2010年3月3日星期三

I Love Waitrose!!!


真係開心Glasgow 開咗間Waitrose!

舊年11月Glasgow Byres Road Waitrose 分店開張之前,全個Scotland 只得一間Waitrose - 喺愛丁堡!2008111213530190.gif image by veronica_tsim

果時要去開愛丁堡先有機會順便行吓Waitrose; 而家一個星期去一次都得嘞!

2008111213534002.gif image by veronica_tsim Waitrose 有乜咁巴閉呢?

Waitrose 係英國大百貨公司John Lewis 旗下既超市,同其他一般超市一樣有售賣大路牌子貨品 + 自家品牌既貨品~

有所不同既係,Waitrose 仲有好多一般超市無得賣既野 - 尤其係食品! 尤如一間普通超市 + Deli 既混合體~

雖然Waitrose 既貨品部份比一般超市貴,不過因為佢地有好多獨家食品,所以吸引到我去尋寶!

 Byres Road 分店唔算大,不過內裡裝潢間格行得好舒服!

 一入門口會見到依咋野 - 自助計錢器!

顧客買野時可先從架上取一個自助計錢器,之後一路shopping 一路自"咇"價錢 + 入袋,買完野後直接去收銀櫃台比錢,或到Quick Pay 用信用咭付款就可以走人,完全唔洗經收銀人員計數~ 好先進啊!

絕對適合現今依個每個人都好趕時間,連排隊比錢都廢事既時代......不過唔知會唔會好易比人偷野呢??

 超市內仲有免費食譜任取,而且經常都有新食譜~ 我又點會錯過呢?

2008111213535358.gif image by veronica_tsim咁我有咩野係一定要去Waitrose 買既呢?

 新鮮鴨蛋 (£2.35 / 一盒6隻) 除咗Waitrose 之外,其他一般超市全部都無鴨蛋賣!

Waitrose 自家出品茉莉綠茶包~ (£0.99 / 一盒20包)

自從以前飲開既Harvey Nichols Jasmine Green Tea Bags 唔再出之後,我一直搵緊另一隻代替品! 試過其他超市既牌子,但始終覺得唔夠香~  不過Waitrose 依隻唔錯!

之前覺得Hovis Super Strong Premium White Bread Flour 最正......_1317.gif image by veronica_tsim

上次好奇下買咗一包Waitrose 自家出品既加拿大高筋粉~ (£1.49 / 1.5kg)

真係一山還有一山高! Waitrose 依隻仲正過Hovis!!! (而且貴過Hovis 呢......) 依隻加拿大高筋粉暫時係我既至愛~~~

speaking of 麵粉......不得不提提依包"萬能麵粉"!!

今次買咗依包貴到超哂班既Sharpham Park Orgnaic Flour~ (£3.50 / 1kg)

依包野足足貴過其他大牌子麵粉3、4倍!!!!

有乜咁巴屎閉?

根據包裝上所講 - 用來整牛角包又得; 麵包又得; 批撻又得; pasta 又得...連海綿蛋糕都得! 完全唔洗分高筋中筋低筋!
_1270.gif image by veronica_tsim

至於係咪真係咁勁,要等我試過先知!

上次試過Waitrose 既甜酒松露鴨肝芭菲,雖然比我預期無咁好食,不過都係好食既!

今次試吓依隻Chicken Forestier Pate (野菌雞肝醬)~ (£2.39 / 170g)

希望佢會好食啦~~~~

頭先講過Waitrose 有好多一般超市無得賣既食品......

例如:

 我用來整偷雞牛角包既現成即焗croissant dough~ (£1.59 each)

 買咗一樽法國入口既魚湯~ 或者遲吓試吓用來老翻喺羅馬時飲過既魚湯!

 平時要中國超市先有得賣既金菇~ 而且賣得比中國超市平呢!

 一般超市有得賣既白菜其實只係小棠菜來~ 但Waitrose 就有真正既白菜賣嘞! 不過就貴到嚇死人......

