2010年3月3日星期三

頂住檔

_342.gif image by veronica_tsim 是咁的......

早前喺Rome住既酒店食buffet breakfast,對佢地既croissant 一直念念不忘!

酒店既croissant 雖然係凍既,不過食落香酥柔軟,充滿牛油香~~~  而且croissant 上有一層薄薄既royal icing 糖霜,令croissant 略帶微甜......
微甜既croissant 夾住意大利火腿......哇~~~ 真係唸返起都流口水!!!1775465337.gif image by veronica_tsim

於是我決定要自己老翻!!

要老翻依個羅馬火腿牛角包,首先當然要有一個甜甜croissant!

2008111213535358.gif image by veronica_tsim
 咁就要講返上星期嘞......

上星期有一日突然好想食熱辣辣油炸鬼 ,於是上網搵油炸鬼食譜啦!

雖然中式超市有現成炸好既油炸鬼賣,不過唔係日日都有新鮮貨~  而且有時突然興起想食時佢又無貨,唔想食時就大把貨......所以最好都係可以自己整!

點知原來整油炸鬼係好鬼麻煩架!!!  除咗基本材料麵粉 + 發粉之外,又要鹼水、食用臭粉...仲有一種我唸英國唔會搵到,而且我連讀都未識讀既材料 - 礬~

不過搵食譜既同時,無意中睇到一位同樣住喺外國中國人既blog 介紹......

可以用依隻即焗牛角包麵糰 - Pillsbury 6 Croissants Ready to Bake,代替果大咋麻鬼煩材料來整油炸鬼!

但依位blog 主應該係住喺美國既,於是我上網搵吓英國有無依隻牛角包麵糰賣......

網上資料話Tesco 有得賣,我去Tesco搵過但無 ; 之後又見到網上有人話依隻croissant dough 喺英國唔夠demand ,所以超市已經唔再入貨!  咁我唸住放棄啦......

點知weekend 竟然比我喺Waitrose 搵到喎!!!!
2008111213535334.gif image by veronica_tsim即時買咗2罐~ (£1.59 each)

不過去完Waitrose 後,再去泗和行時.......

 比我見到依隻泰國出品既現成油炸鬼粉!!!2008111213534059.gif image by veronica_tsim可惜當時貨架無哂貨,唯有過幾日再去睇吓返貨未啦~


咁油炸鬼就等到買到油炸鬼粉先整啦!

而果2罐Croissant Dough 就用來整返Croissant 啦......

依隻Ready to Bake Croissant Dough 真係超級方便!

 包裝上有指示教埋你點用~

 撕去面頭招紙後,好似扭濕毛巾咁輕輕扭一下,就見到舊麵糰~ 唔需要用罐頭刀架!

 麵糰捲成一筒,拉開後用刀沿住虛線分割好6個三角形~

將每個三角形捲成咁...求其捲埋就得架嘞! 千其唔好捲得太實喎!!!

前後都唔洗5分鐘就捲好哂6個牛角包!

再喺包上塗上蛋液,放入已預熱180C 焗爐內,焗15分鐘......

 Ta Da!!!

不過雖然依隻Croissant Dough 好方便......

口感都好軟綿綿!

而且焗緊時牛油香好鬼強勁!!!  不過完成品反而無咩牛油香味,味道亦麻麻地~ 睇來係時候研究吓點整牛角包嘞......

不過依隻Croissant Dough 都不失為偷懶時既好選擇既!

焗好既牛角包要先待涼,然後先上royal icing 糖霜~

 用既係依種Royal Icing Sugar~

同普通糖霜 / 糖粉唔同架!!!

用法係先用凍水加入royal icing sugar 拌勻,然後搞到開始變杰杰地,就可以掃上牛角包上面~ 等royal icing 乾後就有一隻甜甜croissant 架嘞!

 依隻Waitrose 買既減價意大利火腿雖然唔係Parma,不過都好香好好食!

 夾喺甜甜croissant 裡面,雖然依隻老翻唔係100%羅馬食到既味道,但用來頂住檔都好過無既! 

