真係開心Glasgow 開咗間Waitrose!
舊年11月Glasgow Byres Road Waitrose 分店開張之前，全個Scotland 只得一間Waitrose - 喺愛丁堡!
果時要去開愛丁堡先有機會順便行吓Waitrose; 而家一個星期去一次都得嘞!
Waitrose 有乜咁巴閉呢?Waitrose 係英國大百貨公司John Lewis 旗下既超市，同其他一般超市一樣有售賣大路牌子貨品 + 自家品牌既貨品~
有所不同既係，Waitrose 仲有好多一般超市無得賣既野 - 尤其係食品! 尤如一間普通超市 + Deli 既混合體~
雖然Waitrose 既貨品部份比一般超市貴，不過因為佢地有好多獨家食品，所以吸引到我去尋寶!
顧客買野時可先從架上取一個自助計錢器，之後一路shopping 一路自"咇"價錢 + 入袋，買完野後直接去收銀櫃台比錢，或到Quick Pay 用信用咭付款就可以走人，完全唔洗經收銀人員計數~ 好先進啊!
絕對適合現今依個每個人都好趕時間，連排隊比錢都廢事既時代......不過唔知會唔會好易比人偷野呢??
咁我有咩野係一定要去Waitrose 買既呢?
自從以前飲開既Harvey Nichols Jasmine Green Tea Bags 唔再出之後，我一直搵緊另一隻代替品! 試過其他超市既牌子，但始終覺得唔夠香~
不過Waitrose 依隻唔錯! 
之前覺得Hovis Super Strong Premium White Bread Flour 最正......
真係一山還有一山高! Waitrose 依隻仲正過Hovis!!! (而且貴過Hovis 呢......) 依隻加拿大高筋粉暫時係我既至愛~~~
speaking of 麵粉......不得不提提依包"萬能麵粉"!!
依包野足足貴過其他大牌子麵粉3、4倍!!!!
有乜咁巴屎閉?
至於係咪真係咁勁，要等我試過先知!
上次試過Waitrose 既甜酒松露鴨肝芭菲，雖然比我預期無咁好食，不過都係好食既!
希望佢會好食啦~~~~
頭先講過Waitrose 有好多一般超市無得賣既食品......
例如:
直接譯法就係"耶路撒冷雅枝竹"~ 不過其實依舊野同一般 Artichoke 雅枝竹係完全無關係既!
普通雅枝竹食用部份係植物既花蕾; 而Jerusalem Artichokes 正名應該係菊芋，又稱洋薑，係植物既根部~
我無買到依盒野，只係好奇影張相~ 上網查過菊芋食味類似竹筍般清甜爽口，或者遲吓我會買來試試!
)個token 唔係用來買野既!
佢地有一個叫做"Community Matters"既計劃......
Waitrose 每一間分店，每個月都會有£1000，而依筆錢係用作慈善捐款，受惠既就係該月既3間慈善機構~
分店會依照該月每個慈善機構所收集得到既token 多少，來分配捐款; 而3個慈善機構亦會經常更新，令更多慈善機構受惠!
我覺得依個係一個非常好既system!
雖然Waitrose 既貨品貴少少，但shopping 之餘又可以做善事幫到有需要既人，真係雙重happy 啊!
Waitrose先進左好多...以前行Waitrose只係朝早返學前買佢既sandwich,佢地既sandwich實在太好味... 窮鬼學生既我真係唔捨得買入面d野,只係貪近買水返屋企唔駛攞咁耐...
回覆刪除[版主回覆03/04/2010 17:19:00]其實會唔會係妳去果間Waitrose 好似Tesco Metro, M&S simply food...果種比較細既便利店呀? 喺得大學附近既應該唔會好大間.......
你唔講我都唔知原來glasgow 冇waitrose bor.... edinburgh 只得一間係morningside....
回覆刪除其實好少可edinburgh 有既野glasgow 會冇,,,, 相反glasgow 有既, edinburgh 好多都冇
[版主回覆03/04/2010 17:09:00]妳返咗香港太耐嘞! Edinburgh 而家有2間Waitrose 嘞; 而Glasgow 果間係舊年11月開既~ 不過Scotland 就係得依3間咁大把......
Glasgow 依間正過Morningside 果間好多啊!!!! 一來大好多，二來多野賣好多~
仲有呀...forgot to say... waitrose 有好多flour 既品種, 普通market 係冇...