喺蔬菜部發現依包怪野 - Jerusalem Artichokes~

直接譯法就係"耶路撒冷雅枝竹"~ 不過其實依舊野同一般 Artichoke 雅枝竹係完全無關係既!

普通雅枝竹食用部份係植物既花蕾; 而Jerusalem Artichokes 正名應該係菊芋,又稱洋薑,係植物既根部~

我無買到依盒野,只係好奇影張相~ 上網查過菊芋食味類似竹筍般清甜爽口,或者遲吓我會買來試試!

 辣椒口味既黑朱古力~ 你見過未???

2008111213530154.gif image by veronica_tsim
Waitrose 真係一間非一般超市!

喺Waitrose 買完野,收銀員會比你一個token......(不過好似要過£20先有~ )

個token 唔係用來買野既!  

佢地有一個叫做"Community Matters"既計劃......

 近出口處有一個分成3格既大膠箱~

每格係代表1個慈善機構~ 顧客可以將得到既token 用作投票 - 投入自己選擇既慈善機構!

Waitrose 每一間分店,每個月都會有£1000,而依筆錢係用作慈善捐款,受惠既就係該月既3間慈善機構~

分店會依照該月每個慈善機構所收集得到既token 多少,來分配捐款; 而3個慈善機構亦會經常更新,令更多慈善機構受惠!

我覺得依個係一個非常好既system!

雖然Waitrose 既貨品貴少少,但shopping 之餘又可以做善事幫到有需要既人,真係雙重happy 啊!



20 則留言:

  1. Gaileは林家歐巴桑2010年3月3日 下午4:13

    Waitrose先進左好多...以前行Waitrose只係朝早返學前買佢既sandwich,佢地既sandwich實在太好味... 窮鬼學生既我真係唔捨得買入面d野,只係貪近買水返屋企唔駛攞咁耐...
    [版主回覆03/04/2010 17:19:00]其實會唔會係妳去果間Waitrose 好似Tesco Metro, M&S simply food...果種比較細既便利店呀? 喺得大學附近既應該唔會好大間.......
     
     

    回覆刪除
  2. 你唔講我都唔知原來glasgow 冇waitrose bor.... edinburgh 只得一間係morningside....
    其實好少可edinburgh 有既野glasgow 會冇,,,, 相反glasgow 有既, edinburgh 好多都冇
    [版主回覆03/04/2010 17:09:00]妳返咗香港太耐嘞!  Edinburgh 而家有2間Waitrose 嘞; 而Glasgow 果間係舊年11月開既~ 不過Scotland 就係得依3間咁大把......
     
    Glasgow 依間正過Morningside 果間好多啊!!!! 一來大好多,二來多野賣好多~
     
     

    回覆刪除
  3. 仲有呀...forgot to say... waitrose 有好多flour 既品種, 普通market 係冇...
    我之前唔只係邊到睇過話waitrose有低筋賣, 不過我搵過edinburgh 果間又好似冇..(可能上次冇貨 又可能而家有...)
    [版主回覆03/04/2010 17:06:00]無見到喎~  Glasgow 分店舊年11月開咗後我已經去過好多次,次次都喺麵粉架前磨爛蓆都未有發現! 我依個weekend 會再去,等我到時再check 吓~
     
     

    回覆刪除
  4. 香港如果有呢d大百貨公司就好了
    [版主回覆03/04/2010 17:03:00]CitySuper 果d都差唔多之嘛~
     
     

    回覆刪除
  5. 呢間 shop 幾好喎..... 你又多個好去處勒 ....
    [版主回覆03/04/2010 17:02:00]一向都有去開,只係而家方便好多!
     
     

    回覆刪除
  6. 有間大又多野賣既超市好開心呀 .... 我好鐘意逛超市架, 可以星期六日行行吓街發現間無逛過既惠康都行得一餐, 咁可想而知其他大型超市我係幾咁鐘意行, 所以平日有機會行過都要入去兜兜睇吓有無新野同得意野呀.
     