另外依樽香草油浸珍珠八爪魚 (eight claw fish! ) + 依枝我喺羅馬時飲過既檸檬茶 (Tesco World Food Section 有售),同樣可以頂住檔用來止我既"羅馬癮"! (網誌~)



31 則留言:

  1. 你講到的油炸鬼好似呢度的念肉咁呀﹗ 想食又冇貨﹐冇特別想食佢就大把貨~ 又要鹼水同食用臭粉﹖淨係呢兩樣都唔知去邊度搵啦~ 仲要加埋礬添﹖﹗我諗呢幾樣材料要藥房先有喇。 我好心急想睇你整油炸鬼呀﹗

    回覆刪除
  2. hello : ) 個牛角包麵團好得意呀~~~~~ 我weekend都去買一個玩下先: P 不過唔知邊度有waitrose.....我都係去開Tesco 同Asda

    回覆刪除
  3. 個時我bf 都有整過油炸鬼, 但係唔係好成功。。。唔發得人地咁大條呀! 跟住我聽我中國個FD 講發得愈大條愈鬆較的係用洗衣粉來發架。。。 其實ROYAL ICING SUGAR 同ICING SUGAR 有咩分別呀? 

    回覆刪除
  4. I baked this croissant too. Also you can use it to make sausage bun

    回覆刪除
  5. Gaileは林家歐巴桑2010年3月3日 下午4:41

    依隻croissant好鬼方便喎
    整油炸鬼咁麻煩,d材料真係好難搵囉,不過我好妳好多,想食出去永和豆漿買就有喇,唔駛自己整(好似哂緊命)
    [版主回覆03/04/2010 17:40:00]其實除咗礬(音凡)之外,其他所有整油炸鬼既材料,我依度都買得到! 每個地方都有d野有,有d野無架啦~ 而且我鍾意食既野,會好enjoy 自己學整!   妳曬命搵錯地方嘞~ 我唔妒忌妳喎!
     
     

    回覆刪除
  6. 呢隻牛角包我都試整過、價錢又唔算平口感又唔靚~ 完全冇牛角包應有既口感~我試整完一次就冇再整lu~ 我呢度去costco(超大批發/零售超市)、 佢地自家出品既牛角包次次都食到我lum lum利~哈哈~ 死啦講講下我都口痕添~
    [版主回覆03/04/2010 17:36:00]口感靚唔靚要睇吓你捲成點架! 之前果罐我捲得實得滯,同尋日整果幾隻口感相差好遠~ 不過現成野係差唔多架嘞!
     
    Costco 我依度都有! membership 過咗期後已經好耐無去過~
     
     

    回覆刪除
  7. 你果方便牛角包幾得意喎 ....
    [版主回覆03/04/2010 17:33:00]真係好方便,但食落差好多皮......
     
     

    回覆刪除
  8. 用這罐麵團就做到牛角飽好方便喎 , 而且賣相都不錯 , 連現成油炸鬼粉都有得賣 , 你住的地方乜都有認真方便 , 期待着制成品的結果 .
    [版主回覆03/04/2010 17:32:00]個麵糰係好方便 + 賣相都唔錯,不過食落就麻麻地,不過現成野係差唔多架嘞~ 我唸住遲吓自己整牛角包!
     
    油炸鬼粉係泰國出品,希望快d有貨啦! Glasgow 係蘇格蘭既中心 + 最大既城市~ 我都好慶幸自己住既地方咁方便就腳! 叫我住山卡啦就慘嘞!!!!!
     
     

    回覆刪除
  9. 濃情朱古力碰上士多啤梨2010年3月3日 下午9:02

    嘩, 真係好方便, 睇張相都已經流晒口水
    [版主回覆03/04/2010 17:28:00]其實個牛角包麻麻架咋! 只係勝在夠方便~ 不過火腿就好正!
     
     

    回覆刪除
  10. 我以前係加拿大都玩過呢隻Pillsbury 6 Croissants Ready to Bake
    [版主回覆03/04/2010 17:27:00]Pillsbury 係美國出品嘛,加拿大應該好易買得到!
     
     

    回覆刪除
  11. Ta Da!!!   <-------------真係笑左出聲......幻想埋你個樣, 好得意既表情, 哈哈
    [版主回覆03/04/2010 19:05:00]可以係咁既樣 ; 又可以係咁既樣 ; 又或者係咁既樣都得 !
     
