2010年3月8日星期一

蕃茄紫菜魚腐湯 (滾湯)


1. 蕃茄洗淨切角; 魚腐解凍備用; 紫菜餅浸軟後撈起瀝乾。

2. 燒熱油鑊爆香薑2片,加入蕃茄角爆炒一會。

3. 炒至蕃茄開始腍,加入清水和雞精煮至大滾。

4. 加入再紫菜和魚腐滾約5分鐘,灑上蔥花和莞茜即成。

10 則留言:

  1. 係喇﹗我上次想整紫菜魚蛋米﹐ 就係想知的紫菜點預備喇﹗ 我咩都唔知就浸左佢啦﹐不過我冇剪開呀﹗ 然後唔係咁容易食囉~
    [版主回覆03/09/2010 18:19:00]我無剪開喎~ 我浸完就咁搾乾水就放湯嘞!
     
     

    回覆刪除
  2. Gaileは林家歐巴桑2010年3月8日 下午5:08

    依邊既紫菜好似海帶咁...好似搵唔到依d紫菜餅
    [版主回覆03/09/2010 18:17:00]吓? 海帶同紫菜2樣野來喎!!!!! 無紫菜餅或者妳可以試吓用包壽司果種大塊紫菜? 樓上有網友話佢用零食紫菜.....
     
     

    回覆刪除
  3. 4魚腐係咩來的呀? 紫菜和蕃茄會吾會撞味? 都好特別喎!!
    [版主回覆03/09/2010 18:16:00]魚腐即係魚肉豆腐囉! 一半係魚肉,一半係豆腐~ 有少少似炸魚蛋,但彈牙得來又有少少豆腐果種軟滑.....好難形容,不過好好正!
     
    紫菜同蕃茄都不知幾夾呀! 我之前用依個組合仲滾過肉碎 + 魚蛋~ 老公勁鍾意依個湯!! 妳都試吓吖~
     
     

    回覆刪除
  4. 我都好鍾意食紫菜但有沙 , 現在我用D零食紫菜放湯 ,  是否有点兒攪笑呢 ! 你用的紫菜餅浸軟就可用 , 咁好既乜牌子嚟呢 ?
    [版主回覆03/09/2010 18:13:00]零食紫菜好勁味精啊!! 用包壽司卷果種大塊紫菜好好多喎~
     
    我用既紫菜餅好乾淨 + 未試過有沙! 係依度中國超市由香港入口既貨~ 恒興海味公司 (香港德輔道西257號地下)
     
     

    回覆刪除
  5. 我啲紫菜以前通常係西貢買,不過啱啱用晒,我都要搵日去入貨先得
    [版主回覆03/09/2010 18:08:00]西貢紫菜一定好正~ 我用中國超市入口既紫菜餅咋! 不過都唔錯 - 最起碼無沙夠乾淨!
     
     

    回覆刪除
  6. 唔該哂 , 等我去開香港揾嚟試吓 .
    [版主回覆03/10/2010 22:52:00]唔洗客氣! 希望妳搵到啦~
     
     

    回覆刪除
  7. 八哥狗的女主人2010年3月9日 上午4:13

    妳下次不妨試吓煮魚湯魚腐米線, 好好食, 好鮮味的啊 !
    [版主回覆03/10/2010 22:51:00]好主意! 依個真係唸起都流口水~~~~ thanks for reminding!
     
     

    回覆刪除
  8. 我好耐都冇飲紫菜湯,搵日都要整下先!
    [版主回覆03/10/2010 22:50:00]整啦! 紫菜湯好快之嘛~~~
     
     

    回覆刪除
  9. 我好鍾意飲湯 ! 記得我細個時 , 阿媽成日滾紫菜魚旦湯我哋飲 , 好正架 ! 反而依家好少滾湯 ……
    [版主回覆03/10/2010 22:50:00]我都係好鍾意飲湯既人! 老火湯 + 滾湯都鍾意~ 以前喺香港V媽媽都好常滾湯,不過而家我返到香港,佢多數煲我至愛既鮑魚湯 / 豬橫脷湯~~~
     
     

    回覆刪除
  10. 我係美國都成日買魚腐, 好食又方便, 因為有時買魚蛋買著D唔靚就會有怪味OR 腥味,所以多數買魚腐看門口, 最近都唔知煲咩湯,加上最近比較容易累 , 等我都試下呢款滾湯先(個D材料都係我鍾意).
    [版主回覆03/12/2010 21:57:00]魚腐我第一次食咋! 估唔到咁好食喎~  我聽日都要買多包守定門口!
     
     

    回覆刪除

Related Posts Plugin for WordPress, Blogger...