    不過係啦, 佢地點樣防止 d 人唔嘟就咁入袋唔比錢呢  
    [版主回覆03/04/2010 17:02:00]其實依間超市比一般超市細好多! 只係佢地賣既野比一般超市特別~
     
    英國超市近年開始有self check out,越來越普遍~ 不過平時既self check out,都係買完野時去一條特別既link 自己咇每樣貨品,然後將貨品放入袋~ 依個方法就係用重量來防止偷野! 但計數器就係路買一路喺購物車度入袋,真係唔知佢地點防???
     
     

    回覆刪除
  7. 如果香港都有D咁正既超市就好啦....
    [版主回覆03/04/2010 16:56:00]
    香港有CitySuper + Sogo 樓下依d超市都好正呀!
     
     

    回覆刪除
  8. 個計$器好正... 唔駛怕睇錯price.. 仲有d食譜都好多喎, 呢間野真係幾正下.
     
    [版主回覆03/04/2010 16:46:00]我反而覺得個計數器麻麻! 電腦既野總有機會出錯,若果咇完一樣野發現價錢唔同,比錢時咪又係要叫收銀搞返掂佢! 我去親超市都唔趕時間 ,所以唔會用計數器!
     
     

    回覆刪除
  9. waitrose真係好正喎,咁多野賣
     
    買野兼做善事,一舉兩得,仲要係顧客自己選擇,咁民主,依個system真係好好
    [版主回覆03/04/2010 17:23:00]Waitrose 好多新奇貨品,真係行得好開心~ 不過如果再大間d就仲好!
     
    雖然佢d野貴少少,但又唔算太誇張,又可以做善事,何樂而不為?
     
     

    回覆刪除
  10. 嘩!真係好正喎!就算City Super同佢相比都差好多班!始終香港地方細,邊有咁多地方行吖!
    [版主回覆03/04/2010 19:19:00]
    依間超市其實唔算好大~ 不過有好多其他一般超市無得賣既野!  反而好多一般超市都好鬼大,但間間賣既野差唔多......
     
     

    回覆刪除
  11. Gaileは林家歐巴桑2010年3月4日 上午1:31

    唔係...我冇住大學附近住出面,果間喺Finchley Road,唔知佢算唔算大間,睇落唔似便利店喎...佢賣sandwich係另外間開一間房仔咁架
    仲有我之後住Canary Whalf附近,CW既間Waitrose同Finchley Rosd差唔多,我諗應該算大間卦
    [版主回覆03/04/2010 19:13:00]我就係講緊果種嘞~ Tesco + Sainsbury's 都有依種好似便利店咁細既店架! 但Tesco extra 就好大間嘞~ 所以妳去果間應該係方便買飲品 + 小食既細店~
     
     

    回覆刪除
  12. 您唔講我都唔知waitrose 咁好咁先進架喎! 好得意呀個 自助計錢器 同埋 做慈善個個好CSR! I love it! 不過可惜呢邊無waitrose 呢! 您講開有bar of chilli chocolate, 我諗起我飲過chilli chocolate, 超難飲, 飲落口嚨好似有陣怪怪地ge 感覺, 但又唔係辣喎! 個時我地5個人share 一杯, 但個杯都飲唔晒, 可想而知係幾咁唔好飲! 不過d 鬼又好鍾意飲喎!
    [版主回覆03/04/2010 19:11:00]妳可以去Waitrose website 用store finder check 吓妳果頭附近無分店架嘛!
     
    包朱古力見到都覺得怪! 莫講話買來試.......
     
     

    回覆刪除
  13. 你真係要快啲試吓隻萬能麵粉有幾巴蔽,匯報吓結果!
    間超市又幾好喎,做生意之餘不忘做善事
    [版主回覆03/04/2010 19:08:00]包野話整乜都得......搞到我都唔知用來整咩好!!?!?!?
     
    係呀~ 賺咗錢後回饋社會!  所以佢地d野貴少少我都唔介意! (當然我係指其他超市無得賣既貨品啦!)
     
