香茜蕃茄皮蛋湯; 蜜汁雞翼; 蒜蓉魚肉大蝦; 蒜蓉菠菜 & 自製鹹蛋
我發現屋企附近果間麥麥好唔掂 - 因為每次我食完之後10次有8次都會肚疴!!
不過食早餐又唔會喎......
上星期有2日唔知發咗咩神經好想食魚柳包! 咁叫老公放工返來時順便買埋啦......
不過2日食完後都疴到我七彩!!!
好彩疴完就無事~ 再食多兩餐容乜易疴到我脫水呀!!! 都係自己煮返安全d! 
講返今餐......
我個間歇性失憶症又發作! 本來今餐想食"many springs fish"
，不過我又唔記得攞出來溶雪!!!!
唯有臨時臨急改食急凍魚肉大蝦 - 好彩冰格有存貨，溶雪快d嘛! 個幾月前用裹鹽法醃好咗既鹹蛋斬吓眼又食得嘞! 今次一樣好成功啊~~~
香茜蕃茄皮蛋湯食譜click here~ 蜜汁雞翼食譜click here~ 蒜蓉魚肉大蝦食譜click here~ 自製鹹蛋(裹鹽法)食譜click here~
好厲害既 Mc當當份量呀, 我地兩口子食既份量應該係一半 .... 你就好啦, 食極都唔肥, 於是就可以成日無顧慮咁享受美食 , 羨慕呀
回覆刪除[版主回覆03/02/2010 18:23:00]哈哈~~~~ 話雖如此，不過我應該開始收歛吓，唔可以再太放縱自己~ 畢竟都唔係十八廿二，要開始保重身體!
我個"回應"攪掂啦~真係唔該哂你呀!!!我煩厭呀!
回覆刪除雞翼色水靚靚，啱啱放工返嚟，好鬼肚餓，真係流哂口水~~
[版主回覆03/02/2010 18:20:00]唔洗客氣~ 搞返掂就好啦! Yahoo 而家成日都有問題，發表網誌前要check 多兩次睇清楚啊!
多謝~ 但雞翼色水唔算靚嘞! 因為英國咩雞都係好難上色架!!!! 都唔知點解???
M記我都係食早餐多....之前新聞講台灣M記用既油有問題,攪到好多人都唔敢食,可能妳個胃都係咁,唔受得!又或者妳果間唔乾淨,下次要食去食第二間好過
回覆刪除[版主回覆03/02/2010 18:18:00]真係依間幾乎去親都賴野!!! 但老公食又無事喎......唔知會唔會係依間魚柳包d tartar sauce 呢?
嘩, 2個包... 真係睇妳唔出呢, keke!
回覆刪除[版主回覆03/02/2010 18:16:00]魚柳包好鬼細隻喎!!! 好似食空氣咁，緊係要食2隻先夠飽啦!
吓 ! 蝦係假既 , 咁似 ; 你唔講我重以為真蝦添 , 你真係叻連鹹蛋都識整 .
回覆刪除[版主回覆03/02/2010 18:15:00]係呀~ 假野來架! 好似假蟹柳咁用魚肉整架~ 不過幾好味!
英國鹹蛋貴到唔捨得買來食! 但我又鍾意食.....自己醃平好多啊~~~
WO, 你煮既餸好正呢, 蝦呀雞翼我愛也
回覆刪除[版主回覆03/02/2010 18:13:00]多謝~ 依餐樣樣餸都好快手搞掂!
咁間麥當當真係好唔掂喎
回覆刪除[版主回覆03/02/2010 18:12:00]我食親依間成日都疴架! 不過老公食又無事喎......我懷疑係佢魚柳包d tartar sauce~
我都好憎突然諗好又唔記得解凍架~
回覆刪除[版主回覆03/03/2010 17:51:00]所以屋企要存多d唔同種類既緊急應變食物囉!
除了香茜外, 様樣樣都啱我!
回覆刪除我都想試吓魚肉大蝦, 好好味 咁 呀!
睇完你寫的, 我尋晚整咗薯仔雞翼呀! hehe
[版主回覆03/04/2010 18:19:00]妳唔鍾意莞茜架? 果陣味一係會好鍾意莞茜; 一係就好唔鍾意.....而我就好鍾意~~~
魚肉大蝦係cheap 野來架! 不過cheap 得來又幾好食~
薯仔雞翼正呀!!!!! 其實我好鍾意食雞翼~ 不過老公鍾意豬扒! 成日叫我整豬扒都唔厭......
出去食得太多都無益,係屋企自己住仲好,鍾意有咩就有咩,蜜汁雞翼我鍾意呀!!
回覆刪除[版主回覆03/05/2010 17:32:00]係呀~ 有時自己煮咗一排後，到唔想煮時出街食但唸極都唸唔到想食乜! 好似樣樣野都唔夠自己整果d野好食....