
    我以前成日都會用橙, 蘋果+雪梨浸水飲...
    d美容師話得ga....
    [版主回覆03/27/2010 01:48:00]我都未知會點架? 2星期後先知........
     
    美容師話得....咁妳自己實戰經驗得唔得先?
     
     

    回覆刪除
  19. catherine2010年3月26日 上午3:28

    英國真係好多3姑8婆! 好Q討厭, 所以我覺得我地E D HK 去英國既女仔同佢地唔一樣, 係我地唔會埋佢地堆, 同埋佢地真係幼稚
    得很lor... 井底之蛙...
    個passport 未有聲氣... 好在我一路都有做office 既part time 打發下時間, 又啱啱去完旅行, 如果唔係日子都唔知點過....
    頭先先去完針灸, 第一次針, 真係好痛:(
    [版主回覆03/27/2010 01:47:00]其實3姑8婆度度都有! 我有好多土生土長既竹升妹朋友，佢地都好正常唔係八婆 (當然都有例外啦!); 相反我認識由香港來英既女仔，當中都有好幼稚既八婆~ 我唸係咪八婆係睇個別人 + 人夾人緣既啫! 我兩邊都埋到堆喎......
     
    去完旅行唔係應該好relax 咩? 做咩無啦啦去針炙??
     
     

    回覆刪除
  20. andrea2010年3月26日 上午7:22

    Orange + Lemon + Rock Sugar + Apple Cider Vinegar先係減肥～
     
    [版主回覆03/27/2010 01:42:00]係呀? 我無唸住減肥，所以無咩研究呀.......只係做緊酵素research 時見話酵素一般功效都會減到肥咋~
     
     

    回覆刪除
  21. andrea2010年3月27日 上午12:09

    其實係我既blog友有研究我先知邊，
    妳咁fit就一定唔駛減，我只係想減肚腩
    [版主回覆03/28/2010 09:41:00]OIC~ 不過都唔知妳點解妳成日話要減肥?  妳根本一d都 唔 肥!
     
     

    回覆刪除
  22. andrea2010年3月27日 下午6:52

    我手，腳係唔肥但肥哂個肚腩，最想就係去番105磅而家115真係重架！
    [版主回覆03/29/2010 17:27:00]減還減~ 最緊要要減得健康啊!
     
     

    回覆刪除
  23. windie2010年4月1日 下午6:56

    我都整緊.................第七日啦...好期待...
    [版主回覆04/02/2010 19:33:00]我整依樽今日第9日嘞，不過唔知點解d糖溶哂，但仍然好清又無泡???  面頭d蘋果仍然好似啱啱切出來咁無變啡色.....
     
     

    回覆刪除
  24. windie2010年4月2日 上午5:11

    http://hk.myblog.yahoo.com/win-windie/article?mid=6109
    我有兩支係好多泡...兩支就無咩反應
    [版主回覆04/04/2010 01:40:00]妳果d全部都泡過我依樽!  (今日終於有幾粒泡仔嘞....)
     
     

    回覆刪除
  25. MEI2010年12月16日 上午9:11

    我都係問吓咋，都未整過，因為我這裡仙人掌易得，蘋果雪梨難求啊！所以才想到仙人掌囉！
    多謝指教！
    [版主回覆12/17/2010 01:18:00]噢~ 我記得妳啊，我去過妳blog，妳影相好靚呀! 妳果度d風景真係好靚~
     
    妳果度有無其他正常d既水果呀? 我唸仙人掌太新穎咯~
     
    哈~ 不過咁啱得咁橋我早幾日喺香港試過鮮榨鮮人掌汁，原來咁好飲果喎~
     
     

    回覆刪除
  26. MEI2010年12月16日 下午2:05

    多謝他仲記得我！早排天氣熱時我都有整仙人掌汁飲架，有人覺得那滑潺潺感覺很難受，其實只要份量好，只有滑而不會潺！
    [版主回覆12/17/2010 16:06:00]因為我好鍾意睇妳影既野，所以特別記得妳囉!  多謝妳影咁多咁靚既相同大家分享啊~
     
    今次係我第一次飲仙人掌汁，我覺得好清新好好飲啊!
     
     

    回覆刪除
  27. Emmy2012年12月5日 下午8:38

    有個step係將水果徹底洗淨，讓水份自然瀝至完全乾。 咁係咪要提早切好左d水果先再瀝乾，定係連皮？

    回覆刪除

訂閱： 發佈留言 (Atom)
Related Posts Plugin for WordPress, Blogger...