     

    回覆刪除
  12. 雖然係老翻但都非常吸引吖
    [版主回覆03/04/2010 19:03:00]老翻的確唔夠正版野好! 不過焗住就好過無啦~
     
     

    回覆刪除
  13. 佢有齊晒呀! 有埋礬tim呀係叫人地係大陸帶過黎架! 如果我無記錯, 礬既外型好似冰糖咁架! 我諗佢有剩礬係到呀! 如果您想整油炸鬼的話, 我寄比您吖! 我諗佢失敗左咁多次, 佢都唔會再整架喇! 仲有呀, 我個fd 試過用中國超市d 油炸鬼粉, 佢地話唔好架! thanks for telling me about royal icing... 但係咩叫會set 既icing 呀?! 係咪d外國人旦糕上面厚厚個層白色野呀?
    [版主回覆03/04/2010 19:02:00]就係因為失敗咗咁多次,先應該再試多幾次嘛! 要戰勝佢嘛!  妳又唔試吓整? 或者妳整得好過妳男友呢?
     
    Thanks for offering~ that's very sweet of you!  不過我都係想先試試油炸鬼粉~ 因為我試過同牌子既中式包粉覺得唔錯,好奇想睇吓油炸鬼粉係點~
     
    無錯嘞~ 就係洋人蛋糕上果隻嘞! 不過係蛋糕仔上果種 - 只薄薄一層~ 呢有d洋人甜品酥上都有依種icing~ 而大蛋糕果種係杏仁膏做既icing!
     
     

    回覆刪除
  14. 我呢邊超市有呢隻牛角包賣,但未買過嚟食
    [版主回覆03/04/2010 18:54:00]如果妳唔怕麻煩 + 識自己整牛角包既話,可以不試!
     
     
     
     

    回覆刪除
  15. 佢唔係整過幾次咁少.... 係次起碼過10次唔以上! 佢試過有唔同的recipe 整, 佢有問過d 點心師傅點整.... 但係都無人地個d 發得咁大... 食就食得落口.... 個排咪餐餐食粥 送 油炸鬼lol ! 但係食得多好膩...食到我地都唔想再食呀! 我無咩興趣整油炸鬼mei... 但係我今個weekend想整曼頭呀 (我突然好想食呀)... 您識唔識整炸曼頭呀? 其實yorkshire pudding 都好似油炸鬼架我覺得... 哦.... 薄薄一層係咪人地整cupcake 上面個d 呀? 係咪royal icing sugar 開水就好似jelly 咁, 之後佢就會變硬架啦??? 我好多問題tim...
    [版主回覆03/04/2010 21:28:00]咁煮野食其實都幾講天份 + 手勢! 用對材料 + 同等份量,唔同既人做出來效果可能個個唔同~
     
    我未整過饅頭呀~ 中式菜肉包就整過一次!
     
    我第一次食Yorkshire Pudding 時都覺得幾似油炸鬼! 不過無我地中國人既油炸鬼咁有嚼勁囉~
     
    就係cupcake 上面果d! 不過開水後唔似jelly,似漿糊多d~ 而且會set 但唔係硬既 (粉狀咁啦~)
     
     

    回覆刪除
  16. 整牛角包麵團, 在TESCO見有得買, 不過未整過!
    我老公整過油炸鬼, 佢話叫"明樊"香港買過來的, 用好少! 中國超市問下有無得買?? 我裡邊中國超市有時有賣油炸鬼, 有朋友買來食: 鎊幾一條!!
    [版主回覆03/04/2010 21:22:00]我依度Tesco Extra 都搵唔到! 反而Pillsbury 麵粉佢地又有喎....吹脹~~~~~
     
    我依度間間中式超市都有新鮮油炸鬼賣! 不過下下想食時都要去中式超市好煩啫......鹼水 + 食用臭粉依度有得賣,礬就無留意過~ 不過就算有都唔買嘞! 學妳話齋用得果少少,剩低又要keep 住麻鬼煩......包油炸鬼粉好似幾方便咁~ 我之前試過同油炸鬼粉同牌子既中式包粉覺得唔錯,可能油炸鬼粉都好食呢!
     
     

    回覆刪除
  17. 個賣相都唔錯喎.我都係好鍾意食牛角飽的.不過好肥,所以都唔係好敢食咁多,但見到你嗰2罐Croissant Dough 咁易整,又好心思思想整,唔知香港有無得賣呢?
    [版主回覆03/04/2010 21:50:00]據我所知香港應該係有Pillsbury 既產品賣既! 不過我就唔知有無依隻牛角包dough 賣嘞? 或者妳可以去西式超市搵吓? 又或者叫妳囝囝寄2罐比妳?
     