回覆刪除我之前唔只係邊到睇過話waitrose有低筋賣, 不過我搵過edinburgh 果間又好似冇..(可能上次冇貨 又可能而家有...)
[版主回覆03/04/2010 17:06:00]無見到喎~ Glasgow 分店舊年11月開咗後我已經去過好多次，次次都喺麵粉架前磨爛蓆都未有發現! 我依個weekend 會再去，等我到時再check 吓~
香港如果有呢d大百貨公司就好了
回覆刪除[版主回覆03/04/2010 17:03:00]CitySuper 果d都差唔多之嘛~
呢間 shop 幾好喎..... 你又多個好去處勒 ....
回覆刪除[版主回覆03/04/2010 17:02:00]一向都有去開，只係而家方便好多!
有間大又多野賣既超市好開心呀 .... 我好鐘意逛超市架, 可以星期六日行行吓街發現間無逛過既惠康都行得一餐, 咁可想而知其他大型超市我係幾咁鐘意行, 所以平日有機會行過都要入去兜兜睇吓有無新野同得意野呀.
回覆刪除不過係啦, 佢地點樣防止 d 人唔嘟就咁入袋唔比錢呢
[版主回覆03/04/2010 17:02:00]其實依間超市比一般超市細好多! 只係佢地賣既野比一般超市特別~
英國超市近年開始有self check out，越來越普遍~ 不過平時既self check out，都係買完野時去一條特別既link 自己咇每樣貨品，然後將貨品放入袋~ 依個方法就係用重量來防止偷野! 但計數器就係路買一路喺購物車度入袋，真係唔知佢地點防???
如果香港都有D咁正既超市就好啦....
回覆刪除[版主回覆03/04/2010 16:56:00]
香港有CitySuper + Sogo 樓下依d超市都好正呀!
個計$器好正... 唔駛怕睇錯price.. 仲有d食譜都好多喎, 呢間野真係幾正下.
回覆刪除[版主回覆03/04/2010 16:46:00]我反而覺得個計數器麻麻! 電腦既野總有機會出錯，若果咇完一樣野發現價錢唔同，比錢時咪又係要叫收銀搞返掂佢! 我去親超市都唔趕時間 ，所以唔會用計數器!
waitrose真係好正喎，咁多野賣
回覆刪除買野兼做善事，一舉兩得，仲要係顧客自己選擇，咁民主，依個system真係好好
[版主回覆03/04/2010 17:23:00]Waitrose 好多新奇貨品，真係行得好開心~ 不過如果再大間d就仲好!
雖然佢d野貴少少，但又唔算太誇張，又可以做善事，何樂而不為?
嘩！真係好正喎！就算City Super同佢相比都差好多班！始終香港地方細，邊有咁多地方行吖！
回覆刪除[版主回覆03/04/2010 19:19:00]
依間超市其實唔算好大~ 不過有好多其他一般超市無得賣既野! 反而好多一般超市都好鬼大，但間間賣既野差唔多......
唔係...我冇住大學附近住出面,果間喺Finchley Road,唔知佢算唔算大間,睇落唔似便利店喎...佢賣sandwich係另外間開一間房仔咁架
回覆刪除仲有我之後住Canary Whalf附近,CW既間Waitrose同Finchley Rosd差唔多,我諗應該算大間卦
[版主回覆03/04/2010 19:13:00]我就係講緊果種嘞~ Tesco + Sainsbury's 都有依種好似便利店咁細既店架! 但Tesco extra 就好大間嘞~ 所以妳去果間應該係方便買飲品 + 小食既細店~
您唔講我都唔知waitrose 咁好咁先進架喎! 好得意呀個 自助計錢器 同埋 做慈善個個好CSR! I love it! 不過可惜呢邊無waitrose 呢! 您講開有bar of chilli chocolate, 我諗起我飲過chilli chocolate, 超難飲, 飲落口嚨好似有陣怪怪地ge 感覺, 但又唔係辣喎! 個時我地5個人share 一杯, 但個杯都飲唔晒, 可想而知係幾咁唔好飲! 不過d 鬼又好鍾意飲喎!
回覆刪除[版主回覆03/04/2010 19:11:00]妳可以去Waitrose website 用store finder check 吓妳果頭附近無分店架嘛!
