2010年3月8日星期一

咖喱秋葵炒肉碎


1. 免治豬肉用胡椒粉、糖、生抽、少許雞粉、清水和粟粉醃好。

2. 秋葵洗淨瀝乾,去蒂及切開一半備用。

3. 燒熱油鑊爆香蒜蓉,下肉碎炒至金黃色。

4. 下秋葵並加入咖喱粉適量,和肉碎一同炒勻。

5. 下少量清水兜勻煮一會,上碟即成。


秋葵又稱羊角豆或潺茄; 英文名Okra 或Lady's Fingers~

秋葵表皮爽脆帶有細茸毛,內裡有黏稠滑滑既汁液,含豐富纖維果膠,可降低血液中膽固醇,並預防胃潰瘍及其他腸道疾病。



18 則留言:

  1. Okra 其實真係幾好食﹐ 不過唔係好擺得~
    [版主回覆03/09/2010 18:00:00]之前我喺中國超市見過幾次想買架嘞! 不過唸住搵吓食譜睇吓點整先買~ 點知過一星期返去佢地仲係賣緊果d貨! 一睇個樣都知唔新鮮.......
     
     

    回覆刪除
  2. 我成日都係tesco見到,但又唔知點煮。有次見到我housemate炒泥食,但見到佢滑潺潺咁好核突呀 其實佢陣味係似乜架?
    [版主回覆03/09/2010 17:58:00]我之前見Tesco + Asda 都有,不過已經好耐無見過咯! 依包喺Waitrose 買既~
     
    其實呢係無咩味既! 所以依個好靠調味~ 外面皮爽脆,裡面有d類似食東風螺時裡面既"潺",覺得核突既話都幾難接受架!
     
     

    回覆刪除
  3. Gaileは林家歐巴桑2010年3月8日 下午5:03

    依個老公都好鐘意食....我只係燙熟淋上香油同醬油膏!下次試下妳既煮法先
    [版主回覆03/09/2010 17:55:00]淨係烚熟秋葵定連肉碎一齊烚? 妳個方法都好似好正喎! 我下次試妳既煮法~
     
     

    回覆刪除
  4. 秋葵我都好喜歡食, 原來咁多好處, 有時要買來食下..
    [版主回覆03/09/2010 17:54:00]係呀~ 好有益架! 而且妳又鍾意食就應該食多d~ 好多人鍾意果種滑潺潺感覺.......
     
     

    回覆刪除
  5. 原來有咁多好處 , 會似潺菜嗎 ? 我食過潺菜接受唔到 .
    [版主回覆03/09/2010 17:43:00]仲勁過潺菜! 咁秋葵唔啱妳嘞.....
     
     

    回覆刪除
  6. 我未食過lady's fingers,因為我媽咪話好難食,所以我都唔敢試
    [版主回覆03/09/2010 17:42:00]今次第一次食,我幾鍾意啊! 連至憎菜既老公都覺得好食~ 不過如果覺得果種滑潺潺既感覺核突既話,會難d接受!
     
     

    回覆刪除
  7. 香港唔知有冇得買喎???
    [版主回覆03/09/2010 17:40:00]有~ 我見過香港網友自己種來炒呢! 不過我唔知邊度有得賣.......秋葵其實印度人好常用來煮咖喱~ 我估街市菜檔可能會有!
     
     

    回覆刪除
  8. 我媽咪就係話佢滑潺潺,不過我覺得奇怪,因為我媽咪同我都好鐘意食潺菜,唔明點解我媽咪話唔鐘意lady's finger滑潺潺
    [版主回覆03/10/2010 23:03:00]
    秋葵滑潺潺既程度比起潺菜更勁架! 不過妳鍾意潺菜既話,咁妳應該試吓秋葵!
     
     

    回覆刪除
  9. 搭傘~百佳、taste、citysuper都有lady's fingers賣
    [版主回覆03/10/2010 23:01:00]各位香港網友:
     
    百佳、Taste + CitySuper 都有秋葵賣呀!!!!
    (阿四話既! )
     
     

    回覆刪除
  10. Gaileは林家歐巴桑2010年3月9日 上午2:10

    我冇連肉呀...我個方法比較清,因為我都唔識點煮,就用烚囉,實冇失手
    [版主回覆03/10/2010 23:00:00]咁烚完加咗調味料應該幾好食既~
     
     

    回覆刪除
  11. 吓 ! 咁潺滑ga  , 咁就唔敢試囉 , 我在賣泰國食材的地方見過 .
    [版主回覆03/10/2010 22:59:00]滑潺潺既口感都幾勁架! 妳連潺菜都唔鍾意,秋葵一定唔啱妳!
     
     

    回覆刪除
  12. 係喎! 可以用黎炒肉碎喎! 我淨係叫印度外賣先會食咋!
    [版主回覆03/10/2010 22:58:00]我反而食印度野時只見過 (出去食果時),但之前完全未食過~
     
     
     
     

    回覆刪除
  13. 我未食過秋葵
    [版主回覆03/10/2010 22:57:00]買來試吓啦! 好有益架~
     
     

    回覆刪除
  14. 我未食過秋葵呀
    [版主回覆03/10/2010 22:57:00]買來試吓啦! 好有益架~
     
     

    回覆刪除
  15. 香港city super有秋葵賣, 一包仔大概廿蚊咁上下
    我食過一次, 我同事白烚呀, 幾驚, 好彩d味都ok
    你炒得個樣好好味呀 ~ 叻叻
    [版主回覆03/10/2010 22:56:00]多謝Catherine!
     
    妳同事用來白烚? 咁佢烚完有無用調味呀? 秋葵基本上完全無味果喎.....
     
    我覺得秋葵果種滑滑既感覺幾得意~~~
     
     

    回覆刪除
  16. 就係因為無調味, 所以佢白烚個味都ok (可以接受, 當烚菜咁食)
    見到你用咖喱炒, 睇到我留哂口水 (我仲叫左我同事下次跟你試下咁煮)
    同意, 個口感好味, 滑滑地咁又清
    [版主回覆03/11/2010 17:37:00]我見過有人用來整涼拌,我唸係烚完加調味料~ 既然妳話白烚都OK,我下次都試吓涼拌!
     
    果晚我怕炒到成個廚房一陣咖喱味,咖喱粉輕手咗! 落多少少仲惹味!
     
     

    回覆刪除
  17. 我都未食過秋葵....吾知係咩味道黎既呢.....
    [版主回覆03/11/2010 17:34:00]如果妳果邊見到有得賣就買來試吓吖! 外面皮爽脆,裡面滑"劣劣"~~~ 而且好有益架!
     
     

    回覆刪除
  18. I never eat it before.  Wanna to try try.   Is it a chinese vegt?
    [版主回覆03/12/2010 06:54:00]im not sure woh.......but i can get it from most Asian and UK supermarkets!
     
     

    回覆刪除

Related Posts Plugin for WordPress, Blogger...