     

    回覆刪除
  14. 其實係個邊都幾先進, 咩鋪頭都有, 多個地方SHOPPING!!
     
    [版主回覆03/04/2010 21:30:00]好彩我住住市區還好咯~ 如果住山卡啦果d地方兩、三個星期先出一次城就慘嘞! 真係有車都覺得煩~
     
     

    回覆刪除
  15. 我鍾意外國既超市又大又多野賣唔買睇都開心
    突然間好想返英國,可惜我冇咁多大假
    [版主回覆03/05/2010 17:22:00]香港都有西式超市呀~ 行住果幾間頂住檔先囉!
     
     

    回覆刪除
  16. 嘩!!呢間超市真係又大又靚又好行,最緊要係方便,成日都可以去買野LU~~~正!!
    [版主回覆03/05/2010 17:15:00]依間比起香港既超市係好大; 但同依度其他超市相比直頭係豆腐潤!
     
     

    回覆刪除
  17. 個自助計錢器真係好方便呀﹗ 如果拎左野唔咇﹐出門口實響警報架~ 鴨蛋都有﹐厲害﹗ 呢包辣味朱古力我買過呀﹗好難食架~ 做善事個構思又幾好啵﹗
    [版主回覆03/06/2010 00:39:00]拎咗野唔咇警鐘一定響 <///// 咁妳就大錯特錯嘞! 其實英國好多大店門口個detector 係流架! 我親眼見過最少3次d賊偷野時係大搖大擺咁行出店架~ (佢地咁樣都唔知算唔算係偷野...... ) 而個alarm 係完全唔響既!
     
    我最近先發現原來魚檔都有鴨蛋賣......  
     
    我仲唸住搵次勇敢d試吓果隻朱古力呢.....陣味其實係點架?
     
    好似要埋單夠£20先會有token~ 所以我去親都會盡量買夠數!
     
     

    回覆刪除
  18. 我都唔知點形容喇﹐我覺得陣味唔夾咁。 佢個辣椒味又唔知係咩辣椒﹐ 又有的似紅胡椒﹐再加朱古力味﹐好怪呀﹗ 仲難適應過辣椒軟糖呀~
    [版主回覆03/06/2010 17:48:00]想像都想像得到朱古力 + 辣椒唔會夾啦!
    不過妳形容到咁怪得咁緊要,搞到我更加心思思想試!
     
     

    回覆刪除
  19. Waitrose個慈善計劃又幾好喎 , 就算 D 嘢貴D , 你心態上都覺得係做咗善事 , 幫吓人 , 無所謂啦 ! 哈哈 ~~ 佢哋個策略成功 !
    我都鍾意行超市 , 咩都有嘛 , 就算唔買 , 睇吓都好吖 !
    我有興趣想知個魚湯味道係點呀 , 你試咗未呀 ?
    [版主回覆03/06/2010 17:46:00]係唔係策略都好啦~ 咁佢地事實每個月全英國225間分店都會捐錢出來做慈善! 佢地錢都賺咗咯,其實都無必要咁做! 係咪為咗超市形象好d都好啦,最緊要真係幫到有需要既人啫~~~  
     
    個湯我未試呀! 我唸住用來老翻喺羅馬時老公飲過果個魚湯~
     
     

    回覆刪除
  20. 我見過tesco都有鴨蛋買,但唔知係唔係唔係間間都有?
    我諗無乜人偷野,係因為周圍都會有CCTV睇住,又或者外國人無諗得咁長遠(即未偷就諗下點偷先)掛
    [版主回覆03/08/2010 22:10:00]Hello Queenie~ 係呀,我好耐之前都喺Tesco 買過鴨蛋煎蠔仔餅架! 不過後來我第一次整鹹蛋,去到Tesco 無鴨蛋,一問之下佢地話我知因為無乜demand,所以佢地唔再賣嘞!
     
    其實好多CCTV + security detector 只係做樣嚇人架咋! 好多都係唔會響 + 其實無錄影架.......
     
     

    回覆刪除

Related Posts Plugin for WordPress, Blogger...