包朱古力見到都覺得怪! 莫講話買來試.......
你真係要快啲試吓隻萬能麵粉有幾巴蔽，匯報吓結果!
回覆刪除間超市又幾好喎，做生意之餘不忘做善事
[版主回覆03/04/2010 19:08:00]包野話整乜都得......搞到我都唔知用來整咩好!!?!?!?
係呀~ 賺咗錢後回饋社會! 所以佢地d野貴少少我都唔介意! (當然我係指其他超市無得賣既貨品啦!)
其實係個邊都幾先進, 咩鋪頭都有, 多個地方SHOPPING!!
回覆刪除[版主回覆03/04/2010 21:30:00]好彩我住住市區還好咯~ 如果住山卡啦果d地方兩、三個星期先出一次城就慘嘞! 真係有車都覺得煩~
我鍾意外國既超市又大又多野賣唔買睇都開心
回覆刪除突然間好想返英國，可惜我冇咁多大假
[版主回覆03/05/2010 17:22:00]香港都有西式超市呀~ 行住果幾間頂住檔先囉!
嘩!!呢間超市真係又大又靚又好行,最緊要係方便,成日都可以去買野LU~~~正!!
回覆刪除[版主回覆03/05/2010 17:15:00]依間比起香港既超市係好大; 但同依度其他超市相比直頭係豆腐潤!
個自助計錢器真係好方便呀﹗ 如果拎左野唔咇﹐出門口實響警報架~ 鴨蛋都有﹐厲害﹗ 呢包辣味朱古力我買過呀﹗好難食架~ 做善事個構思又幾好啵﹗
回覆刪除[版主回覆03/06/2010 00:39:00]拎咗野唔咇警鐘一定響 <///// 咁妳就大錯特錯嘞! 其實英國好多大店門口個detector 係流架! 我親眼見過最少3次d賊偷野時係大搖大擺咁行出店架~ (佢地咁樣都唔知算唔算係偷野...... ) 而個alarm 係完全唔響既!
我最近先發現原來魚檔都有鴨蛋賣......
我仲唸住搵次勇敢d試吓果隻朱古力呢.....陣味其實係點架?
好似要埋單夠£20先會有token~ 所以我去親都會盡量買夠數!
我都唔知點形容喇﹐我覺得陣味唔夾咁。 佢個辣椒味又唔知係咩辣椒﹐ 又有的似紅胡椒﹐再加朱古力味﹐好怪呀﹗ 仲難適應過辣椒軟糖呀~
回覆刪除[版主回覆03/06/2010 17:48:00]想像都想像得到朱古力 + 辣椒唔會夾啦!
不過妳形容到咁怪得咁緊要，搞到我更加心思思想試!
Waitrose個慈善計劃又幾好喎 , 就算 D 嘢貴D , 你心態上都覺得係做咗善事 , 幫吓人 , 無所謂啦 ! 哈哈 ~~ 佢哋個策略成功 !
回覆刪除我都鍾意行超市 , 咩都有嘛 , 就算唔買 , 睇吓都好吖 !
我有興趣想知個魚湯味道係點呀 , 你試咗未呀 ?
[版主回覆03/06/2010 17:46:00]係唔係策略都好啦~ 咁佢地事實每個月全英國225間分店都會捐錢出來做慈善! 佢地錢都賺咗咯，其實都無必要咁做! 係咪為咗超市形象好d都好啦，最緊要真係幫到有需要既人啫~~~
個湯我未試呀! 我唸住用來老翻喺羅馬時老公飲過果個魚湯~
我見過tesco都有鴨蛋買，但唔知係唔係唔係間間都有？
回覆刪除我諗無乜人偷野，係因為周圍都會有CCTV睇住，又或者外國人無諗得咁長遠(即未偷就諗下點偷先)掛
[版主回覆03/08/2010 22:10:00]Hello Queenie~ 係呀，我好耐之前都喺Tesco 買過鴨蛋煎蠔仔餅架! 不過後來我第一次整鹹蛋，去到Tesco 無鴨蛋，一問之下佢地話我知因為無乜demand，所以佢地唔再賣嘞!
其實好多CCTV + security detector 只係做樣嚇人架咋! 好多都係唔會響 + 其實無錄影架.......