     

    回覆刪除
  18. 又幾得意喎~
    [版主回覆03/05/2010 18:01:00]玩就幾好玩既~ 不過食落就麻麻!
     
     

    回覆刪除
  19. 嗰罐野真係超容易+超方便, 岩晒我呢啲"白痴" 唔知HK有冇呢~
    [版主回覆03/05/2010 17:59:00]唔清楚香港有無得賣! 不過好似有幾位香港網友都用過,我問咗佢地喺邊度買,等緊佢地覆~
     
     

    回覆刪除
  20. Have you considered using Puff Pastry sheets?
    [版主回覆03/05/2010 17:45:00]to make.....???? 油炸鬼or croissant?
     
    actually i have! (for trying to make 油炸鬼) ive got a pack of puff pastry dough (mine is a dough) in the fridge. i also bought some yorkshire pudding mix, since yorkshire pudding tastes quite like 油炸鬼.
     
    havent tried both yet cos i want to try the 油炸鬼 mix first~
     
     

    回覆刪除
  21. 呢罐野真係好鬼正呀. 方便. 焗出來都好正.
    [版主回覆03/05/2010 17:39:00]有香港網友想知邊度有依罐野賣喎!
     
     

    回覆刪除
  22. 呢罐野真係好鬼正呀. 方便. 焗出來都好正.

    回覆刪除
  23. 呢罐野唔記得邊個介紹過,因為好方便,有時想食牛角包一整就得,非常好呀~~~~
    [版主回覆03/05/2010 17:38:00]香港有得賣呀? 邊度呀? 有網友想知啊~~~~
     
     

    回覆刪除
  24. Try Puff Pastry sheets to make croissant
    [版主回覆03/05/2010 21:52:00]really? it sounds a good idea! thanks for telling me that~
     
     

    回覆刪除
  25. 即焗牛角包麵糰我係見過架,不過就唔記得係邊樹見過  雖然味道一般,不過5分鐘就捲起6隻牛角包,唔洗搓,就真係非常方便~
     
    油炸鬼粉張相啲油炸鬼短短地,又幾過癮喎
    [版主回覆03/05/2010 21:55:00]咁係咪依隻牌子Pillsbury 呀? 因為我知道Sara Lee 都有出相同產品! 偷懶時都未嘗唔係一個好選擇來既,但味道就真係麻麻嘞......
     
    聽日去睇吓油炸鬼粉入返貨未! 希望有貨啦~~~~
     
     

    回覆刪除
  26. 我前日去亞超見到你講果盒油炸鬼粉呀﹗ 其實我唔係想食油炸鬼﹐不過我想整黐飯﹐ 想自己整落足料同少的飯咁~ 但我望住盒粉﹐一諗到要炸﹐我又冇買到喇~ 我真係好怕炸野架﹐加上我得電爐同鬼鑊咋~
    [版主回覆03/06/2010 00:52:00]E~~~~~~~~~~~~~~~~~~~~~~~~~~~~~~~~~~~~
    人地上星期特登買咗包糯米就係唸住整粢飯呀!!!!
    人地唸住整粢飯油條鹹豆漿來個上海早晨全餐嘛!
    如果妳當炸野時好似打緊邊爐咁....會唔會好d呢?
     
     

    回覆刪除
  27. Mrs Williams 威廉C太太2010年3月5日 下午3:48

    i bought this one before. But not that good
    [版主回覆03/06/2010 17:39:00]i also think it wont be as good as the real thing......however it is very convenient! i still want to give it a try~
     
     

    回覆刪除
  28. 我認得包裝個公仔樣,應該係同一牌子黎~
    [版主回覆03/06/2010 17:35:00]OIC~ 哈哈~~~~~ 個公仔有名架! 叫做"Dough Boy"呀!
     
    若妳下次再見到的話,麻煩單聲我知邊度有得賣! thank you~~~~
     
     

    回覆刪除
  29. 唔該晒你喎~ Mrs.T~
    [版主回覆03/07/2010 04:47:00]唔洗客氣~ 我自己都唔知香港邊度有得賣,最多都只係問香港網友!
     
     

    回覆刪除
  30. 我老公好鍾意食牛角包, 如果香港有得賣, 我都想試下
    [版主回覆03/08/2010 22:04:00]依罐野只係好方便! 但味道真係好麻麻架咋~ 如果我知道邊度有得賣我就通知妳啦!
     
     
     
     

    回覆刪除

Related Posts Plugin for WordPress, Blogger...